Showing posts with label சம்பந்தர் அமுதம். Show all posts
Showing posts with label சம்பந்தர் அமுதம். Show all posts

Tuesday, June 8, 2021

சம்பந்தர் அமுதம் - 1.45:11

#சம்பந்தர்அமுதம் 

நண்டைக்குப் புறம்பான கருத்துக்களைப் பேசிப் பொழுதை வீணாக்கி தாமும் கெட்டு வாழும் புறநெறியினர் வழியில் செல்லாமல்,
நம் வினை போக்கும் ஈசனைச் சார்ந்து வழிபடுங்கள், என்று அறிவுறுத்தும் அற்புத பாடல்.

✅ முதல் திருமுறை பதிகம்: 45
தலம்: திருவலங்காடு
திருவாலங்காடு பதிகம்
' எம்மைப் பாட மறந்தனையோ '
என ஈசன் கூறி சம்பந்தர் தரிசனம் செய்து பதிகம் அருள் பெற்றது.
(481. துஞ்சவரு வாரும் தொழுவிப் ....
எனத் தொடங்கும் பதிகத்தில்,
11 வது பாடல் (491):
💜
போழம் பலபேசிப் போதுசாற்றித் திரிவாரும்
வேழம் வருமளவும் வெயிலேதுற்றித் திரிவாரும்
கேழல் வினைபோகக் கேட்பிப்பாரும் கேடிலா
ஆழ்வர் பழையனூர் ஆலங்காட்டுஎம் மடிகளே.
❤️
பொருள்.
நண்டைக்குப் புறம்பான மாறுபட்ட சொற்களையும்,  காலத்துக்கு ஏற்ற வாறு உண்மைக் கருத்துக்களையும் கூறியும், பேசியும், பொழுதை வீணாக்கியும், நன்மையல்லாதவற்றை உபதேசங்களாகக் கூறும், 
யானைத் தீ வரும் அளவும் வெயிலிடை உண்டு திரியும் மதவாதிகளுமாகிய புறச்சமயிகளைச் சாராது விலகி வந்து தம்மைச் சார்ந்த அடியவர்களைப் பற்றிய வினைகள் அகலுமாறு அவர்கட்கு உபதேசங்களைப் புரியச் செய்பவர், அழிவற்ற ஆளுமையுடையவர் ஆலங்காட்டு எம் ஈசன். அவரையே தொழுங்கள் என்பது சிறப்பு.
🛐
தலச்சிறப்பு:
அருள்மிகு ஸ்ரீ வண்டார்குழலி அம்மன்உடனுறை ஸ்ரீ வடாரண்யேஸ்வரர்  சுவாமி திருக்கோவில். திருவாலங்காடு.
🌸மாந்தி மற்றும் சனி தோஷம் நீக்கும் தலம்.
👉திருவாலங்காடு. 
👉திருவள்ளூர் மாவட்டம்.
🌸காரைக்கால் அம்மையார் முக்தி தலம்.
🌸இரத்தின சபை. பெருமான் ஊர்த்துவத் தாண்டவம் ஆடிய தலம்.
🤍நால்வர் பாடிய தலம்.
🌸 அருணகிரியார், இராமலிங்க அடிகளார், கச்சியப்பர், பாம்பன் சுவாமிகள் பாடியருளியுள்ள பதி.

நன்றி🙏

❤️🙏💜🙏💚🙏💛🙏🧡🙏
என்றும் அன்புடன்
#சுப்ராம்_அருணாசலம்_காரைக்கால் 
❤️🙏💜🙏💚🙏💛🙏🧡🙏

Thursday, May 27, 2021

சம்பந்தர் அமுதம் 01.102. பாடல் 2, 3.

#சம்பந்தர்அமுதம் 

இறைவனை ஐயா என்று சரணடைந்தால் எவ்வித அல்லல்களும் நம்மை அடையாது
என்றும்,
அரனே என்று உள்ளம் பொருந்திப் பாடுகின்ற அடியவர்களுக்கு எந்த நோயும் அண்டாது
என்பதை
மிக அருமையான பாடல்கள் மூலம் நம் தமிழ் விரகனார், திருஞானசம்பந்தனார் அருளியுள்ளமை எண்ணி உணரத்தக்கது.
முதலாம் திருமுறையில் சீர்காழி தலத்திற்குரிய பதிகம் எண் :102 பாடல்கள் 2 மற்றும் 3வது பாடல்களில் இவ்வாறு அருளியுள்ளதை பொருள் விளக்கத்தோடு சிந்திப்போம்.
❤️🙇🏼‍♂️🙆🏼💙
பாடல். (2).1103.
மொய்சேர்வண்டுண்  மும்மதநால்வாய் முரண்வேழக்

கைபோல்வாழை  காய்குலையீனும் கலிக்காழி

மைசேர்கண்டத்து எண்தோள் முக்கண் மறையோனே

ஐயாஎன்பார்க்கு அல்லல்களான அடையாவே.
🙏♥️🙇🏼‍♂️
பொருள் : வண்டுகள் உண்கின்ற மும்மதம் பொருந்திய, தொங்கும் வாயைப் போன்ற வேழத்தின் துதிக்கை போன்று, நீண்டு பெருகிய வாழை, குலையீனும் காழியில், 
நீலகண்டமும், எண்தோளும், முக்கண்ணும் கொண்ட மறையவனே! ஐயா! என்று, ஈசனைப் போற்றிப் பணிபவர்களை அல்லல் அடையாது.

🤎🙏💜🙇🏼‍♂️💙🙆🏼💛🙏💚
பாடல்: 3. 1104
அரனே! என்று உள்ளம் பொருந்திப் பாடுகின்ற அடியவர்களுக்கு நோய் அடையாது.
💜🙇🏼‍♂️
இளகக்கமலத்து ஈன்கள் இயங்கும் கழிசூழக்

கனகப்புரிசை கவினார்சாரும் கலிக்காழி

அளகத்திருநல் நுதலிபங்கா 
அரனேஎன்று

உளகப்பாடும் அடியார்க்குறுநோய் அடையாவே.
💛🙇🏼‍♂️💚🙆🏼
பொருள் :
தாமரை மலரிலிருந்து இளகி வெளிவரும் தேன் வழியும் உப்பங்கழி சூழ, சுண்ணாம்பு பூசப்பெற்ற மதில்கள் அழகு பொலிய விளங்கும் காழியில், அழகிய கூந்தலும் நல்ல நெற்றியும் உடைய உமாதேவியைப் பாகங் கொண்டுள்ளவனே! அரனே! என்று உள்ளம் பொருந்திப் பாடுகின்ற அடியவர்களுக்கு நோய் அடையாது.

அளகம் - கூந்தல்
உளகப்பாடும் - உள்ளம் பொருந்தப்பாடும்.

பதிவும், பகர்வும்
🙏♥️🙇🏼‍♂️🙏💙🙆🏼🙇🏼‍♂️🙏💚
என்றும் அன்புடன்
#சுப்ராம்_அருணாசலம்_காரைக்கால் 
🙏♥️🙇🏼‍♂️🙏💙🙆🏼🙇🏼‍♂️🙏💚

Wednesday, May 26, 2021

சம்பந்தர் அமுதம்: முதல் திருமுறை : 1.59.9

#சம்பந்தர்அமுதம் 
முதுமையால் வாடி வாழ்வை பழி என்றும், இழி என்றும் நினைத்து வாடி, நற்கதி பெற வேண்டுமே என்று ஏங்கி தவரான, பொறுத்தமற்ற இடத்தினை அடைந்திடாமல், உடனடியாக நம்இறைவன் அருள்தரும் இடத்தை அடைந்து உருகி தொழுதால் நிச்சயம் நாம் நற்கதி பெறலாமே என்று நம் தமிழ் விரகன், ஞானசம்பந்தப்பெருமான் அருளிய மற்றும் ஒரு பாடல் இது.
முதல் திருமுறையில் 59வது பதிகத்தில் வரும் 9 வது பாடல். திருத்தூங்கானைமாடம் (பெண்ணாடம்) என்னும் தலத்தில் அருளியது.
தலத்தின் சிறப்புகள்:
🛐தலம். திருத்தூங்கானைமாடம்
பெண்ணாகடம்
❤️❤️விருத்தாச்சலம் - திட்டக்குடி சாலையில் தொழுதூரிலிருந்து 15 கி.மீ. திட்டக்குடிக்கு கிழக்கில் 15 கி.மீ
🧡🧡நடுநாட்டுத்தலம்
💚💚தேவகன்னியர், காமதேனு, வெள்ளையானை (பெண் +ஆ+ கடம்)
வழிபட்டது
💜💜கடந்தை நகர் எனவும் பெயர்
🤍🤍கலிக்கம்ப நாயனார் (பணியாள் சிவனடியாராக வர, நீர் வார்க்கத் தாமதித்த மனைவியின் கையை வெட்டியவர்) அவதாரத்தலம்
🤎🤎அப்பர் சூல இடபக் குறி பொறிக்குமாறு வேண்டிப் பெற்றத்தலம்.
💛💛'பொன்னார் திருவடிக் ஒன்றுண்டு
விண்ணப்பம் போற்றி செய்யும்

என்னாவு காப்பதற்கு இச்சையுடன் இரு கூற்று அகல

மின்னாரு மூவிலைச் சூலம் என்மேற்பொறி மேவு கொண்டல்

துன்னார் கடந்தை தூங்கானை மாடச் சுடர்க் கொழுந்தே.
(நாவுக்கரசர்)
💙💙மெய்கண்டார் அவதாரத்தலம்
🙏🙆🏼🙇🏼‍♂️🙏🙆🏼🙇🏼‍♂️
சுவாமி : சுடர்க்கொழுந்திஸ்வரர், பிரளயகாலேஸ்வரர்.
அம்பிகை: கடந்தைநாயகி
சுவாமி, கிழக்கு நோக்கியவர்
அம்பிகை தெற்குநோக்கி தனி அமைப்புடன்.
🛐🛐கஜபிருஷ்ட விமானம்
⚛️⚛️மூலவர் நான்கு புறமும் பலகணி (சன்னல்) உள்ளது
🔯🔯மூலவர் வடக்கில் கட்டு மலைமேல் செளந்தரேஸ்வரர் சன்னதி தனி வித்யாசமான திருக்கோவில் அமைப்பு.
☸️☸️பிரளயம் காத்த அதிகார நந்தி கிழக்கு நோக்கியது.
🕉️🕉️பெரிய ஆலயம். மிக சிறப்பான தலம்.
❤️🙏💚🙏🧡🙏💛🙏💜🙏💙
என்றும் அன்புடன்
#சுப்ராம்_அருணாசலம்_காரைக்கால் 
❤️🙏💚🙏🧡🙏💛🙏💜🙏💙

Tuesday, May 25, 2021

சம்பந்தர் அமுதம் 01.59.8.

#சம்பந்தர்அமுதம் 

முதுமையான பிறகு வாழ்வை பழியென்றும், இழியென்றும் நினைத்து தன் நிலை  குறைவென்றும்,  தயங்கி யார்யார் சொல்லும் கேட்டுநிலைகுலையாமல்,  நிற்பவர்கள் செய்ய வேண்டியது எது என்பதை உணர்த்தும் பாடல்
நம் தமிழ் விரகனார் அருளியது.

💜முதல் திருமுறை:
பதிகம்: 59 பாடல்: 8 (641)
தலம் : திருத்தூங்கானைமாடம் (பெண்ணாகடம்)
💙
பல்வீழ்ந்து நாத்தளர்ந்து மெய்யில்வாடிப் 
பழிப்பாய வாழ்க்கை யொழியத்தவம்

இல்சூ ழிடங்கருதி நின்றீரெல்லாம் இறையே பிரியா தெழுந்துபோதும்

கல்சூ ழரக்கன் கதறச்செய்தான் காதலியுந் தானுங் கருதிவாழும்

தொல்சீர்க் கடந்தைத் தடங்கோயில்சேர்  
தூங்கானை மாடந் தொழுமின்களே.
                         -01.59.08 (641)
❤️
பொருளுரை

மூப்பு, பிணி உற்ற தன்மையால் பற்கள் வீழ்ந்தும், நாவானது தளர்ச்சியுற்று வாய் சொற்கள் குழறியும், மெய்யாது (தேகம்) சுருங்கி வாட்டம் கொண்டும், பிறரால் கிழம் என்று பழிக்கப்பட்டும் இழிக்கப்படும் இவ்வாழ்க்கை ஒழிய வேண்டும் என்று கருதி, அதனால், பொருத்தமற்ற இடங்களில் நிற்காமல் சிறிதும் தாமதியாது பழமையான சிறப்பும், நற்கதியும் அருளும் சக்தியுடன் அருள்புரியும்  சிவன் உறையும் பதியாகிய தூங்கானைமாடம் சென்று தொழுதால் இறையருள் பெற்று நலமுடன் இருக்கலாம்.
🛐

🛐தலம். திருத்தூங்கானைமாடம்
பெண்ணாகடம்
❤️விருத்தாச்சலம் - திட்டக்குடி சாலையில் தொழுதூரிலிருந்து 15 கி.மீ.  திட்டக்குடிக்கு கிழக்கில் 15 கி.மீ
🧡நடுநாட்டுத்தலம்
💚தேவகன்னியர், காமதேனு, வெள்ளையானை (பெண் +ஆ+ கடம்)
வழிபட்டது
💜கடந்தை நகர் எனவும் பெயர்
🤍கலிக்கம்ப நாயனார் (பணியாள் சிவனடியாராக வர, நீர் வார்க்கத் தாமதித்த மனைவியின் கையை வெட்டியவர்) அவதாரத்தலம்
🤎அப்பர் சூல இடபக் குறி பொறிக்குமாறு வேண்டிப் பெற்றத்தலம்.
💛'பொன்னார் திருவடிக் ஒன்றுண்டு
விண்ணப்பம் போற்றி செய்யும்

என்னாவு காப்பதற்கு  இச்சையுடன் இரு கூற்று அகல

மின்னாரு மூவிலைச் சூலம் என்மேற்பொறி மேவு கொண்டல்

துன்னார் கடந்தை  தூங்கானை மாடச் சுடர்க் கொழுந்தே.
(நாவுக்கரசர்)
💙மெய்கண்டார் அவதாரத்தலம்
🙏🙆🏼🙇🏼‍♂️
சுவாமி : சுடர்க்கொழுந்திஸ்வரர், பிரளயகாலேஸ்வரர்.
அம்பிகை: கடந்தைநாயகி
சுவாமி, கிழக்கு நோக்கியவர்
அம்பிகை தெற்குநோக்கி தனி அமைப்புடன்.
🛐கஜபிருஷ்ட விமானம்
⚛️மூலவர் நான்கு புறமும் பலகணி (சன்னல்) உள்ளது
🔯மூலவர் வடக்கில் கட்டு மலைமேல் செளந்தரேஸ்வரர் சன்னதி தனி வித்யாசமான திருக்கோவில் அமைப்பு.
☸️பிரளயம் காத்த அதிகார நந்தி கிழக்கு நோக்கியது.
🕉️பெரிய ஆலயம். மிக சிறப்பான தலம்.
❤️🙏💙🙏💜🙏💛🙏💚
என்றும் அன்புடன்
#சுப்ராம்_அருணாசலம்_காரைக்கால் 
❤️🙏💙🙏💜🙏💛🙏💚

Monday, May 24, 2021

சம்பந்தர் அமுதம் முதல் திருமுறை : பதிகம்:100. பாடல் 5. (1084)

 
ஈசனை ஒன்றிய சிந்தனை உடையவர்க்கு உறுநோய் இல்லை
என்று அருளியது.
தலம்: திருப்பரங்குன்றம்.
பாண்டி நாட்டுத்தலம். மதுரைக்கு அருகில் உள்ளது. அறுபடைவீடு முருகன் தலங்களில் ஒன்று.
சுவாமி: பரங்கிநாதர்
அம்பாள் : ஆவுடைநாயகி
முருகன் தெய்வயானையை மணம் புரிந்த பதி. நக்கீரர் வாழ்ந்த இடம். பராசர முனிவரின் புதல்வர் நக்கீரர், சிபி மன்னன், பிம்மா பேறு பெற்ற தலம்.
முதல் திருமுறை : பதிகம்: 100: பாடல்..5 (1084) :

பொன்னியல்கொன்றை பொறிகிளர்நாகம் புரிசடைத்

துன்னியசோதி ஆகியஈசன் தொல்மறை

பன்னிய பாடல் ஆடலன்மேய பரங்குன்றை 

உன்னிய சிந்தை உடையவர்க்கில்லை உறுநோயே.

பொருள் :
பொன்னைப் போன்று ஒளிரும் தன்மை உடைய கொன்றை மலரும், பாம்பும், ஒளி திகழும் செஞ்சடையும் உடைய ஈசன், தொன்மையான வேதப் புகழ் விளங்கும் பாடலின் இயல்பிற்கு ஏற்ப ஆடலும் கொண்டு பரங்குன்றத்தில் மேவி வீற்றிருக்கின்றான். அப்பெருமானைச் சிந்தை ஒருமித்து நினைப்பவர்களுக்கு நோய் இல்லை.
❤️🙏💜🙏💚🙏💙🙏💛
என்றும் அன்புடன்
#சுப்ராம்_அருணாசலம்_காரைக்கால் 
❤️🙏💜🙏💚🙏💙🙏💛

Friday, May 21, 2021

சம்பந்தர் அமுதம் 01.73.8 (794)

#சம்பந்தர்அமுதம் 
தமிழே சிவன் :

தமிழில் இறைநாமம் பேசிடுபவர்களிடமும், இசையுடன் பாடுபவர்களிடம் ஈசன் சிவன் என்றும் இருப்பார் என்று உணர்த்தும் பாடல்.

தமிழ் விரகன் தமிழ்ஞானசம்பந்தரின் அற்புதம்

தேவாரம் - முதலாம் திருமுறை -
தலம்: திருக்கானூர். பதிகம்: 73 பாடல்: 8 (794)
💙
தமிழின் நீர்மை பேசித் தாளம்
வீணை பண்ணிநல்ல

முழவமொந்தை மல்குபாடல்
செய்கை இடம் ஓவார்

குமிழின் மேனி தந்து கோல
நீர்மை யது கொண்டார்

கமழும் சோலைக் கானூர் மேய
பவள வண்ணரே
💚
பொருள் :
தமிழ் போன்ற இனிமையாகப் பேசியும், தாளம், வீணை, முழவம், மொந்தை ஆகிய இசைக் கருவிகளுடன் விளங்கும் பாடல்களைப் பாடியும், அப்பாடல்களுக்கு ஏற்ற அசைவுகளைப் புரிவித்தும், என்னுள்ளத்தில் மகிழ்ச்சியைத் தந்து, என்னை, அவனையே நினைக்கச் செய்து, என் மேனியில் குமிழும் பூ வண்ணத்தை உண்டாக்கிக் கவர்ந்து கொண்டவர். கானூர் பவளவண்ணரே.
❤️
திருக்கானூர் - விஷ்ணம்பேட்டை
திருக்கண்டியூர் - திருக்காட்டுப்பள்ளி காவிரி பாலம் தாண்டி, குடந்தை சாலையில் விஷ்ணம்பேட்டையிலிருந்து 2. கி.மீ தனி சாலை (கொள்ளிடம் ஆறு அருகில்):

சிவலோகநாயகி / செம்மேனிநாதர்
காவிரி வடகரைத்தலம்.

அம்பிகை சிவயோகத்தில் இருந்த போது ஈசன் தீவண்ணராகத் திருவுருவம் காட்டியருளியது.
💜
இப்பதிகம் தலைவன் - தலைவி பாவனையில் அமைந்தது.

Wednesday, May 19, 2021

சம்பந்தர் அமுதம் - திருக்கோளிலி பதிகம்: 1.62.1.(667)

சம்பந்தர்அமுதம் 
அரன் மேல் ஆளாத அன்பு செய்தால், கோள்களால் வரும் துன்பம் நீங்கும் என்று அருளிய பாடல்.
❤️
நாளாய போகாமே
நஞ்சணியும் கண்டனுக்கே

ஆளாய அன்புசெய்வோம்
அடல் நெஞ்சே அரநாமம்

கேளாய்நம் கிளைகிளைக்கும்
கேடுபடாத் திறம் அருளிக்

கோளாய நீக்கும் அவன்
கோளிலி எம் பெருமானே.
❤️💙💚
பொருள்.
வாழ்நாட்களை வீனாகக் கழிக்காமல்
நஞ்சை உடைய திருநீலகண்டனாக விளங்கும் ஈசனுக்கு ஆளாகி அன்பு செய்வோம்.
பேதைமை உடைய நெஞ்சே ! கோளிலியில் உள்ள அரனுடைய திருநாமத்தைச் செவிகுளிரக் கேட்பாயாக.  அது நம் வழிவழியாக வரும் தலைமுறையினருக்கும் காப்பாக இருந்து கோள்களால் ஏற்படும் இடையூறுகளை நீங்கும்.
- திருஞானசம்பந்தர்
தேவாரம்: 
முதல் திருமுறை:
பதிகம் 62: திருக்கோளிலி
பாடல். 1. (667)
❤️
தலச்சிறப்பு:
திருக்கோளிலி - திருக்குவளை
சுவாமி: பிரமபுரீஸ்வரர்
அம்பாள் : வண்டமர் பூங்குழலி

காவிரி தென்கரைத்தலம்.
திருவாரூர் - எட்டுக்குடி சாலையில் உள்ளது. 
நாகப்பட்டினம் - திருத்துறைப்பூண்டி ECR ல் இருந்தும் செல்லலாம்.

சப்தவிடங்களில் ஒன்று. அவனிவிடங்கர்- பிருங்க நடனம்.
வெண்மணலால் ஆன மூர்த்தி
வழிபட்டோர் :
பிரம்மன், திருமால், இந்திரன், முசுகுந்தன், அகத்தியர், நவகிரகங்கள், பஞ்சபாண்டவர்,
முதலியோர்
சுந்தரருக்கு குண்டையூர் கிழார் வேண்டுகோளின்படி நெல் மலை கிடைக்கப் பெறச் செய்த ஈசன் என்று பதிகக்குறிப்பு.
❤️🙏❤️🙏❤️🙏❤️
என்றும் அன்புடன்
#சுப்ராம்_அருணாசலம்_காரைக்கால் 
❤️🙏❤️🙏❤️🙏❤️

Monday, May 17, 2021

சம்மந்தர் அமுதம் 1.72.6 (781)

https://m.facebook.com/story.php?story_fbid=5595490260526185&id=100001957991710
#சம்பந்தர்அமுதம் 

முதுமையால் வரும் மெலிவு,  நோயினால் வரும் துன்பங்கள் நீங்கி, காலன் நம்மை அனுகாமல், காப்பாற்றுபவன் இறைவன் என்பதை உணர்த்தி, தமிழ் விரகன், திருஞானசம்பந்தர் அருளியத் திருப்பாடல் இது.
பொருள் :
தேகத்தில் முதுமை அடைவதால் உண்டாகும் நலிவைத் தீர்ப்பவர்,
 அனல் அம்பைக் கொண்டு முப்புரங்களை எரித்தவர்,
பார்த்தன் தவநிலை கண்டு பாசுபதம் அருளியவர்.  அவர் நம்மை நோயினால் மெலியாதவாறும், விணைகளால் துன்பம் நேராதவாறும் காத்து, காலன் நம்மைக் குறுகாத வண்ணம் பாதுகாப்பவர் காரோணத்தாரே. 
என்று அருளியுள்ளார்.

தேவாரம்: முதல் திருமுறை
பதிகம்: 72 பாடல்: 6 (781)
தலம் : திருக்குடந்தைக் காரோணம்.
சுவாமி : சோமேசர், சிக்கேசர்
அம்பாள், சோமசுந்தரி, தேனார்மொழியாள்

காவிரி தென்கரைத் 28 வது தலம்.
கும்பகோணம் பொற்றாமரைக் குளத்தின் கீழ்க்கரையில் உள்ளது. சோமேசர் கோயில் என்று அழைப்பர்.

மகாமகம் ஆடுதற்கு நவநதிக் கன்னியர்கள் ஆரவாரத்துடன் வரக்கண்ட அம்பிகை, இறைவனை ஆரோகணம் செய்து கொண்டதால் இறைவன் காயாரோகணர் என்றும்,
சந்திரன் வழிபட்டதால் சோமேஸ்வரர் எனவும் வழங்கப்பெறுகிறார்.

அமுதகலசத்தின் சிக்கம் (உறி) சிவலிங்கமாய் மாறியதால் சிக்கேசர் என்றும் வழங்கப்பெற்றவர்.
❤️🙏❤️🙏❤️🙏
என்றும் அன்புடன்
#சுப்ராம்_அருணாசலம்_காரைக்கால் 
❤️🙏❤️🙏❤️🙏

Sunday, May 16, 2021

சம்பந்தர் அமுதம் 01.59.6 (636)

#சம்பந்தர்அமுதம் 
மூப்பு எய்தி உடல் சோர்வுற்று, செவிகள் கேட்கும் திறம் குறைந்து, கண்கள் மங்கி, பார்க்கும் திறன் குறைந்து, உடல் வலிமை இழந்து, நரையும், திரையும், தோன்றி, அல்லாடும் முதிய வயதில் ஆலயம் சென்று இறைவழிபாடு செய்வது மிகக் கடினம் என்பதால், இளமையான காலத்திலேயே ஆலயங்கள் சென்றும் இறைவழிபாடுகள் செய்ய வேண்டும் என்பதை வலியுறுத்தி அறிவுரை கூறும் அற்புத பாடல். நமது தமிழ் விரகனார், திருஞானசம்பந்தப் பெருமானார் நமக்கு அருளிய தேவாரப்பாடல்.          
 முதல் திருமுறை:            
 தலம்: திருத்தூங்கானைமாடம் (பெண்ணாடகம்)          
 பதிகம்: 59 பாடல்:6 (639)  
🙏🙇🏼‍♂️🙆🏼🙏
என்றும் அன்புடன்
#சுப்ராம்_அருணாசலம்_காரைக்கால் 
❤️🙏❤️🙏❤️🙏

சம்பந்தர் அமுதம் 1.59.03 (636)

#சம்பந்தர்அமுதம் 
என்ன பிறப்பு, என்ன வாழ்வு, எப்படி இறப்பு என்று நாளும் சலித்து சலித்து, இப்படிப்பட்ட வாழ்விலிருந்து விடுதலையை எண்ணி எப்படி தவம் செய்து துன்பங்களை நீக்குவது என்ற குழப்பம் உள்ளவர்களே, நீங்கள் தளர்வுற்று, கவலை கொண்டு வருத்தமடைய வேண்டாம். 

நம் இறைவன் வந்து நிச்சயம் காத்தருளுவான். நீங்கள் இறைவனை நம்பிக்கையுடன் சென்று வணங்குங்கள்.

 தூங்கானைமாடம் என்னும் தலத்தில் கொன்றைமாலை சூடி, கங்கை தரித்து, ரிஷபத்தில் வந்து காட்சியளிப்பான். 
அவன் நம்மைக் காத்தருளுவான் என்று, வாழ்வில் கலங்கி நிற்கும் நல் உள்ளங்களுக்கு அருமருந்தாக இப்பாடலை அருளியுள்ளார்; நம் தமிழ் விரகன், திருஞானசம்பந்தர்.  

(தேவாரம் :முதல் திருமுறை: பதிகம்: 59 பாடல் 3 (636)).
❤️🙏❤️🙏❤️🙏
என்றும் அன்புடன்
#சுப்ராம்_அருணாசலம்_காரைக்கால் 
❤️🙏❤️🙏❤️🙏

சம்பந்தர் அமுதம். 1.80.5 (868)

திருமுறை சிந்தனைகள்
#சம்பந்தர்அமுதம்
செல்வ வளத்தைக் காட்டும் உயர்ந்த மாடமாளிகைகள் விளங்க, ஞானமாகிய செல்வம் தோய, அச்செல்வத்தில் மிக்க மறைஞானச் செல்வர்கள் வாழும் தில்லையில், சிற்றம்பல நாதனாகிய செல்வக் கழலை ஏத்துதல் நல்ல மாண்பு - உண்மையான செல்வம் ஆகும்.

இப்பாட்டில் ஏழு இடங்களில் செல்வம் என்னும் சொல் சுட்டப் பெற்றதற்கு,
எழும் செல்வம் என்பதும், அவை இறைவன் கழல் ஏத்துதல் என்று உணர்த்திற்று.

திருஞானசம்பந்தர்
தேவாரம்  முதல் திருமுறை :
பதிகம்: 80
❤️🙏❤️🙏❤️🙏
என்றும் அன்புடன்
#சுப்ராம்_அருணாசலம்_காரைக்கால்
❤️🙏❤️🙏❤️🙏

சம்பந்தர் அமுதம் 1.80.8

பினி நீங்க இறை வணங்குவோம்
#சம்பந்தர்அமுதம்
 கூரிய வாளையுடைய அரக்கனான இராவணனின் வலிமையை அடக்கி, புகழ் பெருகும் சிற்றம்பலம் மேவும், கங்கை தரித்த சடையுடைய ஈசனை, நாள்தோறும் ஏத்துபவர்களுக்குத் தீர்க்க முடியாது எல்லா நோயும் தீரும். பிறவி நோயும் தீரும் இது உறுதி.

தேவாரம்: முதல் திருமுறை
 தலம்:கோவில் பதிகம் 80. 
பாடல் 8 (871)
❤️🙏❤️🙏❤️🙏
என்றும் அன்புடன்
#சுப்ராம்_அருணாசலம்_காரைக்கால் 
❤️🙏❤️🙏❤️🙏

சம்பந்தர் அமுதம் 2.48.9

#சம்பந்தர்அமுதம்

குதர்க்கமாகப் பொருள் கூறும் பிற மதத்தவர் உரைகளைக் கொள்ளற்க.
அறிவுடைய மெஞ்ஞானம் உடையவர்களே, வேதத்தில் வல்ல மறையவர் விரும்பும் புகழ் உடைய திருவெண்காட்டுநாதனே என்று ஒதுபவர்களுக்கு எந்தவிதமான தீதும் இல்லை என்றுணர்வீராக. என்றும் உணர்வீராக.

இதுவே தமிழ் ஞானசம்பந்தர் அருளிய வழி.

(திருமுறை : 2.48.9)
❤️🙏❤️🙏❤️🙏
என்றும் அன்புடன்
#சுப்ராம்_அருணாசலம்_காரைக்கால்
❤️🙏❤️🙏❤️🙏

Saturday, May 15, 2021

சம்பந்தர் அமுதம் 01.98.05

#சம்பந்தர்அமுதம் 

உண்மை உணருங்கள்

முப்புர அசுரரை மேருவை வில்லாக எடுத்து அழித்த ஈசனே தலையாயவர். அவர் தலைமை ஏற்காதவர் உண்மையை மறைத்தவர் என்றுணர்க. என்றும் உணருங்கள்.

 வெண்மையான வட்டத்தின் மையப்பகுதியில் நீல வண்ணத்தால் வரைந்த கோடுகளை சற்று தொலைவிலிருந்து பார்த்தால், ஒரே வெண்மை நிறமாகத் தோன்றும். இது இயல்பானதே. உண்மைத் தோற்றத்தை மறைத்தாலும், உள்ள நிறத்தின் உண்மையான நிறத்தினை மறைக்க இயலாது. இதுபோலவே, ஆழ்ந்து நோக்கி, உண்மையை உணருதல் வேண்டும். 
என்று விளக்குகிறார் நம் தமிழ் விரகனார், ஞானசம்பந்தப்பெருமான்.

முதலாம் திருமுறை 
தலம் - திருச்சிராப்பள்ளி
பதிகம் 98 பாடல் 5. 1.98.5
🙏❤️🙏❤️🙏❤️
என்றும் அன்புடன்
#சுப்ராம்_அருணாசலம்_காரைக்கால் 
🙏❤️🙏❤️🙏❤️

சம்பந்தர் அமுதம் 01.83.07

#சம்பந்தர்அமுதம்
நோய்கள் யாவும் நீங்கும் நிச்சயம்.
இனிய வாழ்வு இறையருள் தரும்.
கழலடி போற்றுவோம்.
கடமையை செய்வோம்.

மிளிரும் மரவோடு
வெள்ளைப் பிறைசூடி
வளரும் பொழில் அம்பர்
மாகாளம் மேய
கிளரும் சடையண்ணல்
கேடில் கழல் ஏத்த
தளரும் முறு நோய்கள் சாறும் தவந்தானே.

- திருஞானசம்பந்தர்
- முதல் திருமுறை
- தலம்: திருஅம்பர் மாகாளம்
- பதிகம்: 83 பாடல் 7
❤️🙏❤️🙏❤️🙏❤️🙏
என்றும் அன்புடன்
#சுப்ராம்_அருணாசலம்_காரைக்கால்
❤️🙏❤️🙏❤️🙏❤️🙏

சம்பந்தர் அமுதம் பாடல் 01.09.05

#சம்பந்தர்அமுதம்
அடியார்கள் விரும்பும் உருவத்தில் வெவ்வேறு உருவங்களில் வந்து நம்மை ஆள்பவர் நம் ஈசனர்.                      அவரை அனுதினமும் வணங்கிப் போற்றுவோம்.
- திருஞானசம்பந்தர்
தேவாரம் முதல் திருமுறை
தலம் : வேணுபுரம்
பதிகம்: 9  பாடல் : 5
#சுப்ராம்_அருணாசலம்_காரைக்கால்

சம்பந்தர் அமுதம் - 01.9.10

#சம்பந்தர்அமுதம்
தமிழ் விரகனாகிய திருஞானசம்பந்தரின் இறைவன் மேல் மனம் வைத்துப் பாடிய குற்றமில்லாத இப்பதிகங்களை ஒதி துன்பம் இன்றி வாழ்ந்து சிவகதி அடையலாமே.
தேவாரம் - முதல் திருமுறை
தலம்: வேணுபுரம்
பதிகம்: 9.  பாடல்: 10
❤️🙏❤️🙏❤️🙏❤️🙏
என்றும் அன்புடன்
#சுப்ராம்_அருணாசலம்_காரைக்கால்
🙏❤️🙏❤️🙏❤️🙏❤️

சம்பந்தர் அமுதம் பாடல் 1.30.10 (325)

#சம்பந்தர்அமுதம் 
மேல் நிலை அடையலாம் என்பதற்காக, ஒவ்வாத பல சொற்களை கூறுவர்.
வேறு மதத்தவர்கள்; கீழ்மைதரும்
அக்கூற்றினை ஏற்க மறுப்பவர், நமது ஈசன். 
- தமிழ் விரகன் திருஞானசம்பந்தர்
தேவாரம் முதல் திருமுறை
தலம்: திருப்புகலி
பதிகம்: 30 பாடல் 10 (325)
❤️🙏❤️🙏❤️🙏❤️🙏
என்றும் அன்புடன்
#சுப்ராம்_அருணாசலம்_காரைக்கால் 
🙏❤️🙏❤️🙏❤️🙏❤️

சம்பந்தர் அமுதம் 01.38.4,5 (407, 408)

#சம்பந்தர்அமுதம் 
மனம் ஒன்றி வழிபடுங்கள், மணியாய் இருந்து அனைத்துப் பிணிகளையும் நீக்கிடுவான் நம் இறைவன் இது நிச்சயம்.

இது தமிழ் விரகன், திருஞானசம்பந்தப்பெருமானின் அருளுரை.

தேவாரம்: முதல் திருமுறை :
தலம் : மயிலாடுதுறை
பதிகம்: 38
பாடல் 4,5 (407,408)
❤️🙏❤️🙏❤️🙏
என்றும் அன்புடன்
#சுப்ராம்_அருணாசலம்_காரைக்கால் 
🙏❤️🙏❤️🙏❤️

சம்பந்தர் அமுதம் 1.36.2. (383)

#சம்பந்தர்அமுதம் 
மதி என்ற சொல்லின் ஒரு பொருள் சந்திரன் என்பதாகும். பல நிலைகளில் வரும் அப்பெயர் பொருளைக் கொண்டு அழகாக அமைந்த இப்பாடல், தமிழ் விரகன், நம் திருஞானசம்பந்தர் அருளியது.
ஓம் நமச்சிவாய.
தேவாரம். முதல் திருமுறை - தலம் திருவையாறு - பதிகம் 36 பாடல் 2 (383)
❤️🙏❤️🙏❤️🙏
என்றும் அன்புடன்
#சுப்ராம்_அருணாசலம்_காரைக்கால் 
🙏❤️🙏❤️🙏❤️

திருப்போரூர் கந்தசாமிக்கோவில் செங்கல்பட்டு மாவட்டம்

திருப்போரூர் கந்தசாமிக்கோவில் திருப்போரூா் கந்தசுவாமி கோவில் என்பது இந்தியாவின் தமிழ்நாட்டின், செங்கல்பட்டு மாவட்டம் திருப்போரூரில் இருக்கும...