மலையக்கோயில் -குலமங்கலம், நற்சாந்துப்பட்டி - திருவருள் காளீஸ்வரர் (மற்றும்) சுப்பிரமணிய சுவாமிக்கோவில். 28.09.25

#மலையக்கோயில் -குலமங்கலம், நற்சாந்துப்பட்டி - திருவருள் காளீஸ்வரர் (மற்றும்) சுப்பிரமணிய சுவாமி

மலையக்கோயில் -குலமங்கலம், நற்சாந்துப்பட்டி - திருவருள் காளீஸ்வரர் (மற்றும்) சுப்பிரமணிய சுவாமிக்கோவில்.

🗻மலையக்கோவில். ‘மலையில் கோவில்’ என்ற பெயரே தற்போது ‘மலையக்கோவில்’ என மருவி வழங்கப்படுகிறது.

அமைவிடம்:

💠நற்சாந்துப்பட்டி வடமேற்கில் உள்ளது.

நல்ல பாதை வசதியும் உள்ளது.

💠தமிழ்நாட்டில் புதுக்கோட்டை மாவட்டத்தில், திருமயம் தாலுகாவில், புதுக்கோட்டை-பொன்னமராவதி சாலையில், நற்சாந்துபட்டி கிராமத்திலிருந்து 2 கி.மீ. தொலைவில் மலையக்கோயில் என்னுமிடத்தில் மலையில் அமைந்துள்ளது.

💠பொன்னமராவதி செல்லும் பேருந்தில் ஏறி மலையக்கோவில் விலக்கில் இறங்கி, 1 கிலோமீட்டர் தூரம் நடந்தும் ஆலயத்தை அடையலாம். 

💠திருச்சியில் இருந்து 69 கிமீ தொலைவில் உள்ளது. புதுக்கோட்டையில் இருந்து மலையக்கோவிலுக்கு நேரடியாக நகரப் பேருந்து வசதி உள்ளது.

🔰மலையக்கோயில் முன்னர் ‘ஒருக்கொம்பு மலை’, ‘குறிஞ்சி கொத்த நாவல் குறிச்சி’, ‘திருநாவலங்கிரி’, ‘திருவோதிக்கால்’ என்ற பெயர்களால் அழைக்கப்பட்டது. 

🔰பல்லவர் ஆட்சி காலங்களில் கோயில்கள் மலைகளுக்குள்ளே செதுக்கப்பட்டன.

 இத்தகைய கோயில்களில் சிவன் கடவுள் உள்ள திருவருள் காளீசுவரர் சுப்பிரமணிய சுவாமி கோயில், மலையக்கோயில் மிகச்சிறப்பு வாய்ந்தது.

விஷேசமான தனித்துவமுடைய, சிவன் மற்றும் முருகன் கோவில்களின் குழு ஆகும். மலையின் மீதுள்ள கோவில் ‘மேற்கோவில்’ என்றும், மலையின் அடிவார கீழுள்ள கோவில் ‘கீழ்க்கோவில்’ என்றும் என இரண்டு கோவில் குழுக்களை கொண்டுள்ளது.

💠மலைக்கோயில் முருகனுக்காகவும், கீழக்கோயில் சிவனுக்காகவும் அர்ப்பணிக்கப்பட்டுள்ளது. 

இது கி.பி.2ஆம் நூற்றாண்டில் கட்டப்பெற்ற குடவரைக்கோயில் ஆகும்.

🔱கீழ்க்கோவில்கள் / அடிவாரக்கோவில்கள்:

🔱மலையின் அடிவாரத்தில் கிழக்கில் ஒரு குடவரைக் கோயிலும், 

தெற்கில் ஒரு குடவரைக் கோயில்களும், ஆக இரண்டு குடவரைக் கோயில்கள் உள்ளன. 

🔰புராண முக்கியத்துவம்

மலையக்கோவில் சோழர் மற்றும் பாண்டிய இராஜ்ஜியத்திற்கு இடையே உள்ள நிலையான எல்லையாக கருதப்படுகிறது.

🔰தெற்கு குகைக்கோயில் சோழர்களால் கட்டப்பட்டதால் சோழ நாட்டை (மேற்கு) நோக்கியதாகவும், கிழக்கு குகைக்கோயில் பாண்டியர்களால் கட்டப்பட்டதால் பாண்டிய நாட்டை (கிழக்கு) நோக்கியதாகவும் கூறப்படுகிறது. 

🔰மலையடிவாரத்தில் பாறை வெட்டப்பட்ட இரண்டு குகைக் கோயில்கள் உள்ளன.

⛳தெற்கு குடவரைக் கோவில் கருவறையையும், கருவறைக்கு முன்பாக முன் மண்டபத்தையும், அதை ஒட்டி மகா மண்டபத்தையும் கொண்டிருக்கிறது.

⛳தெற்குப் பாறை வெட்டப்பட்ட குகையிலும் அதைச் சுற்றியும் மற்ற நான்கு கட்டமைப்பு ஆலயங்களும் உள்ளன, இவை அனைத்தும் பிற்காலத்தில் தோன்றியவை.

⛳தெற்கு குகைக்கோயில் காளீஸ்வரர் சன்னதி, மலையின் தெற்குப் பாறையில் தோண்டப்பட்ட பாறையால் வெட்டப்பட்ட குகைக் கோயில் ஆகும். 

⛳தெற்கு குகைக்கோயில் 

கருவறை, அர்த்த மண்டபம், முகப்பு, மகா மண்டபம் மற்றும் முக மண்டபம் ஆகியவற்றைக் கொண்டுள்ளது. 

⛳திறந்த தூண் முக மண்டபம் மகா மண்டபத்தை சூழ்ந்துள்ளது. இது தெற்கிலும் மேற்கிலும் நுழையலாம்.

 ⛳இம்மண்டபத்தின் தென்கிழக்கில் ஒரு மூடிய பிராகாரம் உள்ளது. மலைக்கொழுந்தீஸ்வரர் என்ற பாறையில் வெட்டப்பட்ட லிங்கம், 

⛳தாய்ப்பாறையில் செதுக்கப்பட்ட ஒரு சிறிய இடத்தில் உள்ளது. நவகிரகங்கள், சனீஸ்வரர் மற்றும் பைரவர் ஆகியோரின் சன்னதிகள் மற்றும் சிலைகளை இந்த பிராகாரத்தில் காணலாம்.

 ⛳தாய்ப்பாறையை ஒட்டி மேற்குப் பகுதியில் தட்சிணாமூர்த்தியும், சண்டிகேஸ்வரரும் காட்சியளிக்கின்றனர்.

⛳மகா மண்டபம் மூன்று பக்கங்களிலும் சுவர்களைக் கொண்டுள்ளது, தெற்குப் பக்கத்தில் நுழைவாயில் உள்ளது.

⛳ மண்டபம் இரண்டு வரிசை தூண்களால் தாங்கப்பட்டு இருபுறமும் மூன்று தூண்கள் உள்ளன. முகப்பில் நடுவில் இரண்டு தூண்களும், ஒவ்வொன்றின் முனைகளிலும் சதுரதூண்களும் உள்ளன.

 ⛳முகப்பில் அர்த்த மண்டபம் உள்ளது. 

மண்டபத்தின் மேற்குச் சுவரில் வலம்புரி விநாயகரையும், வடக்குச் சுவரில் ஜட முனிவரையும் காணமுடிகிறது. 

⛳அர்த்த மண்டபத்தின் மையத்தில் கருவறையை நோக்கியவாறு நந்தியைக் காணலாம். அர்த்த மண்டபத்தின் கிழக்குச் சுவரில் கருவறை தோண்டப்பட்டுள்ளது. கருவறை அர்த்த மண்டபத்திலிருந்து சற்று உயரத்தில் அமைந்துள்ளது மற்றும் பாறை வெட்டப்பட்ட இரண்டு படிகளின் விமானம் வழியாக அணுகலாம்.

 ⛳கருவறை வட்ட வடிவ ஆவுடையார் மீது வீற்றிருக்கும் லிங்க வடிவில் மூலவராக விளங்குகிறார். மேற்கு நோக்கிய மூலவர் காளீஸ்வரர் / திருவேங்கை கனலீசுபவர் / மலைய லிங்கம் / திருவருட் காலேஸ்வரர் / திருவோக்கலீஸ்வரமுடைய நாயனார் என்று அழைக்கப்படுகிறார். 

🪷அம்மன் சன்னதி :

தெற்குக் குடவரை கோவிலுக்கு எதிரில் ஆடவல்லானான சிவபெருமானின் தேவியாகிய உமையவளுக்கு - தர்சவர்த்தினி (அறம் வளர்த்த நாயகி) என்னும் பெயரால், வடக்கு நோக்கி அமைக்கப்பட்ட சன்னதியாக ஒரு கற்கோவிலும் அமைந்திருக்கிறது.

இந்த சன்னதி, (இடைக்கால சோழர்) பிற்காலச்சோழர்களது கலைப்பாணியில் அமைந்துள்ளது.

இக்கோயில் பாணியில் கட்டப்பட்டுள்ளது. 

♻️கிழக்குக் குடவரைக் கோயில் 

♻️மலை அடிவாரத்தில் உள்ள கிழக்கு குடவரைக் கோவிலின் வாயிற்படிக்கு தென்புறத்தில் பல்லவ கிரந்த எழுத்தமையில் ஒரு கல்வெட்டும் வாயிற்படிக்கு வடக்கில் எம்மண்டலமும் கொண்டருளிய குலசேகர பாண்டியனின் ஒரு கல்வெட்டும் காணப்படுகிறது.

♻️கிழக்கு குகைக் கோயில்: கிழக்குக் குகைக் கோயில் கருவறை மற்றும் நுழைவு மண்டபத்தைக் கொண்டுள்ளது.

கருவறையில் ஆவுடையாரில் ஒரு சிவலிங்கம் உள்ளது. தாய்ப்பாறையில் இருந்து லிங்கம் தோண்டி எடுக்கப்பட்டது.

லிங்கத்திற்கு எதிரே உள்ள பாறையின் மேற்பரப்பில் வலம்புரி விநாயகரின் சிற்பம் காணப்படுகிறது. இது கிழக்கு நோக்கியதாகவும், பிள்ளையார்பட்டி விநாயகரைப் போன்றே உருவச் சின்னமாகவும் உள்ளது. 

♻️கிழக்கு குடவரைக் கோவில் ஒரே கருவறையையும், கருவறையின் நடுவில் ஆவுடையாருடன் கூடிய லிங்கத்தையும் கொண்டதாகும். இக்கோவிலுள்ள சிவலிங்கம் மலைப்பாறையிலேயே செதுக்கப்பட்டிருக்கிறது. 

♻️குகையின் தெற்குப் பகுதியில் கிரந்த எழுத்தில் எழுதப்பட்ட கல்வெட்டு உள்ளது. இதில் பரிவதினி என்ற இசைக்கருவி வீணை பற்றி குறிப்பிடப்பட்டுள்ளது.

♻️குகைக்கோயிலின் வாசல் படிகளில் குலசேகர பாண்டியரின் கல்வெட்டு ஒன்று காணப்படுகிறது. சிவபெருமான் கல்வெட்டில் ஸ்ரீவரமுடைய நாயனார் என்று அழைக்கப்படுகிறார்.

🔱மலை மீது முருகன்

🔱மலைக் கோயில் மீது நகரத்தாரால் முருகன் கோயில் கட்டப்பட்டது.

🔱மேற்கோவிலுக்கு ஏறுவதற்கும் இறங்குவதற்கும் சாரப்பாதை, படிவெட்டுப்பாதை என்ற இருவேறு பாதைகள் அமைக்கப்பட்டுள்ளன.

🔱மலையின் மேற்குச் சரிவில் நடைபாதைச் சாய்வு மற்றும் தெற்கே ஒரு குறுகிய படிகள் மூலம் கோயிலை அடையலாம். 

🔱படிக்கட்டுகளுக்கு அருகில் உள்ள கல்வெட்டின்படி, 19 ஆம் நூற்றாண்டின் இறுதியில் நச்சாந்துபட்டியைச் சேர்ந்த ஒருவரால் இந்த மலைக்கோயில் கட்டப்பட்டது. 

🔱இக்கோயில் வளாகத்தில் மலை உச்சியில் முருகன் மற்றும் இடும்பன் கோயில்கள் உள்ளன. இந்த இரண்டு கோயில்களும் ஒரே வளாகத்திற்குள் இணைக்கப்பட்டுள்ளன. 

🔱இக்கோயில் வளாகம் மலை உச்சியில் அமைந்துள்ளதால் மேல கோவில் என்று அழைக்கப்படுகிறது. 

🔱மலையின் மீதுள்ள கோவில் ‘மேற்கோவில்’ என்றும் கூறுகிறார்கள்.

🔱மலையின் மீது ஒரே சுற்று மதிலுக்குள் முருகப்பெருமானுக்கும், முருகனது இணையடி பற்றி நின்ற இடும்பனுக்கும் எழுப்பப்பட்ட கோவில்கள், ஒரு குறுக்குச்சுவரால் தனித்தனிக் கோவில்களாகக் காட்சியளிக்கின்றன.

🔱இடும்பன் கோயில் முருகன் கோயிலின் தெற்குப் பகுதியில் அமைந்துள்ளது. 

🔱முருகன் கோயில் கிழக்கு நோக்கி உள்ளது. கருவறையை நோக்கிய முக மண்டபத்தின் முன் மயில், முருகன், பலிபீடம் மற்றும் துவஜ ஸ்தம்பம் ஆகியவற்றைக் காணலாம்.

 🔱கோயில் கருவறை, அர்த்த மண்டபம் மற்றும் திறந்த தூண் முக மண்டபம் ஆகியவற்றைக் கொண்டுள்ளது.

🔱அர்த்த மண்டபத்தில் விநாயகர் மற்றும் உற்சவர் சிலைகள் உள்ளன. கருவறையில் சுப்பிரமணியசுவாமி அவரது துணைவிகளான வள்ளி மற்றும் தெய்வானையுடன் கிழக்கு நோக்கியவாறு வீற்றிருந்து அருள்புரிகிறார். 

🔱பிரகாரத்தில் ஜடாமுனீஸ்வரருக்கு தெற்கு நோக்கிய சன்னதி உள்ளது. இந்த சிலை பிற்காலத்தில் இக்கோயிலில் இணைக்கப்பட்ட சமண சிலையாக இருக்கலாம்.

🔱இப்படி ஒவ்வொரு தெய்வங்களும் திசைமாறிய தெய்வங்களாக இக்கோவிலில் இருப்பது வியக்கத்தக்கதாக அமைந்துள்ளது.

🔱மலையேறியதும் அங்கு அர்த்தமண்டபத்தில் விநாயகர், உற்சவராக முருகப்பெருமான் ஆகியோர் உள்ளனர். கருவறையில் வள்ளி, தெய்வானையுடன் சுப்பிரமணிய சுவாமியாக முருகன் உள்ளார். தென் புறத்தில் இடும்பர் சன்னதி உள்ளது.

🔱முருகன் கோயிலுக்கு அருகில் உள்ள நீர்நிலை - சுனையை சரவணப்பொய்கை என்றழைக்கின்றனர்.

🔱கோவில் தொட்டி: இரண்டு பாறைகள் வெட்டப்பட்ட சன்னதிகளுக்கு இடையில் ஒரு கோயில் குளம் உள்ளது. இந்த தொட்டி அதன் நான்கு பக்கங்களிலும் படிகளுடன் மிகப்பெரியது

💟திருவிழாக்கள்

தை பூசம் ,திருப்பதி பூஜை, பங்குனி உத்திரம், கார்த்திகை தீபம் ஆகியவையும் இங்கு கொண்டாடப்படுகிறது.

💟காலம்

1000 ஆண்டுகள் பழமையானது

நிர்வகிக்கப்படுகிறது

இந்து சமய அறநிலையத்துறை - நிர்வாகம்.

🔰திறந்திருக்கும் நேரம் *

காலசந்தி (காலை 9.00 மணி), உச்சிக்காலம் (நடுப்பகல் 12.00 மணி), சாயரட்சை (மாலை 6.00 மணி), அர்த்தசாமம் (இரவு 8.00 மணி) என்ற வகையில் நான்கு கால பூசைகள் இங்கு நடத்தப்பெறுகின்றன.

⚡ஆலயம் தனியாக உள்ளதால், சாதாரண நாட்களில், ஆலயம் குருக்கள் இருக்கும் போதுதான் தரிசிக்க இயலும். பூசை கால நேரம் மாறுகிறது.

🧘🏼‍♀️நம்பிக்கைகள்

 பௌர்ணமியின்போது பக்தர்கள் கிரிவலம் வருகின்றனர். தைப்பூசத் திருவிழா இங்கு சிறப்பாகக் கொண்டாடப்படுகிறது.

🧘🏼‍♀️தெற்கு குகைக்கோயிலில் மேற்கு நோக்கிய சிவனை வழிபட்டால் பிரம்மஹத்தி தோஷம் நீங்கும் என்பது நம்பிக்கை. பிரதோஷ நாட்களில் சிவபெருமானை வலம்புரி விநாயகரை வழிபட்டால் காரியங்களில் இருந்த தடைகள் நீங்கும். குழந்தை பிறக்க முருகப் பெருமானிடம் பக்தர்கள் பிரார்த்தனை செய்கின்றனர்.

🧘🏼‍♀️மேற்கு திசையில் இருக்கும் சிவனை வேண்டினால் பிரம்மஹத்தி தோஷம் நீங்கும். அதைவிட ஒவ்வொரு பிரதோஷம் நாளில் அந்த சிவனையும் அதற்கு எதிரே உள்ள வலம்புரி விநாயகரையும் வேண்டினால், தடைபடும் காரியங்கள் சுமுகமாக முடியும் என்பது நம்பிக்கை.

நன்றி🙏வலை தளங்கள்

#பயணஅனுபவக்குறிப்புகள்🕊️

மலைக்கோவில் என மலைக்க வேண்டாம். சாய்தளம் உள்ளது.

மிக அமைதியான இடம். சிறிய குன்று பாறைகளே உள்ளன. அழகிய குளம் ஒன்றும் உள்ளது. பெரிய வளாகம் .

சிறிய ஊர். எந்தத் கடைகளும் இல்லை. அருகில் உள்ள நற்சாந்துப்பட்டி என்ற ஊருக்கு வர வேண்டும்.

ஆலயப் பகுதியிலிருந்து 500 மீட்டர் தள்ளி கிழக்கில் சில வீடுகள் உள்ளன.

ஆலயம் தனியான மலைப்பகுதியில் இருக்கிறது. சாதாரண நாட்களில் யாரும் அங்கு இருப்பதில்லை. 

தகவல் தந்து சென்று தரிசிப்பதே நல்லது.

நன்றி🙏

28.09.25 ஞாயிற்றுக்கிழமை

#சுப்ராம்தரிசனம்

#என்றும்அன்புடன்

#சுப்ராம்அருணாசலம்காரைக்கால்

#ஆலயம்தொழுவதுசாலவும்நன்று

#ஆன்மீகபாரதம்அகிலத்தின்சிகரம்

#பிரதோஷக்குழுயாத்ரா 28.09.2025

கல்வெட்டு செய்திகள்:

தெற்குக் கல்வெட்டு பரிவாதினி என்ற வீணையைப்பற்றிய சிறு குறிப்பை காட்டுகிறது. இது போன்று கல்வெட்டு குறிப்பு குடுமியான்மலை, திருமயம் ஆகிய இடங்களில் இருக்கிறது என்பது குறிப்பிடத்தக்கது. குடவரையின் அமைப்பு, லிங்கத்தின் வடிவமைப்பு, குடவரை மண்டபத்தூணின் அமைவு, பல்லவ கிரந்த எழுத்தமையில் கல்வெட்டு முதலியவைகளை பார்க்கும்போது இக்குடவரை கி.பி. 7 அல்லது 8-ம் நூற்றாண்டிற்குரியனவாக இருக்கலாம் என்று கருதப்படுகிறது. இக்குடவரையை பற்றி ஆராய்ச்சியாளர்களிடத்தில் பல்வேறு கருத்துக்கள் நிலவுகின்றன.

இவ்விரு குடவரையிலுள்ள குலசேகரபாண்டியன், இரண்டாம் குலோத்துங்கன் கல்வெட்டுக்களில் இருந்து மலையக்கோவில் கானாட்டிற்கும் கோனாட்டிற்கும் பொது எல்லையில் அமைந்திருந்தது என்பதை அறியமுடிகிறது. இக்காரணத்தால் தான், கிழக்கு குடவரை கானாட்டை நோக்கியவாறு கிழக்கு நோக்கியும், 

தெற்குக் குடவரை கோனாட்டை நோக்கியவாறு, மேற்கு நோக்கியும், லிங்கத்துடன் வடிவமைக்கப்பட்டுள்ளது. 

 சிவன், ஐயனார் போன்ற சைவக்கோவில்களுக்கு நிலத்தை தானமாக அளிக்கும்போது அந்நிலம் கோவில் நிலம் என்பதற்கு அடையாளமாக சூலக்கல் நடுவது மரபாகும். மலையக்கோவிலுக்கு அருகாமையில் இளங்கண்மாய் என்ற ஏந்தலின் உள்வாசல் மேட்டில், ‘முக்குடை, குத்துவிளக்கு, பூரணக்கும்பம்’ ஆகிய மங்கலச் சின்னங்கள் வரைகோட்டு உருவங்களாக பொறிக்கப்பட்டு, 

தரையில் ஊன்றப்பட்ட இரண்டு பலகைக் கற்கள் இருப்பதாக கண்டறியப்பட்டுள்ளது. 

இதன் மூலம் மலையக்கோவிலில் சமணப்பள்ளி ஒன்று இருந்திருக்க வேண்டும் என்பதை அறியமுடிகிறது. 

சமணப்பள்ளி இருந்ததற்கு ஆதாமலையக்கோவிலில் சடாமுனி, செம்முனி என்ற ஒரு தெய்வம் மக்களால் வணங்கப்படுவது ஆதாரமாக உள்ளது.

தெற்கு பாறை வெட்டப்பட்ட குகைக் கோயிலில் சுமார் மூன்று கல்வெட்டுகள் உள்ளன. ஆரம்பகால கல்வெட்டு இரண்டாம் குலோத்துங்க சோழனின் 10 ஆம் ஆண்டு (கிபி 1143) விற்பனை பத்திரத்தை பதிவு செய்கிறது. கல்வெட்டில் இக்கிராமம் குலமங்கலம் என்றும், மூலவர் திருவோகலீஸ்வரமுடைய நாயனார் என்றும் குறிப்பிடப்பட்டுள்ளது. 

மகா மண்டபத்தின் மேற்குச் சுவரில் உள்ள கல்வெட்டு கிபி 18 ஆம் நூற்றாண்டைச் சேர்ந்தது, தெய்வத்திற்கு செய்யப்பட்ட கொடையைப் பதிவு செய்கிறது. கல்வெட்டில் கிராமம் நாவலூர் என்றும், அதிபதி காளீஸ்வரமுதிய நாயனார் என்றும் குறிப்பிடப்பட்டுள்ளது. மேற்குத் தூணில் உள்ள மற்ற கல்வெட்டு படிக்க முடியவில்லை. 

கிழக்குக் குகைக் கோயிலின் தெற்குப் பகுதியில் கிரந்த எழுத்தில் எழுதப்பட்ட கல்வெட்டு உள்ளது. இதில் பரிவதினி என்ற இசைக்கருவி வீணை பற்றி குறிப்பிடப்பட்டுள்ளது. கிழக்குக் குகைக் கோயிலின் வாசல் படிகளில் குலசேகர பாண்டியரின் கல்வெட்டு ஒன்று காணப்படுகிறது.

சிவபெருமான் கல்வெட்டில் ஸ்ரீவரமுடைய நாயனார் என்று அழைக்கப்படுகிறார்.

- நன்றி🙏

வலை தளங்கள்

https://www.facebook.com/share/p/19s7rqX4zy/