மடக்கணி பகுதி : மூன்று

#திருமுறைகளில்_தமிழமுதம்

#சம்பந்தர்அமுதம்

#மடக்கணி

பதிவு : மூன்று (பாடல் 4, 5)

🙏🛐🙇🙏🏻🙇‍♀️🙏🏼🔱🔯🙏🏼🙇🏼‍♀️🙏🙇🙇🙏🏻🙇‍♀️

🛐 தேவார பதிகங்களில் உள்ள பாடல்களில் உள்ள தமிழமுத சுவைப் பாடங்களை சுவைத்து வருகிறோம் 

இப் பாடல்களின் திறன் வியந்தும் பக்தி உணர்வுடனும் சிந்தித்து வருகிறோம்.

இன்று மேலும் சில பாடல்களைப் பற்றி சிந்திப்போம்.

🙇🏻‍♀️அந்த வகையில் யாப்பு அமைப்பில் வந்த சொல்லோ, சொற்றோடரோ மீண்டும் வந்து பொருள் வேறுபட்டு நிற்கும் மடக்கணி என்ற இந்த வகைப் பாடல்களை தமிழ் ஞானசம்பந்தரின் பதிகப்பாடல்கள் பற்றி தொடர்ந்து சிந்திப்போம்.

🙏🛐🙇🙏🏻🙇‍♀️🙏🏼🔱🔯🙏🏼🙇🏼‍♀️🙏🙇

தேவாரம். - மூன்றாம் திருமுறை 

பாடல் 1215

பதிகம். 371 தலம் - திருக்கழுமலம்

பாடல் - 4

🙏🛐🙇🙏🏻🙇‍♀️🙏🏼🔱🔯🙏🏼🙇🏼‍♀️🙏🙇

மைத்திகழ் நஞ்சுமிழ்  மாசுணமே

        மகிழ்ந்து அரை சேர்வது  மாசுணமே

மெய்த்துடல் பூசுவர்  மேல்மதியே

        வேதமது ஓதுவர்   மேல்மதியே

பொய்த்தலை  யோடுஉறு  மத்தமதே

        புரிசடை  வைத்தது  மத்தமதே

வித்தகர் ஆகிய  எங்குருவே

         விரும்பி  அமர்ந்தனர்  வெங்குருவே

🛐🙇🙏🏻🙇‍♀️🙏🏼🔱🔯🙏🏼🙇🏼‍♀️🙏🙇🙏🛐

பொருள் விளக்கம்:

1.  ஈசன், கரிய நஞ்சினை உமிழும் பாம்பை மகிழ்ந்து அறையில் சேர்த்துக் கட்டியவர்.

திருவெண்ணீற்றைத் திருமேனியில் சந்தணத்தை அரைத்துப் பூசியவர்

☀️மாசுணம் = 1. பாம்பு 

            2. மா+ சுண்ணம் - திருநீறு

மைத்திகழ் நஞ்சு உமிழ்மாசுணமே - கரிய நிறம் விளங்கும் நஞ்சைக் கக்கும் பாம்பே. 

மகிழ்ந்து அரை - இடுப்பில் சேர்வது அரை ஞாணாகவும் கோவணமாகவும் சேர்வது. மாசு ( ண் ) ணமே மெய்த்து உடல் பூசுவர் - சிறந்த திரு நீற்றையே உடம்பின்மேற் பூசுவதாகிய சந்தனமாகத் திருமேனியிற் பூசுவர். சுண்ணம், பொடி, திருநீறு.

2. சடை முடியின் மீது சந்திரனைத் தரித்தவர்.

மேன்மையான ஞானம் அருளும் வகையில் வேதப்பொருளை ஓதுபவர்.

🌟மெய்த்து - உடம்பிற் பூசுவதாகிய சந்தனத்தைக் குறித்தது, ` சாந்தமும் வெண்ணீறு ` என்ற திரு விசைப்பாவின் கருத்து. மேல் மதியே - ( தலை ) மேல் ( இருப்பதும் ) சந்திரனே. மேல் மதியே வேதமது ஓதுவர் - மேலான புத்தியைத் தரும் கருத்துக்களை வேதம் முதலிய நூல்களால் ஓதியருளியவர்

3.மண்டை ஓடு ஏந்தி மயானத்தில் விளங்குபவர்; 

சடை முடியின் மீது  ஊமத்த மலர் சூடியவர்

4. வித்தகர் ஆகிய அவர், எம் குருவானவர்;

அவர் விரும்பி அமர்ந்து இருப்பது வெங்குருவே.

🗻தல  குறிப்பு: வெங்குரு:

அசுர குருவாகிய சுக்கிரன் இத்தலத்தை வழிபட்டு பேறு பெற்ற தலம். இயமன் வழிபட்டு பழி நீக்கிக் கொண்டதாலும் இப்பெயர்

🙏🛐🙇🙏🏻🙇‍♀️🙏🏼🔱🔯🙏🏼🙇🏼‍♀️🙏🙇🙏🏻

தேவாரம். - மூன்றாம் திருமுறை 

பாடல் 1216

பதிகம். 371 தலம் - திருக்கழுமலம்

பாடல் - 5

🙏🛐🙇🙏🏻🙇‍♀️🙏🏼🔱🔯🙏🏼🙇🏼‍♀️🙏🙇

உடன்பயில்  கின்றனன்  மாதவனே

       உறுபொறி காய்ந்து இசை மாதவனே

திடம்பட மாமறை கண்டனனே

       திரிகுண மேவிய கண்டனே

படங்கொள் அரவு அரை செய்தனனே

     பகடுஉரி  கொண்டு அரை செய்தனனே

தொடர்ந்த துயர்க்குஒரு  நஞ்சுஇவனே

      தோணி புரத்துறை நம் சிவனே

      

🙏🛐🙇🙏🏻🙇‍♀️🙏🏼🔱🔯🙏🏼🙇🏼‍♀️🙏🙇

பாடல் பொருள் விளக்கம்:

1 ஈசன், திருமாலைத் தம்முடன் இருக்கும்படி செய்பவர்

இந்திரியங்களை அடக்கிப் பெருமையுடன் மேவும் சிறந்த தவத்தை உடையவர்.

🔘மாதவன் = 1. திருமால்,

                          2. மா  தவத்தினர் 

🔘 உடன் பயில்கின்றனன் மாதவன் -                   தம்மோடு கூடவேயிருக்கும் பேறுடையவன் திருமால். ஏனெனில், 

உறு - தம் வழியிற் செல்லுகின்ற. 

பொறி - இந்திரியங்களை. 

காய்ந்து இசை - கோபித்து மடக்கிச் செலுத்திய. 

மாதவன் - பெருந்தவஞ்செய்தோனாதலினால் பொறிகளை யடக்குதல் அவற்கு ஆகும்

 என்க. ` சென்ற விடத்தாற் செலவிடா தீது ஒரீஇ நன்றின்பால் உய்ப்பது அறிவு ` என்னும் திருக்குறள் கொண்டு அறிக.

2. உறுதி பயக்கும் சிறந்த வேதங்களைக் கண்டவர்.

முக்குண வயத்ததாய் மேவிக் குற்றத்தைப் பெருக்கும் கொள்கைகளைக் கண்டனம் செய்பவர்.

☮️மாமறை கண்டனன் = வேதங்களைக் கண்டவர்.  

மேவிய கண்டனனே = கண்டனம் செய்பவர்.

திடம்பட - உறுதிப்பாடு அமைய. 

மாமறை - சிறந்த வேதங்களை. கண்டனன் - செய்தருளியவர். 

வேதத்தை யருளியவரும் சிவபெருமானேயென்பது 

இதனை ` உம்பரின் நாயகன் திருவாக்கிற் பிரணவம் உதித்தது, அதனிடை வேதம் பிறந்தன ` என்னும் திருவிளையாடற் புராணத்தால் அறிக. 

திரிகுணம் மேவிய - முக்குண வயப்பட்டுச் செய்தனவாகிய புறச்சமயக் கொள்கைகளை. 

கண்டனன் - கண்டனம் செய்வோன் 

3. படம் கொண்ட அரவத்தை அரையில் பொருத்திக் கட்டியவர்;

யானையின் தோலை உரித்துப் போர்வையாகத் தரித்துக் கொண்டவர்.

☸️பகடு - யானையின்.

 உரிகொண்டு - தோலையுரித்து. 

அரை செய்தனன் - அதை அழித்தவன். 

4. விணைப் பயனால் நேரும் துன்பங்களால் அடியவர்கள் நலியாதவாறு காப்பவர்.

இவர், தோணிபுரத்தில் வீற்றிருக்கும் சிவபெருமானே.

🔯தொடர்ந்த ) துயர்க்கு - துன்பங்களுக்கு ஒரு நஞ்சு இவனே - ஒருவிடம்போல் நின்று அழிப்பவன் இவனே.

🛐தல குறிப்பு: தோணிபுரம் = ஊழிக்காலத்தில் உலகமெல்லாம் நீரில் மூழ்கினாலும் இத்தலம் மட்டும் அழியாமல் பிரணவ உருவாகத் தோணி போல் மிதந்ததால் சீர்காழிக்கு இப்பெயர்.

🙏🛐🙇🙏🏻🙇‍♀️🙏🏼🔱🔯🙏🏼🙇🏼‍♀️🙏🙇

பத்தி இலக்கியத்தில் தமிழின் பெருமையை உலகறியச் செய்த 

ஆளுடைய பிள்ளையாரின் அமுத பாடல்களின் ஒரு துளி பருகினோம்; இறையருளால்.

இதன் பெருமையை எண்ணிப் போற்றுவோம். 

வணக்கம்.

நன்றி

🙏🛐🙇🙏🏻🙇‍♀️🙏🏼🔱🔯🙏🏼🙇🏼‍♀️🙏🙇

என்றும் அன்புடன்

சுப்ராம் அருணாசலம்

காரைக்கால்

🙏🛐🙇🙏🏻🙇‍♀️🙏🏼🔱🔯🙏🏼🙇🏼‍♀️🙏🙇

முதல் பதிவில் பாடல் 1. விளக்கம்

https://m.facebook.com/story.php?story_fbid=3991943280880899&id=100001957991710

பதிவு : இரண்டு பாடல். 2,3. விளக்கம்:

https://m.facebook.com/story.php?story_fbid=3995772097164684&id=100001957991710