சந்தைவெளி மாரியம்மன்
பெரியகாஞ்சிபுரம் வெள்ளைக் குளம் தெருவில் இருக்கிறது
தல வரலாறு
சான்றோர் உடைத்து தொண்டைநாடு அத்தொண்டை நாட்டின் திலகம் போன்றதே காஞ்சியம்பதி அன்னை காமாட்சி இருநாழி நெல் பெற்று 32 அறங்கள் செய்ததினால் புகழ் பெற்ற பூமி இப்புண்ணிய பூமியில் வெள்ளை குளம் என்று வழங்கும் வெண்டரைக் குளத்தின் கரையில் ஆயிரம் கண்ணுடையால் என அகிலமே போற்றும் மகா சக்திபீடமாய் அல்லலையும் ஆராப்பிணியையும் அண்டவொட்டாது அருள்பலிக்கும் அன்னையாய் கட்சி தரும் அம்மனின் திருகோயிலே சந்தைவெளி அம்மன் திருக்கோயில் சந்திர பகவான் வழிபட்ட அவனது பூரண ஒளிபட்ட இடமாதலின் சந்திர ஒளி அம்மன் என்ற பெயரினை பெற்றது அப்பெயர் பிறகு மருவி சந்தைவெளியம்மன் என்று வழங்கலாயிற்று.
ஆலயஅமைப்பு
ஆலயம் கிழக்கு நோக்கி அமைந்துள்ளது
3 நிலை ராஜகோபுரம் உள்ளது. உள் நுழைந்தவுடன் பலிபீடம் அடுத்து முன் மண்டபம் அதில் உற்சவர் வைத்துள்ளார்கள் அடுத்துள்ள உள் மண்டபம் மற்றும் அர்த்த மன்டபத்துடன் கிழக்கு நோக்கிய கருவரையில் இருந்து அருள் தரும்
சந்தை வெளி மாரியம்மன் ஆடி ஞாயிறு விஷேசமாக புற்று அலங்காரத்தில் காட்சி பெற்றோம். பிரகாரத்தில் உள்ள பிரசன்னதிகள் :
1 நவக்கிர சன்னதி
2 பாப்பாத்தியம்மாள் சன்னதி
3 மகிஷாசூரமா்த்தினி சன்னதி
4 மதுரை வீரனும் கன்னியம்மனும் (பின்புறம் உள்ளது)
5 சந்திரேசுவரர் சன்னதி
பல்வேறு பிரார்த்தணைகள் வழிபாட்டு முறைகள் நடைபெறுகின்றன ஏராளமான பெண் பத்தர்கள் குழுமி அடுப்பு மூட்டி பொங்கல் வைத்தும் மாவிளக்கு போட்டும் வேப்பில்லை ஆடை உடுத்தியும் ஆலயத்தை வலம் வருகிறார்கள். ஞாயிறன்று பக்தர்கள் கூட்டம் ஏராளம்
ஆடி மாதத்தில் சிறப்பு அபிஷேகங்கள், தீபாராதனைகள் மற்றும் கூழ் வார்த்தல் விழாக்கள் இங்கு மிகச் சிறப்பாக நடைபெறுகின்றன.வீதியுலா: ஆடித் திருவிழாக்களின் போது உற்சவர் சந்தவெளி அம்மன் ஏழு கன்னியா்களுடன் சிம்ம வாகனத்தில் எழுந்தருளி வீதியுலா வருவது வழக்கம்
ஆலயம் இந்து அறநிலையத்துறையின் கட்டுப்பாட்டில் உள்ளது.
பக்தர்கள் கூட்டமும் நிறைந்துள்ளது.
இந்த ஆலயத்தின் மிக அருகில் பின்புறம் உள்ள தெருவில் காஞ்சியின் நவகிரக ஆலயங்களில் ஒன்றான சந்திரன் வழிபட்ட தலமான சந்திரேஸ்வரர் ஆலயம் உள்ளது.
நன்றி🙏
#சுப்ராம்தரிசனம் 16.08.2026
#என்றும்அன்புடன்
#சுப்ராம்_அருணாசலம்_காரைக்கால்
#ஆலயம்தொழுவதுசாலவும்நன்று
No comments:
Post a Comment