Showing posts with label சம்பந்தர் தூது. Show all posts
Showing posts with label சம்பந்தர் தூது. Show all posts

Tuesday, June 1, 2021

திருமுறை சிந்தனைகள் - சம்பந்தர் தூது பகுதி - 5

#திருமுறைசிந்தனைகள்:
#சம்பந்தர்தூது: 
பகுதி: ஐந்து.

பிரிவின் ஏக்கத்தில் விளைந்த பக்தி இலக்கிய பாடல்களில்
நம் இதயத்தை செலுத்தி வருகிறோம்.
🙏🛐🙏🙏🛐🙏🙏🛐🙏🙏🛐🙏

அந்த வகையில் இன்றைய சிந்தனைகள்:

காழி வேந்தர், பல நாட்கள் பிரிந்து வெவ்வேறு தலங்களுக்கு சென்றதால்,
தமக்கு அருள் தந்த தோணிப்பரை பிரிந்து இருக்கும் சூழலில், அவரை தலைவராகவும் தம்மைத் தலைவியாகவும், எண்ணி பிரிவுத் துயர் ஆற்றாமையினால், தூது அமைப்பில் ஒரு பதிகம் பாடியுள்ளார்.

(முதலாம் திருமுறை -60-வது பதிகம். 
தலம்: திருத்தோணிபுரம் 
(சீர்காழி பதியின் 12 பெயர்களில் ஒன்று)
வண் தரங்கப் புனற்கமல ... எனத் தொடங்கும் பதிகம்.  
இதில்
வண்டு (பாடல் 1),
இளங்குருகு (பாடல் - 2) 
கோழி (பாடல் - 3), 
நாரை (பாடல்-4)
புறா (பாடல் 5) 
அன்னம் (பாடல் 6), 
அன்றில் பறவை (பாடல் 7)

 முதலியவற்றின் மூலம்,

தூது அனுப்பிய பாங்கையும் அதன் கவித்துவ சிறப்பையும் பக்தியின் ஆளுமை பற்றியும் எண்ணி இதுவரை சிந்தித்தோம்.****
🎎🐝🐞🐬🦈🦋🐓🐔🦆🐤🐥🦅🕊️🐦🙇

ஆளுடையப் பிள்ளை அடுத்தடுத்து  
அங்கு வசிக்கும், 
இளங்குயில் (பாடல் 8)
நாகனவாய் பறவை (பாடல் 9)
தாம் வளர்த்த கிளி (பாடல் 10)
 🎎🐝🐞🐬🦈🦋🐓🐔🦆🐤🐥🦅🕊️🐦🙇
இவற்றிடம் தாம் இறைவர் மேல் கொண்ட பக்தியையும், அவரை விட்டு பிரிந்து வாழும் ஏக்கத்தையும் தம் கவியாற்றல் சிறப்பால் வெளிப்படுத்துகிறார் என்பதைப் பற்றி மேலும் தொடர்ந்து சிந்திப்போம்.
🙏🐾🙇🐾🙇🐾🙇🐾🙇🐾🙇🐾🙇🐾🙏
காட்சி - 8:  இளங்குயில் - தூது

பிரிவுநோய் அறியாமையினாலே அன்னங்களும் பேசாமல் இருக்க, 

பால்மணம் கமழும் மலர்களைக் கொண்ட மாமரத்தின் தளிர்களைக் கோதி உண்டு, எல்லோர்க்கும் இனிதாகக் கூவும் அழகிய இளமையான குயிலைக்கண்டார்

குயில் மாந்தளிரை உண்டு மிக இனிமையாகக்கூவும் தன்மையது என்று குறிக்கின்றார். அது இறைவர் இடம் சென்று கூவினாலே போதும் அவர் மனம் மாறும் என்று எதிர்நோக்கினராக, 

திருத்தோணிபுரத்தில் எழுந்தருளிய தேவர் தலைவனாகிய சிவபிரான் என்னிடம் வருமாறு ஒருமுறையேனும் கூவுவாயாக.
என வேண்டுகின்றார். 

பாடல் : (652):
பானாறு  மலர்ச்  சூதப்
     பல்லவவங்கள் அவை கோதி
ஏனோர்க்கும்  இனிதாக
     மொழியும்எழில்   இளங்குயிலே
தேன்ஆரும்  பொழில்புடைசூழ்
      திருத்தோணி புரத்தமரர்
கோனாரை  என்னிடைக்கே
     வர  ஒருகால்   கூவாயே.

- தேவாரம் - முதல் திருமுறை - 01.60.08

வண்டு முதலியவற்றைப் பார்த்துப் பகராய், விளம்பாய் என வேண்டிய அவர் இதனைக் கூவாய் என்று மட்டும் வேண்டுகிறது கவனிக்கத்தக்கதாம்.
 🎎🐝🐞🐬🦈🦋🐓🐔🦆🐤🐥🦅🕊️🐦🙇

காட்சி - 9: நாகணவாய் பறவை - தூது.

குயிலும் வேனிற்காலத்தில் அன்றி,  தூதுசெல்லும் தரத்தன அல்ல என்பதைத் அறிந்து கொண்டவர்,  நாகணவாய்ப் பறவை யைக் காணுகிறார். பின் அதனிடம் வேண்டுகின்றார்.

அழகமைந்த வாயாகியஅலகினை உடைய நாகண வாய்ப் பறவையே! நான் உன்னைத் துதித்துப் போற்றுகிறேன். தலைவனிடம் முறையிடுதற்குரிய செவ்விகளை நீ மிகவும் நன்கறிவாய் ஆதலால், இம்முறையீட்டை உன்பால் தெரிவிக்கிறேன். சொற்களால் அமைந்த பதம் என்னும் இசையமைப்புடைய வேதங்களில் வல்ல மறையவர் வாழும் திருத்தோணிபுரத்தில் எழுந்தருளிய வில்லாற் பொலியும் தோளை உடைய விகிர்தனுக்கு என் உடலில் தோன்றிய பசலை நோயை உரைப்பாயாக என்று உரைத்தார்.

பாடல் - (653)

நற்பதங்கண்  மிக  அறிவாய்
     நானுன்னை  வேண்டுகின்றேன்
பொற்பமைந்த   வாய்அலகில்
      பூவைநல்லாய்   போற்றுகின்றேன்
சொற்பதம் சேர்    மறையாளர்
     திருத்தோணி   புரத்துறையும்
விற்பொலிதோள்   விகிர்தனுக்குஎன்
    மெய்பயலை   விளம்பாயே.

-தேவாரம் - முதல் திருமுறை - 01.60.09
பூவை - நாகனை வாய்ப்  பறவை
🎎🐝🐞🐬🦈🦋🐓🐔🦆🐤🐥🦅🕊️🐦🙇

காட்சி : 10 - கிளி  - தூது.

இங்ஙனம் சேய்மையிலும் அண்மையிலும் வசிக்கின்ற வண்டு, இளங்குருகு, கோழி, நாரை, புறா, அன்னம், அன்றில், இளங்குயில், நாகணவாய்ப்பறவை 
இவைகளை வேண்டிக்கொள்ள,  அவை ஒன்றும் பயன்படாதொழியவே, 

தான்வளர்த்த கிளி நினைவிற்கு வர, தான் தலைவனுடை திருநாமங்களை மொழிந்து மகிழ்ந்த நிலையில் கிளி தலைவனுடைய திருநாமத்தைச் செவி மடுத்திருக்கும் என்று நம்பி இறைவன் திருநாமத்தைத் தான் வளர்த்தத  கிளியின் வாயிலாகக் கேட்போம் என்று கருதி, கிளியை நோக்கி,`என்பால் இங்கு வருக வந்து ஒரு முறை என் இறைவர் பெயரைச் சொல்` என்று வேண்டுகின்றார். 

இதுவரை தூதுவேண்டிய அவர், இப்போது கிளியிடம் பெயரை வேண்டுவது, கிளி சென்று தூதுரைத்துத் தலைவரை உடன்படுத்தி அழைத்துவரும் வரையில் பிரிவுத்துன்பம் பொறுக்கமுடியாத அளவு பெரிதாம் என்பதை எண்ணுகிறார்.

தலைவனுடைய பெயரைக் கேட்கின்ற அளவிலாவது துன்பந் தோன்றாது என்ற குறிப்பு  உடையவராக இங்ஙனம் வேண்டுகின்றார். 
அங்ஙனம் சொல்வதற்குக் கைக்கூலியும் தருவதாக தேனொடுபால் முறையாக உண்ணத் தருவேன் என்கின்றார்.

பாடல் : (654) -

சிறையாரு  மடக்கிளியே
      இங்கேவா   தேனொடு பால்
முறையாலே   உணத் தருவன்
       மொய்பவளத்  தொடு தரளம்
துறையாரும்   கடல் தோணி
        புரத்தீசன்  துளங்கும் இளம்
பிறை   யாளன்   திருநாமம்
        எனக்கு  ஒருகால்  பேசாயே
        
-தேவாரம் - முதல் திருமுறை -  01.60.10.

அழகிய சிறகுகளை உடைய இளங்கிளியே! என் பால் வருவாயாக. நான் உனக்குத் தேனையும் பாலையும் மாறி மாறி உண்ணத்தருவேன். நீ செறிந்த பவளங்களையும் முத்துக்களையும் கரைகளில் சேர்ப்பிக்கும் கடல் அருகில் உள்ள திருத்தோணிபுரத்தில் உறையும் இளம்பிறை சூடிய பெருமானின் திருநாமத்தை `ஒரு முறை` என் செவி குளிரப் பேசுவாயாக என்கிறார்.
 🎎🐝🐞🐬🦈🦋🐓🐔🦆🐤🐥🦅🕊️🐦🙇

பின்னுரை:

நமக்கு விருப்பமானவர்கள், தொலைதூரத்தில் இருக்கும் நிலையில் அவர்களுடைய நினைவுகளால் வாடும் உள்ளம், இந்த தூதுயியல் பாடல்கள் மூலம் நாம் உணரலாம்.

ஞானப்பாலுண்டவர், பொதுவாக தம் ஒவ்வொறு பதிகத்திலும் 10 பாடல்களும், ஒரு திருக்கடைக்காப்பு பாடலையும் வைத்து இறைவனின் ஆற்றலையும், சிறப்புகளையும் போற்றுவார். 
முக்கியமாக
(1) திருமாலும்,பிரம்மனும் முயன்றும் அடிமுடிகாண முடியாத உயர்வு,
(2) கைலைமலையை கைவைத்த இராவணை அடக்கியது,
(3) சாக்கிய, சமண, மதத்தவரின் பயனற்ற பக்தி வேடம் 
முதலிய குறிப்புகளைக் கொண்டிருக்கும்.

அவை எதுவும் இப்பதிகத்தில் இல்லாமையும், தலைவன் மீது, தலைவி கொண்ட உயர்வான பக்தித்தன்மையே முழு பதிகத்திலும் வெளியிடப்பட்டுள்ளது என்பதை உணர வேண்டும்.
🙏🐾🙇🐾🙇🐾🙇🐾🙇🐾🙇🐾🙇🐾🙏
செந்தமிழ்ஞானவித்தகரின் பாடல்கள் உயர்ந்த கலைச் சொற்களும், சந்தங்களும் உடையன.

யாவற்றுக்கும் மேலக இறைவனை உணர்த்த பாடல் பெற்ற பாங்கு நம்மால் வணங்கத்தக்கதே அன்றி உரைக்கும் உரைகளுக்கு அப்பாற்பட்டதாகும்.

இந்தக் காலத்தில்பயிலும் மாந்தர்கள்
கால நிலைக்கு ஏற்ப ஓரளவாவது பொருள்படுமாறு உரை உணர துண்டலே இந்த மிகச் சிறு முயற்சி.

இறையருளால் தோன்றிய பாக்களுக்கு விளக்கமும் விளங்கும் தன்மையும் தரவும் பெறவும் அவன் தாள் வணங்கி நிற்போம்.
🙏🐾🙇🐾🙇🐾🙇🐾🙇🐾🙇🐾🙇🐾🙏

நன்றி, வணக்கம்.

🙏🛐🙏🙏🛐🙏🙏🛐🙏🙏🛐🙏
சிந்தனையும் பகிர்வும்:
என்றும் அன்புடன்
#சுப்ராம்_அருணாசலம்_காரைக்கால் 
🙏🛐🙏🙏🛐🙏🙏🛐🙏🙏🛐🙏
****தொடர்புடைய பதிவுகள்:
பதிவு : ஒன்று: பாடல் 1 பற்றியது.
https://m.facebook.com/story.php?story_fbid=3913167225425172&id=100001957991710
2.
https://m.facebook.com/story.php?story_fbid=5653593588049185&id=100001957991710

பதிவு: இரண்டு:பாடல் 2 மற்றும் 3 பற்றியது
https://m.facebook.com/story.php?story_fbid=3916498978425330&id=100001957991710
2.
https://m.facebook.com/story.php?story_fbid=5657246011017276&id=100001957991710

பதிவு மூன்று :பாடல் 4, மற்றும் 5 பற்றியது:
https://m.facebook.com/story.php?story_fbid=5662733943801816&id=100001957991710

பதிவு : நான்கு : பாடல் 6, மற்றும் 7
பற்றியது.
https://m.facebook.com/story.php?story_fbid=5668160186592525&id=100001957991710

🙏🐾🙇🐾🙇🐾🙇🐾🙇🐾🙇🐾🙇🐾🙏

Monday, May 31, 2021

திருமுறை சிந்தனைகள் - சம்பந்தர் தூது பகுதி-4

#திருமுறைசிந்தனைகள்:
#சம்பந்தர்தூது
பகுதி: நான்கு
🙏🛐🙏🙏🛐🙏🙏🛐🙏🙏🛐🙏
'இந்த மன்றத்தில் ஓடிவரும் இளந்தென்றலைக் கேட்கிறேன்
நீ சென்றிடும் வழியினிலே என் தெய்வத்தைக் காண்பாயோ'... ...

இங்கு பிரிந்த தலைவனை எண்ணித் தலைவி, தென்றலைத் தலைவனுக்கு தூது  விட்டு தான் தனிமையில் வாடும் நிலையை உணர்த்த முயற்சி செய்கிறாள். இது தமிழரின் ஒரு கவித்துவ முறை.
🙏🛐🙏🙏🛐🙏🙏🛐🙏🙏🛐🙏

செந்தமிழ்நாடு செய்த தவக்கொழுந்து போல்வார், ஞான வள்ளலாராகிய திருஞானசம்பந்தர் தந்த அருட்கொடையான தேவாரம் என்னும் பக்தி இலக்கியத்தில் அவர்,

தம்மைத் தலைவியாகவும், தாம் வணங்கும் இறைவரை தலைவனாகவும் எண்ணி வடித்தத் திருப்பதிகப் பாடல்களை சிந்தித்து வருகிறோம்.

முதலாம் திருமுறையில் வரும் 
60-வது பதிகம். தலம்: திருத்தோணிபுரம். (சீர்காழி பதியின் 12 பெயர்களில் ஒன்று)
வண் தரங்கப் புனற்கமல ... எனத் தொடங்கும் பதிகத்தில் வரும் தூது அமைந்த பாடல்களில்.

முதல் பதிவில், வண்டு (பாடல் 1)  மூலமும்
இரண்டாம் பதிவில் 
இளங்குருகு (பாடல் - 2) கோழி (பாடல் - 3)
மற்றும் மூன்றாம் பதிவில் நாரை (பாடல்-4) மற்றும் புறா (பாடல் 5) மூலம் தூது அனுப்பியத் திறன் பற்றியும் சிந்தித்தோம்.

இதன் தொடர்ச்சியாக... ... 

ஆளுடையப் பிள்ளை அடுத்தடுத்து  
அங்கு வசிக்கும், 
       அன்னம் (பாடல் 6)
       அன்றில் பறவை (பாடல் 7) 
மூலம் தூது அனுப்பும் கவித்திறன் பற்றி மேலும் சிந்திக்கலாம். 
வாருங்கள்...

🙏🐾🙇🐾🙇🐾🙇🐾🙇🐾🙇🐾🙇🐾🙏

காட்சி - 6: அன்னம்:

இதற்கு முன்பு தூது அனுப்பிய புறாக்களும் இன்பத்தில் மூழ்கி அசையாதிருக்க, 

நெற்கதிர்கள் சூழ தாமரை மலரில் வீற்றிருக்கும் அன்னம் இவர் கண்ணில்பட்டது.

இரங்கும் பெருந்தன்மை அற்ற அவைகள் கிடக்கட்டும்; இந்த அரச அன்னமாவது என் குறையை நிறைவேற்றும் என்று எண்ணி அதனை அழைத்தார்.

விண்ணுலகம் மண்ணுலகம் ஆகியவற்றையும் நான்கு வேதங்களையும் தோற்றுவித்த திருத்தோணிபுரத்தில் உறையும் சிவபிரானாருடைய யாராலும் அசைத்தற்கு இயலாத இயமனை உதைத்தழித்த திருவடிகளை யாம் அடையும் வழிகளைக் கூறுவீர்களா, என்றமைத்தார்.

(இப்பாடலின் இலக்கிய நயம், தரம் உணரத்தக்கது.
தாமரை மலர் அரசர் ஆசனம் போன்றும், அதில் அரச போகத்துடன் அன்னம் வீற்றிருப்பது போன்றும், அதன் இருபுறமும் செந்நெற்கதிர்கள் காற்றில் வீசிக் கொண்டிருப்பது அரசருக்கு கவரி வீசுவது போலவும், காட்சிமைப்படுத்தப்பட்டுள்ள கவித்துவமும்,  கற்பனை வளமும் உய்த்துணரத்தக்கது.)

பாடல் : (650)
சேற்றெழுந்த   மலர்க் கமலச்
     செஞ்சாலிக்   கதிர் வீச
வீற்றிருந்த   அன்னங்காள்
     விண்ணொடு  மண்மறைகள்
தோற்றுவித்த  திருத்தோணி
      புரத்தீசன்   துளங்காத
கூற்று   தைத்த  திருவடியே
      கூடுமா   கூறீரே.
      
- தேவாரம் - முதல் திருமுறை - 01.60.06

🙏🐾🙇🐾🙇🐾🙇🐾🙇🐾🙇🐾🙇🐾🙏

காட்சி - 7:  அன்றில் பறவை - தூது.

அன்னங்களாலும் பயன்பெறாது மயங்கியவர்
 
வீடுகளின் வாயிற்பகுதியில் மடல்களை உடைய பனைமரங்களில் கட்டிய கூடுகளில்  வாழும் அன்றிலைப் பார்த்துக்கூறுகிறார். அவர் பார்த்த காலம் பகல் ஆதலின் அன்றில்கள் கூடிக்குலாவிக் கொண்டிருந்தன. 

 நீவிர் பிரிவுத்துன்பத்தை அறியமாட்டீர் ஆயினும் நேசிப்பதில் மிக வல்லவர்களாயுள்ளீர்கள். தென்றல் காற்று தவழ்ந்து வரும் திருவீதிகளை உடைய திருத்தோணிபுரத்தில் எழுந்தருளிய கொன்றை மாலை அணிந்த சடை முடியினை உடைய சிவபிரானுக்கு என்பால் மிகுந்துள்ள பசலை நோயின் இயல்பை எடுத்துரைப்பீர்களாக என்கிறார்.
 
பாடல் - 651:
முன்றில்  வாய்  மடல்  பெண்ணைக்
     குரம்பை வாழ்   முயங்கு  சிறை
அன்றில் காள்  பிரிவுறுநோய்
     அறியாதீர்   மிகவல்லீர்
தென்றலார்   புகுந்துலவும்
     திருத் தோணி  புரத்துறையும்
கொன்றை   வார்  சடையார்க்கு  என்
     கூர்பயலை   கூறீரே.

-தேவாரம் - முதல் திருமுறை - 01.60:07

என்நோயைக் கூறுகின்ற நீங்கள், இறைவரின் சடைக்கண்ணதாகிய கொன்றை மாலையைப் பெற்றுக் கொண்டு வந்து கொடுத்தால், அது பெற்றாயினும் உய்வேன் என்று, உபாயம் அறிவித்தல் குறிப்பு.
🙏🐾🙇🐾🙇🐾🙇🐾🙇🐾🙇🐾🙇🐾🙏

உலகம் முடங்கிக் கிடக்க, புலம் பெயர்ந்து வாழும் பலர் குடும்ப உறவுகளைப் பிரிந்து கால சூழலலினால்  கருத்தை நேரில் பரிமாறிக் கொள்ளா முடியாத நிலை.  மனம் பிரிவு ஆற்றமையால் தன் எண்ணத்தை வெளிப்படுத்த முயலுகிறது.

இந்த சூழலில், பிரிவின் ஏக்கத்தில் விளைந்த பக்தி இலக்கிய பாடல்களில்
நம் இதயத்தை செலுத்தி இறையருள் பெறுவோமாக. 
🙏🛐🙏🙏🛐🙏🙏🛐🙏🙏🛐🙏
சிந்தனையும் பகிர்வும்:
என்றும் அன்புடன்
சுப்ராம் அருணாசலம்
காரைக்கால்.
🙏🛐🙏🙏🛐🙏🙏🛐🙏🙏🛐🙏
தொடர்புடைய பதிவுகள்:

பதிவு : ஒன்று: பாடல் 1 பற்றியது.
https://m.facebook.com/story.php?story_fbid=3913167225425172&id=100001957991710
2.
https://m.facebook.com/story.php?story_fbid=5653593588049185&id=100001957991710

பதிவு: இரண்டு:பாடல் 2 மற்றும் 3 பற்றியது
https://m.facebook.com/story.php?story_fbid=3916498978425330&id=100001957991710
2.
https://m.facebook.com/story.php?story_fbid=5657246011017276&id=100001957991710

பதிவு மூன்று :பாடல் 4, மற்றும் 5 பற்றியது:
https://m.facebook.com/story.php?story_fbid=5662733943801816&id=100001957991710

🙏🐾🙇🐾🙇🐾🙇🐾🙇🐾🙇🐾🙇🐾🙏

Sunday, May 30, 2021

திருமுறை சிந்தனைகள் - சம்பந்தர் தூது பகுதி - 3.

#திருமுறைசிந்தனைகள்:
#சம்பந்தர்தூது
பகுதி - மூன்று

முடங்கிய உலகத்தில்  உறவுகளை பிரிந்து
வாடும் உள்ளம் அமைதி பெற வேண்டும் என்ற வேண்டுதலை இறைவனிடம் வைத்து வணங்குவோம்.

🙏🐾🙇🐾🙇🐾🙇🐾🙇🐾🙇🐾🙇🐾🙏

இன்றைய சிந்தனை:

பக்தி இலக்கியத்தில் ஞாலம் உய்ந்திட ஞானம் உண்ட நாம் தமிழ்ஞானசம்பந்தர் அருளிய முதலாம் திருமுறையில் வரும் 
60-வது பதிகம். தலம்: திருத்தோணிபுரம். (சீர்காழி பதியின் 12 பெயர்களில் ஒன்று)
வண் தரங்கப் புனற்கமல ... எனத் தொடங்கும் பதிகம்   தூது பற்றியது.

 இதன் பாடல்கள் 1 முதல் 3 பாடல்களில் 
வண்டு, இளங்குருகு, கோழி இவற்றின் மூலம் தூது அனுப்பியத் திறன் பற்றி முதல் இரு பதிவுகளில் சிந்தித்தோம்.

இதன் தொடர்ச்சியாக... ... 

ஆளுடையப் பிள்ளை அடுத்தடுத்து  
அங்கு வசிக்கும், நாரை, புறா, ஆகியவற்றின் மூலம் தூது அனுப்பும் கவித் திறன் பற்றி சிந்திக்கலாம்.

🙏🐾🙇🐾🙇🐾🙇🙏🐾🙇🐾🙇🐾🐾🙏

காட்சி 4  :   நாரை மூலம் தூது.

உப்பங்கழியில் வாழும் அழகுமிக்க சிவந்த கால்களை உடைய நாரையைப் பார்த்து வேண்டுகிறார்

தூதுசொல்லவேண்டிய இன்றியமையாமையையும் விளக்குகிறார்.
 
இன்றே திருத்தோணிபுரம் சென்று,
என்தூதை இரகசியமாய்ச் சொல்லுதற்கேற்ற அவகாசம் கிட்டும்வரைத் அங்கு தங்குவதற்கு வானோங்கி வளர்ந்துள்ள அழகிய மணிமாடங்கள் நிறைந்த மாடவீடுகளைக் கொண்டுள்ளது.

'நாரையே நீ சென்றால் பிறர்கண்ணில் படாமல் அங்குள்ள மாடங்களில் தங்கி, 
அங்கு எழுந்தருளியுள்ள என்னை ஆட்கொண்டவனாகிய, ஆண்மக்களில் சிறந்தவராய் விளங்கும் சிவபிரானை இன்றே சென்று அடைந்து`உடல் மெலிந்து பசலை நோய் பூக்கப்பெற்று உன் அடியவள் வருந்துகிறாள்` என்று
என் மெலிவுக்குரிய காரணத்தை அவர் அறியுமாறு உணர்த்துவாயாக. என்றார்.

பாடல் 4.. (648): 

காண்தகைய  செங்கால்ஒண்
     கழி  நாராய்  காதலால்
பூண் தகைய முலை மெலிந்து
     பொன் பயந்தாள்  என்று வளர்
சேண்தகைய  மணிமாடத்
     திருத்தோணி புரத்துறையும்
ஆண்டகையாற்கு  இன்றே  சென்று
     அடியறிய  உணர்த்தாயே.

- தேவாரம் - முதல் திருமுறை 01.60:04

உள்ளக்கிடக்கையும் அடி முதல் தற்போது உள்ளவரையில் கூறவும் என்றும் ஈசனார் திருவடி அறியவும் உணர்த்தலும் உணரவேண்டும்
🙏🐾🙇🐾🙇🐾🙇🐾🙇🐾🙇🐾🙇🐾🙏

காட்சி 5 : புறா  மூலம் தூது

இங்ஙனம் வண்டு, இளங்குருகு, சேவல், நாரை முதலானவற்றை இவர் வேண்ட, அவையும் இவரைத் திரும்பியும் பாராமல் ஒழிய,  இன்னது செய்வது என்று தோன்றாத நிலையில், 

மாடப்புறாக்களை அழைத்துக் கூறுகிறார்

அழகியதாய் அமைந்துள்ள கருமை நிறைந்த செழுமையான நிறத்தினையும் பவளம் போன்ற கால்களையும் உடைய புறாக்களே!
உங்களைத் தொழுகின்றேன்.
யான் அழைத்த வண்டு, இளங்குருகு, சேவல், நாரை முதலியவர்கள் என்னை ஒருமுறையும் திரும்பிவந்து என்னைப் பாராது உள்ளனர்.

நீவிர் தேரோடும் அகலமான வீதிகளை உடைய திருத்தோணிபுரத்தில் எழுந்தருளிய கங்கை தங்கிய சடையினை உடைய சிவபிரானிடம் சென்று என் பிரிவாற்றாத நிலையைக் கூறுவீர்களாக.
என்கிறார்.

பாடல் : (649) 

பாராரே  எனை  ஒருகால்
     தொழுகின்றேன்  பாங்கமைந்த
காராரும்  செழு  நிறத்துப்
      பவளக்காற்   கபோதங்காள் 
தேராரு   நெடுவீதித்
      திருத்தோணி புரத்துரையும்
நீராரும் சடையாருக்கு
       என்நிலமை   நிகழ்த்தீரே.

- தேவாரம் - முதல் திருமுறை 01.60:05
(கபோதம் - புறா)
🙏🐾🙇🐾🙇🐾🙇🐾🙇🐾🙇🐾🙇🐾🙏

நமக்கு விருப்பமானவர்கள் தொலைதூரத்தில் இருக்கும் நிலையில் அவர்களுடைய நினைவுகளால் வாடும் உள்ளம் விளங்கவே இந்த தூதுயியல் பாடல்கள் மூலம் நமக்கு  உணர்த்தப்படுகிறது.

🙏🛐🙏🙏🛐🙏🙏🛐🙏🙏🛐🙏
சிந்தனையும் பகிர்வும்:
என்றும் அன்புடன்
#சுப்ராம்_அருணாசலம்_காரைக்கால் 
🙏🛐🙏🙏🛐🙏🙏🛐🙏🙏🛐🙏
தொடர்புடைய பதிவுகள்:

பதிவு : ஒன்று: பாடல் 1 பற்றியது.
https://m.facebook.com/story.php?story_fbid=3913167225425172&id=100001957991710
2.
https://m.facebook.com/story.php?story_fbid=5653593588049185&id=100001957991710

பதிவு: இரண்டு:பாடல் 2 மற்றும் 3 பற்றியது
https://m.facebook.com/story.php?story_fbid=3916498978425330&id=100001957991710
2.
https://m.facebook.com/story.php?story_fbid=5657246011017276&id=100001957991710
🙏🛐🙏🙏🛐🙏🙏🛐🙏🙏🛐🙏

Saturday, May 29, 2021

திருமுறை சிந்தனைகள் -சம்பந்தர் தூது பகுதி - 2.

https://m.facebook.com/story.php?story_fbid=5657246011017276&id=100001957991710
#திருமுறைசிந்தனைகள்:
#சம்பந்தர்தூது: 
பகுதி - இரண்டு
🎎
பாட்டுக்குப் பாட்டெடுத்து – நான்
பாடுவதைக் கேட்டாயோ
துள்ளி வரும் வெள்ளலையே – நீ போய்த்
தூது சொல்ல மாட்டாயோ...
🛶⛵
என்று ஒரு தலைவி, தன்னை தனிமையில் விட்டு சென்ற தன் தலைவனை நேரில் காண இயலாமல் தவிக்கும் போது,  தலைவனை நினைத்து தான் படும் பாட்டை அலைகளிடம் முறையிட்டு அதைத் தூது விடுத்து தன் தலைவனிடம் தன் துயர் நிலை விளக்குமாறு கூறுகிறார்.
🏝️🏜️🌴
🙏🛐🙏🙏🛐🙏🙏🛐🙏🙏🛐🙏🛐🙏🙏
🐝
பக்தி இலக்கியத்தின் முன்னோடியாக விளங்கும் தமிழ்த் தலைவர், முத்தமிழ் விரகர், வண்டமிழ்நாயகர், செந்தமிழ்  திருஞானசம்பந்தர்  பதிகங்களில் ஒன்றில் இந்தத் தூதுக் காட்சியைப் பார்க்கலாம்.
🙏🛐🙏🙏🛐🙏🙏🛐🙏🙏🛐🙏

முதலாம் திருமுறையில் வரும் 
60-வது பதிகம். தலம்: திருத்தோணிபுரம். (சீர்காழி பதியின் 12 பெயர்களில் ஒன்று)
வண் தரங்கப் புனற்கமல ... எனத் தொடங்கும் பதிக பாடல்கள் பற்றியது இது.

காழி வேந்தர், பல தலங்கள் சென்று தரிசித்து அற்புதங்கள் பல செய்து வருங்கால். பல நாட்கள் சென்றுவிட்டன.
தாம் அருள்பெற்ற தோணிப்பர் நினைவு வந்து விடுகிறது. தம்மைத் தலைவியாகவும், தாம் வணங்கும் இறைவரை தலைவனாகவும் எண்ணி இப்பதிகப் பாடலை அருளியிருக்கிறர்கள்.
🙏🛐🙏🙏🛐🙏🙏🛐🙏🙏🛐🙏🛐🙏🙏
🐝
காட்சி - 1
முதலில் இசைபாடும் வண்டு மூலம் தோணிபுரத்து இறைவருக்குத்
தூது விடுகிறார்.*

ஆனால்,
என் விதிப்பயனால் முன்னம் வண்டுகள் சென்று இறைவரிடம் என் நிலமை உறைத்ததோ, அன்றி அங்கு செய்யப்படும் வேத ஒலியில் எதுவும் விளங்காமல் போயிற்றோ என்று மனம் வருந்தி இருந்து வருங்கால்;   

அங்குள்ள சுறா மீன்கள் வாழும் உப்பங்கழியின் அருகில் உள்ள சோலைகளில் துள்ளித் தாவி பெரிய சப்தம் இட்டு  விளையாடி மகிழ்ச்சியுடன் வாழும் இளங்குருகு பறவையை நோக்கி
 
நான் என் தலைவனாகிய இறைவனை எண்ணி பசலை நோயில் நான் வீழ்ந்து வாடும் நிலையை நீ சென்று என் நிலையை உரைக்க வேண்டும் என்று தன்னிலையை விளக்கி இளம்குருகை தூதுவிடுகிறார்.

🦆🐤🐥🦅🏞️🦈🐬🐋🐳🐟
பாடல் 
எறி சுறவம் கழிக்கானல்
     இளங்குருகே என்பயலை
அறிவுறாது ஒழிவதுவும்
      அருவினை யேன் பயனன்றே
செறிசிறார்  பதம் ஓதும்
       திருத்தோணி புரத்துஉறையும்
வெறி நிறார் மலர்க்கண்ணி
      வேதியர்க்கு விளம்பாயே.
      
-  (திருமுறை 01.60.02)
🙏🛐🙏🙏🛐🙏🙏🛐🙏🙏🛐🙏
சுறவம் - சுறாமீன். கழி - உப்பங்கழி. கானல் - கடற்கரைச் சோலை. குருகு - நாரை. பயலை - பிரிந்த மகளிர்க்கு உண்டாகும் ஒரு நோய். செறிசிறார் - நெருங்கிய சிறுவர்கள். பதம் - பதமந்திரங்கள். வெறி நிற ஆர் மலர் - மணமும் நிறமும் பொருந்திய மலர். 
🙏🛐🙏🙏🛐🙏🙏🛐🙏🙏🛐🙏🛐🙏🙏

காட்சி - 2
🎎🐝🦅🦈🐬🐋🐓🐔
இளம் குருகும் தன்நோயை சென்று உரைக்கவில்லை என்று கருதும் ஞானசம்பந்தர்.   அருகில் உள்ள வயல்களின் கரைகளில் சம்பங் கோரைகளின் இடையில் வாட்டமின்றி  மகிழ்ச்சியுடன் இருக்கும் சேவலைப் பார்த்து தன் வாட்டமுற்ற நிலையை இறைவனாகிய தன் தலைவனிடம் சென்று கூறுமாறு கூறுகிறார்.

இன்னும் ஒரு குறிப்பு உண்டு. 
அதாவது வண்டு கூறியும் எடுபடாத சொற்கள் வாட்டமில்லாத இந்த கோழியின் வார்த்தைகள் இறைவனிடம் எடுபடுமா என்று தயங்கும் கோழியிடம்,  
தன் தலைவன் சிறந்த பண்புகள் உடையவன் என்பதால் உனக்கு எந்தவிதப் பழியும் நேராது எனவே மொழிவாயாக என்றார். மேலும்,

வண்டுகள் மொய்க்காத மலராகிய சென்பகம் நிறைந்த தோணிபுரத்தில் இருக்கும் இறைவரை இந்தக் கோரையின் நடுவில் வாழும் இந்த கோழி சென்று உரைக்க வாய்ப்புள்ளது என்றும் எண்ணுகிறார்.
🎎🐝🦅🦈🐬🐋🐓🐔
பாடல்:
பண்பழனக்  கோட்டகத்து
     வாட்டமிலாச்   செஞ்சூட்டுக்
கண்பகத்தின்  வாரணமே
    கடுவினையேன்  உறுபயலை
செண்பகம்சேர்  பொழில்புடைசூழ்
     திருத் தோணி புரத்துறையும்
பண்பனுக்குஎன் பரிசுரைத்தால்
     பழியாமோ  மொழியாயே.

 - தேவாரம் முதல் திருமுறை 01.60.03.
 
பொருள்: செஞ்சூட்டு - சிவந்த கொண்டை; 
கண்பகம் - செண்பங் கோரையின் இடையில்: வாரணம் - கோழி (சேவல்)
பயலை - பசலை நோய்
🙏🛐🙏🙏🛐🙏🙏🛐🙏🙏🛐🙏🛐🙏🙏
முடங்கிய உலகத்தில்  உறவுகளை பிரிந்துவாடும் உள்ளம் அமைதி பெற வேண்டும் என்ற வேண்டுதலை இறைவனிடம் வைப்போம். இறையருள் பெறுவோம்.
நன்றி.
🙏🛐🙏🙏🛐🙏🙏🛐🙏🙏🛐🙏🛐🙏🙏
சிந்தனையும் பகிர்வும்:
என்றும் அன்புடன்
#சுப்ராம்_அருணாசலம்_காரைக்கால் 
🙏🛐🙏🙏🛐🙏🙏🛐🙏🙏🛐🙏🛐🙏🙏
*முதல் பதிவின் - வண்டு தூது விளக்கம் காண:
https://m.facebook.com/story.php?story_fbid=5653688794706331&id=100001957991710
🙏🛐🙏🙏🛐🙏🙏🛐🙏🙏🛐🙏🛐🙏🙏
https://m.facebook.com/story.php?story_fbid=5657246011017276&id=100001957991710

Friday, May 28, 2021

திருமுறை சிந்தனைகள் சம்பந்தர் தூது பகுதி 1, ( 1.60.01)

#திருமுறைசிந்தனைகள்:
#சம்பந்தர்தூது:  - வண்டு -
✅பகுதி - ஒன்று
🙏🛐🙏🙏🛐🙏🙏🛐🙏🙏🛐🙏

'தூது செல்ல ஒரு தோழி இல்லையென துயர் கொண்டாயோ தலைவி ....'

இது ஒரு திரைப்படப் பாடல் வரிகள்.
இதில் ஒரு தலைவி, தன் தலைவனைக் நேரில் காண இயலாமல் தனிமையில் தவிக்கும் போது,  தலைவனை நினைத்து தான் வாடும் நிலையை அந்த தலைவனிடம் கூற ஒரு தோழி இல்லையே வருந்துகிறாள்.
💚
நமக்கு விருப்பமானவர்கள் தொலைதூரத்தில் இருக்கும் நிலையில் அவர்களுடைய நினைவுகளால் வாடும் உள்ளம் நமக்கு விளக்கப்படுகிறது.
💜
உலகம் முடங்கிக் கிடக்க, புலம் பெயர்ந்து வாழும் பலர் குடும்ப உறவுகளைப் பிரிந்து கால சூழலினால்  கருத்தை நேரில் பரிமாறிக் கொள்ளா முடியாத நிலை.  மனம் பிரிவு ஆற்றமையால் தன் எண்ணத்தை வெளிப்படுத்த முயலுகிறது.
♥️
தமிழ் இலக்கியத்தில் தூது அமைப்பு என்பது ஒரு வகையான கவிதை அமைப்பு.
🧡
ஒரு கலைஞன் தன் படைப்பை வெளிப்படுத்த 32 வகையான உத்திகளைக் கையாளுகிறான் என்று நற்றிணை என்னும் நூல் உரைக்கும். 
அதில் ஒன்றில்தான், அஃறிணைப் பொருள்களில் தன் எண்ணத்தை வைத்து தூது சென்று உரைக்கும் பாங்கு.

🙏🛐🙏🙏🛐🙏🙏🛐🙏🙏🛐🙏

இறைவனை தலைவனாகவும், ஆன்மாவை தலைவியாகவும் கொண்டு
தலைவனை எண்ணி தலைவி உருகி தான் காணும் பொருள்களிடம் தலைவனுக்கு தூது அமைத்து பாடுகிற அமைப்பில் உள்ள திருமுறை பாடல்களை எண்ணி சிந்திப்போம் வாருங்கள்.
💛
பக்தி இலக்கியத்தின் முன்னோடியாக விளங்கும்  உவமையிலாக் கலைஞானம் உணர்வரிய மெய்ஞ்ஞானம்  தவமுதல்வராகிய திருஞானசம்பந்தர் தரும் பதிகங்களில் ஒன்றில் இந்தத் தூதுக் காட்சியைப் பார்க்கலாம்.
🙏🛐🙏🙏🛐🙏🙏🛐🙏🙏🛐🙏

முதலாம் திருமுறையில் வரும் 
60-வது பதிகம். தலம்: திருத்தோணிபுரம். (சீர்காழி பதியின் 12 பெயர்களில் ஒன்று)
வண் தரங்கப் புனற்கமல ... எனத் தொடங்கும் பதிக பாடல்கள் பற்றியது இது.
🤎
காழி வேந்தர், பல தலங்கள் சென்று தரிசித்து அற்புதங்கள் பல செய்து வருங்கால், பல நாட்கள் சென்றுவிட்டன.
தாம் அருள்பெற்ற தோணிப்பர் நினைவு வந்து விடுகிறது. 
தம்மைத் தலைவியாகவும், தாம் வணங்கும் இறைவரை தலைவனாகவும் எண்ணுகிறர் பிரிவாற்றாமையில் வெளிப்படும் பாடல்.
🙏🛐🙏🙏🛐🙏🙏🛐🙏🙏🛐🙏

காட்சி - 1

தாம் இருக்கும் இடத்தில் ஒரு ஆண் வண்டு  தேனை உண்டு  தம் துணையுடன் மகிழ்ந்து இசைபாடி மகிழ்ந்திருக்கும் காட்சியைப் பார்த்து, அந்த வண்டுவிடம்  தான் இறைவனையே நினைத்து நினைத்து உருகி தவிக்கும் நிலையை தோனிபுரம் சென்று தம் தலைவனாகிய இறைவனிடம் பரிவோடு பகரருமாறு கூறுகிறார்.
🙏🛐🙏🙏🛐🙏🙏🛐🙏🙏🛐🙏

பாடல்-1

வண் தரங்கப் புனற் கமல
      மதுமாந்திப்  பெடையினோடும்
ஒண் தரங்க இசைபாடும்
    அளி  யரசே  ஒளிமதியத்
 துண்டர்   அங்கப் பூண்மார்பர்
      திருத் தோணி  புரத்துறையும்
பண்டரங்கர்க்கு என் நிலமை
      பரிந்து ஒரு கால் பகராயே.
      
                 - (திருமுறை 01.60.01).
தரங்கம்: அலை   அளி- வண்டு 
🙏🛐🙏🙏🛐🙏🙏🛐🙏🙏🛐🙏

ஆன்மாக்கள் பெண் தன்மை உற்றதென்றும் அது கொழு கொம்பாகிய இறைவனைப் பற்றி நிற்றல் வேண்டும் என்ற உள்ளடக்கிய கருத்து இதில் உள்ளது என்பர் அறிஞர்.
💜
முடங்கிய உலகத்தில்  உறவுகளை பிரிந்து வாடும் உள்ளங்கள்  அமைதி பெற வேண்டும் என்ற வேண்டுதலை இறைவனிடம் வைப்போம்.  
இறையருள் பெறுவோம்.

நன்றி🙏

🙏🛐🙏🙏🛐🙏🙏🛐🙏
சிந்தனையும் பகிர்வும்:
என்றும் அன்புடன்
#சுப்ராம்_அருணாசலம்_காரைக்கால் 
🙏🛐🙏🙏🛐🙏🙏🛐🙏
https://m.facebook.com/story.php?story_fbid=5653593588049185&id=100001957991710

திருப்போரூர் கந்தசாமிக்கோவில் செங்கல்பட்டு மாவட்டம்

திருப்போரூர் கந்தசாமிக்கோவில் திருப்போரூா் கந்தசுவாமி கோவில் என்பது இந்தியாவின் தமிழ்நாட்டின், செங்கல்பட்டு மாவட்டம் திருப்போரூரில் இருக்கும...