வினாவுரை - சம்பந்தர் அமுதம் - திருத்தெளிச்சேரி - பதிவு - 6 பாடல் 6

#சம்பந்தர்அமுதம்

#தலப்பெருமை #பேரருட்திறன்

#வினாவுரை

 பதிவு: 6  

🌈#அமுதப்பதிகங்கள்   

              அமைப்புச்சிறப்புகள்

தமிழும், திருநெறியும், உலகம் முழுதும் விளங்க, தெய்வப் பதிகங்கள் அருளிச் செய்த தமிழாகரர், திருஞானசம்பந்தப் பெருமானின் தேவார பதிகப் பாடல்களை தொடர்ந்து சிந்திப்போம்.

வினாவுரை அமைப்பு என்றால் என்ன?

♻️இறைவன் சிறப்புகளை வினவுதல் போல கேள்வி எழுப்பி அதன் விடையை உட்பொருளாக உணர்த்தும் அமைப்பில் பாடல் அமைந்து வருவது. 

🛐6️⃣

6.சந்திரன் தோயும் பொழில்சூழ்ந்த மணிமாடங்கள் திகழும் தலம் எது?

யானையைத் திருக்கரத்தினால் மாய்த்தது எங்ஙனம் நிகழ்ந்தது?

விளக்கம்: 

இரண்டாம் திருமுறை 

பதிகம்.2.139

தலம் - திருத்தெளிச்சேரி 

பாடல் முதலடி:  'பூவலர்ந்தன

பண்: இந்தளம்

வினாவுரைப் பதிகம் 

பாடல்: 6

தவள  வெண்பிறை தோய்தரு தாழ்பொழில் சூழநல்

திவள மாமணி மாடம் திகழ் தெளிச்சேரியீர்

குவளை போற்கண்ணி துண்ணென வந்து குறுகிய

கவள மால்கரி எங்ஙன நீர்கையிற் காய்ந்ததே

பொருள் :

சந்திரன் தோயும் பொழில்சூழ்ந்த மணிமாடங்கள் திகழும் தெளிச்சேரி பெருமானே. 

குவளைக் கண்ணியாகிய உமாதேவியார் திகைக்க, யானையைத் திருக்கரத்தினால் மாய்த்தது எங்ஙனம் நிகழ்ந்தது என்று வியந்தது.

சிறப்பு:

உமையவளின் குவளை கண் சிறப்பு.

 கவளமாய் உண்ணும் யானை, மதிமயக்கத்துடன் சினத்துடன் வந்ததும், ஈசன் ஆயுதமின்றி தன் வெறும் கையினால் யானையை அடர்த்த வீரம் வியந்தது.

🛐ஞானசம்பந்தரின் பதிகச் சிறப்பு

 ஒவ்வொரு பாடலும் 4 வரிகள், அதில் முதல் இரு வரிகளில், 

தலச்சிறப்பும், அடுத்த இரு வரிகளின் இறைவரின் அருட்சிறப்பும் வெளிப்படுத்தும் அற்புத பதிகம்.

முதல் இருவரிகளில் ......

1.திருத்தளிச்சேரி தலத்தின் இயற்கை வளம் பக்திச் சிறப்பும், மனிதர் மான்பும், குறிப்பிட்டு இப்பதியில் வசிப்பவரே - திருத்தெளிச்சேரியீர் என்ற இறைவரை விளித்தது.

அடுத்த இருவரிகளில்

2.இறைவரின் அருட்பேராற்றலை குறிப்பிட்டு, வியந்து வினவுகிறார்.

💥இதுகாறும், திருமுறையில் தமிழ் ஞானசம்பந்தர் அருளிய வினாவுரை அமைப்பு பதிகங்களை சிந்தித்தோம்.

🙏 இது ஒரு அறிமுக பதிவே மேற்படி மூல நூல்களையும் , கட்டுரைகளையும் தயவு செய்து மேலும் கற்றறிந்து தமிழின் சுவையை பக்தியோடு முழுமையாக உணர்வோம்.

☸️இவைகளில் சில பதிகங்களின் சிறப்பு பற்றித் தனித்தனியாக சிலக்குறிப்புகளுடனும், பொருள் விளக்கமுடனும் அடியேன் சிந்தைக்கு எட்டியவரை பல்வேறு அறிஞர்கள், சான்றோர்கள் நூல்களிலிருந்து தொகுத்து சில துளிகளாக அவ்வப்போது வழங்கப்படுகிறது. 

பருக விரும்புவோர்; பொறுமையுடன் சென்று முன்பதிவுகளையும் பார்க்கவும்.

🔯படித்துப் பலன் பெறுங்கள்.

 தமிழின் வளத்தை, சிறப்பை, பக்திப் பெருமையை உணருங்கள்; உலகுக்கு உணர்த்துங்கள்.

 தொடர்ந்து சிந்திப்போம்..... ......

🙏நன்றி🙇‍♂️     

🛐🙏🔱🎪🙏🏻🔱🎪🙏🏼🔱🎪🙏🏾🛐

✍️எண்ணமும் ஆக்கமும்:

என்றும் அன்புடன்

#சுப்ராம்_அருணாசலம்

காரைக்கால்🙇‍♂️🙏🙇‍♂️

     🙏🔱🎪🙏🏻🔱🎪🙏🏼🔱🎪🙏🏽

முன்பதிவு:

https://m.facebook.com/story.php?story_fbid=5886477541427454&id=100001957991710

https://m.facebook.com/story.php?story_fbid=5892856360789572&id=100001957991710