Thursday, June 27, 2024

முக்திநாத்திருப்பயணம் - 16 NepalYatra 20.04.2024 - 4.5.2024

#அனுமன்தோகா #நகரச்சதுக்கம் அல்லது #காத்மாண்டுநகரச் சதுக்கம் அல்லது #வசந்தபூர்நகரச்சதுக்கம் (Kathmandu #DurbarSquare), #BasantapurDarbar Kshetra):
#குமாரிபாஹல்கோயில்:
#காத்மாண்டு
#முக்திநாத்திருப்பயணம் -
#NepalYatra 20.04.2024 - 4.5.2024 
16
🕊️ #பயணஅனுபவக்குறிப்புகள்.
25.04.2024

✨25.04.2024 அன்று மதியம் காட்மண்டு மற்றும் அருகில் உள்ள  சில இடங்களை தனி வாகன வசதிகள் ஏற்பாடுகள் செய்து கொண்டு சென்று தரிசித்து விட்டு மாலை மீண்டும் பசுபதிநாதர் தரிசனம் செய்து பாக்மதி நதி ஆர்த்தி தரிசனம் செய்து Narayana Hotel தங்கினோம். 

⛳ சென்று வந்த சுற்றுலா இடங்கள் /ஆலயங்களைப் பற்றிய வலைதளக் குறிப்புகளும் எமது அனுபவ குறிப்புகளும்
தங்களுடன் பகிர்ந்து கொள்கிறேன்.
நன்றி🙏🏻

🏰நேப்பாள் காட்மண்டுவில் ஏராளமான அரண்மணைக் கட்டிடங்கள் மற்றும் ஆன்மீக  சுற்றுலா இடங்கள் உண்டு.

✨காத்மாண்டு நகரச் சதுக்கம்
⚡பக்தபூர் நகர சதுக்கம்
⚡பதான் தர்பார் சதுக்கம்
⚡பசுபதிநாத் கோவில்
⚡சங்கு நாராயணன் கோயில்
⚡பௌத்தநாத்து
⚡ (சுயம்புநாதர் கோயில்)Amideva Buddha Park
மேலும்,
⚡காத்மாண்டு சமவெளி
⚡திரிபுவன் பன்னாட்டு வானூர்தி நிலையம்
⚡திரிபுவன் பல்கலைக்கழகம்
⚡சிங்க அரண்மனை
⚡நாராயணன்ஹிட்டி அரண்மனை

இவற்றுள் எங்களுக்குக் கிடைத்த நேரத்தில் 2, 3 இடங்கள் மட்டும் சென்று பார்க்கும் வாய்ப்புக் கிடைத்தது.

அனுமன் தோகா நகரச் சதுக்கம் அல்லது காத்மாண்டு நகரச் சதுக்கம் அல்லது வசந்தபூர் நகரச் சதுக்கம் (Kathmandu Durbar Square), Basantapur Darbar Kshetra):

🏩 நேபாளத்தின் காத்மாண்டு அரண்மனை முன் அமைந்துள்ள நகர மைய வணிக வளாகமாகும். இது காத்மாண்டு சமவெளியில் உள்ள மூன்று நகரச் சதுக்கங்களில் ஒன்றாகும். இம்மூன்று நகரச் சதுக்கங்களும் யுனேஸ்கோவால் உலகப் பாரம்பரியக்களங்களாக ஏற்றுக் கொள்ளப்பட்டுள்ளன.

🏩மற்ற இரண்டு நகரச் சதுக்கங்கள் பாதன் நகரச் சதுக்கம், பக்தபூர் நகரச் சதுக்கம் ஆகும்.

🏩சதுக்க அரண்மனையின் வடக்குப் புறத்தில் துளேஜு அம்மன் கோயிலைக் கட்டினார்.
நாராயணன் கோயிலில் இருந்த திருமாலின் விக்கிரகம் காணாமல் போனதால், அக்கோயிலைப் பகவதி அம்மன் கோயிலாக, மன்னர் பிரிதிவி நாராயணன் ஷா மாற்றி அமைத்தார்.

🏩இச்சதுக்கத்தின் பழமையான கோயில்கள், மகேந்திர மல்லர் 1560-1574 இல் எழுப்பியவை. அவை ஜெகன்நாதர் கோயில், கோடிலிங்கேஸ்வர மகாதேவர் கோயில் மற்றும் துளேஜூ கோயில்கள் ஆகும்.

🏩பிரதாப மல்லர் ஆட்சியில் மல்லர் குல மன்னர் இலட்சுமி நரசிம்மர் மகன் பிரதாப சிம்மர் ஆட்சிக் காலத்தில், காத்மாண்டு நகரச் சதுக்கம் பெரிய அளவில் விரிவடைந்தது. அரண்மனை, பழைய கோயில்கள், நினைவுத்தூண்களை அவர் விரிவுப்படுத்திக் கட்டினார்.

🏩காத்மாண்டு நகர சதுக்கத்தில், இந்திரப்பூர் கோயில் (இடது) மற்றும் விஷ்ணு கோயில் (வலது)
பிரதாப மல்லர் 1692 இல் இறந்த பின் அவரது மனைவி இரதிலட்சுமி என்பவர், காத்மாண்டு நகரச் சதுக்கத்திலேயே மிக உயரமான, எழு நிலைகள் கொண்ட மஞ்சு தேவர் எனும் சிவன் கோயிலை நிர்மாணித்தார்.

🏩பிரதாப மல்லரின் மகன் பூபாலந்திர மல்லரின் மனைவி புவனலெட்சுமி, காத்மாண்டு நகரச் சதுக்கத்தில் காகேஸ்வர மகாதேவர் எனும் சிவன் கோயிலைக் கட்டினார். 1934 நிலநடுக்கத்தில் சிதைந்த இக்கோயில் நேவாரி கட்டிடப்பாணியில் மறுசீரமைத்து கட்டப்பட்டது.

🏩ஷா வம்சத்தினரது ஆட்சியின் போது, 1770இல் மன்னர் பிரிதிவி நாராயணன் ஷா மன்னர், காத்மாண்டு அனுமன் நகரச் சதுக்கத்தில் பல்வேறு மாற்றங்கள் செய்தனர். இரண்டு கலைநயமிக்க கோயில்களை எழுப்பினர். அவற்றில் ஒன்று ஒன்பது நிலைகளைக் கொண்ட வசந்தபூர் அரண்மனை சதுக்க கோயில் ஆகும்.

🏩நேபாள இராச்சியத்தின் மன்னர் ராணா பகதூர் ஷா என்பவர் காத்மாண்ட் அனுமன் சதுக்கத்தில் செவ்வக வடிவத்தில் சிவன் - பார்வதிக்கு கோயில் எழுப்பினார். இக்கோயிலில் 12 அடி உயர பைரவர் சிலையை நிர்மாணித்தார்.

🏩1908ல் பிரதம அமைச்சர் சந்திர சம்செர் ஜங் பகதூர் ராணா காத்மாண்டு சதுக்கத்தில் சிங்க அரண்மனை எனும் புதிய அரண்மனயை ஐரேப்பிய கட்டிடக்கலை நயத்தில் காத்மாண்டிற்கு அருகே கட்டினார்.

🏩மல்லர், ஷா மற்றும் ரானா வம்ச மன்னர்கள் காத்மாண்டு சமவெளியை ஆண்ட காலத்தில், மூன்று நூற்றாண்டுகளில், அனுமன் நகரச் சதுக்கம் அரண்மனைகள், கோயில்கள், கட்டடம் சூழ்ந்த நாற்கட்டு வெளிகள், முற்றவெளிகள், குளங்கள், மரச் சிற்பங்களால் நிறைந்து இருந்தது

🏩இந்த இடம் மிகவும் ஜனசந்தடி மிக்கது.
ஏராளமான பழமையான கட்டிடங்கள் சூழ்ந்தது.

#குமாரி பாஹல் கோயில்:

🛕காத்மாண்டு சமவெளியின் இறுதி மல்ல மன்னரான ஜெயப்பிரகாஷ் மல்லா என்பவர் குமரி (சிறுமி) தெய்வத்திற்கும், துர்கைக்கும் கோயில்களை எழுப்பினா🔱ர். அக்கோயிலை நேவாரி கட்டிடக் கலை நயத்தில், புத்த விகாரம் போன்று எழுப்பி, குமரி பாஹல் கோயில் எனப் பெயரிட்டார். நேபாளிகளால் வாழும் தேவதையாக, குமரியாகப் பார்க்கப்பட்ட அச்சிறுமிக்குச் சுடுமண் ஓடுகளால் வேயப்பட்ட அரண்மனையும், ஒரு தேரும் உருவாக்கப்பட்டது.

🏰குமாரி பாகல் கோவில் என்ற இந்த கட்டடம் மிகவும் பிரபலமானது. நேப்பாள் நாட்டின் வழக்கப்படி தேர்வு செய்யப்பட்ட தெய்வக் குழந்தை வாழுமிடம். அவர் முக தரிசனம் வேண்டி பல மணி நேரம் காத்திருக்கின்றனர். 

🏰மாடிப் பகுதியில் உள்ள சாளரத்தின் கதவுகள் திறக்கப்பட்டு பின் குழந்தை - குமாரி - முகதரிசனம் தோன்றும். சில நிமிடங்கள் தரிசனத்திற்குப் பிறகு கதவுகள் மூடப்பட்டு விடும்.
இந்த அரிய காட்சியை காண எராளமான வெளிநாட்டு சுற்றுலா பயணிகளும், உள்ளுர் மக்களும் அலை மோதுவார்கள்.

🏰அருகில் உள்ள ஆலயங்கள் மற்ற பொதுவான ஆலயம் அமைப்பில் இல்லை.
பலபடிகள் கொண்ட உயரமான மேடையில் உட்புறம் கருவரையில் தெய்வ சிலைகள் வைத்து பூசனை செய்கிறார்கள்.

🏩நாங்கள் சென்ற முறை இங்கு வந்து கட்டடத்தின் உள்ளே சென்று, குழந்தை - குமாரி - தரிசனம் கண்டோம்.  

மேலும், 5 வருடம் முன்பு இங்கு வந்த நாளில் தேர்திருவிழா நடைபெற்றது 
சிறிய மிக மிக உயர அமைப்பில், மிகவும் குறுகிய அளவில் அந்த தேர் அமைந்து இருந்தது. மிக மிக அதிக பக்தர்கள் கூட்டம் நிறைந்து இருந்தது. இந்தக் காட்சி மனதில் என்றும் நீங்க நினைவுகளில் உள்ளது. இவற்றை நினைவில் கொண்டு இந்த இடம் பார்த்துவிட்டு திரும்பி விட்டேன்.

🏰இந்த இடம் பொதுவாக சிறுசிறு சந்துகள் நிறைந்தது. பிரதான சாலையிலிருந்து உட்புற குறுகிய சாலையில் வந்து இந்த இடத்தை அடைய வேண்டும்.

🏰இந்த இடம் மிகவும் புராதனமானது. ;
இதை அனுமன் தோகா நகரச் சதுக்கம் அல்லது காத்மாண்டு நகரச் சதுக்கம் அல்லது வசந்தபூர் நகரச் சதுக்கம் (Kathmandu Durbar Square), என்று அழைக்கின்றனர். நேப்பாளத்தின், காட்மண்டு நகரத்தில் உள்ள மிக முக்கிய சுற்றுலா இடம்.

🏰இந்த இடம் UNESCO வால் அங்கிகரிக்கப்பட இடமாகும். 
SAARC நாடுகளைச் சார்ந்தவர்களுக்கு
நுழைவுக்கட்டணம் (ரூ 500 )  கட்ட வேண்டும். காவல் துறை கண்காணிப்பு உண்டு.

நன்றி🙏🏼
25.4.24 #மீள்தரிசனம் 
#சுப்ராம்ஆலயதரிசனம்
#முக்திநாத்திருப்பயணம் -
#Nepal Yatra 20.04.2024 - 4.5.2024 -
#சுப்ராம்ஆலயதரிசனம் 
#என்றும்_அன்புடன் 
#சுப்ராம்_அருணாசலம்_காரைக்கால் 
#ஆலயம்தொழுவதுசாலவும்நன்று 
#ஆன்மீகபாரதம்அகிலத்தின்சிகரம்

முக்திநாத்திருப்பயணம் 15-#NepalYatra 20.04.2024 - 4.5.2024

#நாராயணன்ஹிட்டிஅரண்மனை
#காத்மாண்டு
#முக்திநாத்திருப்பயணம் -
#NepalYatra 20.04.2024 - 4.5.2024 
15
🕊️ #பயணஅனுபவக்குறிப்புகள்.
25.04.2024

✨25.04.2024 அன்று மதியம் காட்மண்டு மற்றும் அருகில் உள்ள  சில இடங்களை தனி வாகன வசதிகள் ஏற்பாடுகள் செய்து கொண்டு சென்று தரிசித்து விட்டு மாலை மீண்டும் பசுபதிநாதர் தரிசனம் செய்து பாக்மதி நதி ஆர்த்தி தரிசனம் செய்து Narayana Hotel தங்கினோம். 

⛳ சென்று வந்த சுற்றுலா இடங்கள் /ஆலயங்களைப் பற்றிய வலைதளக் குறிப்புகளும் எமது அனுபவ குறிப்புகளும்
தங்களுடன் பகிர்ந்து கொள்கிறேன்.
நன்றி🙏🏻

🏰நேப்பாள் காட்மண்டுவில் ஏராளமான அரண்மணைக் கட்டிடங்கள் மற்றும் ஆன்மீக  சுற்றுலா இடங்கள் உண்டு.

✨காத்மாண்டு நகரச் சதுக்கம்
⚡பக்தபூர் நகர சதுக்கம்
⚡பதான் தர்பார் சதுக்கம்
⚡பசுபதிநாத் கோவில்
⚡சங்கு நாராயணன் கோயில்
⚡பௌத்தநாத்து
⚡ (சுயம்புநாதர் கோயில்)Amideva Buddha Park
மேலும்,
⚡காத்மாண்டு சமவெளி
⚡திரிபுவன் பன்னாட்டு வானூர்தி நிலையம்
⚡திரிபுவன் பல்கலைக்கழகம்
⚡சிங்க அரண்மனை
⚡நாராயணன்ஹிட்டி அரண்மனை

இவற்றுள் எங்களுக்குக் கிடைத்த நேரத்தில் 2, 3 இடங்கள் மட்டும் சென்று பார்க்கும் வாய்ப்புக் கிடைத்தது.

#நாராயணன்ஹிட்டிஅரண்மனை (Narayanhiti Palace or Narayanhiti Durbar) :
 
🏰காத்மாண்டில் உள்ள நேபாள மன்னர்களின் வாழிடமாகும். 

🏩தற்போதைய நாராயணன்ஹிட்டி அரண்மனை, மன்னர் மகேந்திரன் 1963ல் புதிதாக நிறுவினார்

🏩நாராயணன் என்பதற்கு திருமாலையும், நேவாரி மொழியில் ஹிட்டி என்பதற்கு நீர்த் தாரையையும் குறிக்கும். இந்நீர்த் தாரை, கோயிலின் கிழக்கு நுழைவு வாயிலில் உள்ளது.

🏰நேபாள இராச்சியத்தின் ஷா வம்சக் காலத்திற்கு முன்னர், நாராயணன்ஹிட்டி அரண்மனை அமைந்த பகுதியை, தற்கால இந்தியாவின் உத்தரகாண்ட் மாநிலத்தின் குமாவுன் மற்றும் கார்வால் நாட்டின் படைத்தலைவரின் இளையமகன் சிவராம் சிங் பஸ்யந்த் என்பவர் நாராயணன்ஹிட்டி அரண்மனையை நிறுவினார்.

🏰பின்னர் நேபாள இராச்சியத்தின் ஆறாவது தலைமை அமைச்சரான பதே ஜங் ஷா, காட்மாண்டுப் போரில் நாராயணன்ஹிட்டி அரண்மனையை, மல்லர் வம்ச மன்னர் ஜெயப்பிரகாஷ் மல்லாவிடமிருந்து கைப்பற்றினார். 

🏰19 செப்டம்பர் 1846ல் தலைமை அமைச்சர் பதே ஜங் ஷா நாடு கடத்தப்பட்ட பின்னர், புதிய தலைமை அமைச்சர் ஜங் பகதூர் ராணாவின் தம்பி ரணதீப் சிங் குன்வர், நாராயணன்ஹிட்டி அரண்மனையின் பழுதுகளை நீக்கி தனது குடியிருப்பாகக் கொண்டார்.

🏰நேபாள மன்னர்களின் இளவரசர் தீபேந்திரா, மன்னர் பிரேந்திரா, அரசி ஐஸ்வரியா உட்பட 10 பேர்களை சுட்டுக் கொன்றார். பின்னர் திபேந்திரா தன்னைத் தானே சுட்டுக் கொண்டு, நான்கு நாட்களுக்கு பிறகு இறந்தார். உலகம் துயர அதிர்ச்சியில் உறைந்தது
இந்த நிகழ்வுக்குப் பிறகு அரண்மனைக் கட்டிடத்தை அரசு கைப்பற்றியது.

🏰2006ல் நேபாளத்தில் நடைபெற்ற தொடர் ஜனநாயக புரட்சியின் காரணமாக, மன்னர் ஞானேந்திரா பதவி பறிக்கப்பட்டதுடன், நேபாளத்தின் புதிய நாடாளுமன்றம், ஞானேந்திராவை நாராயணன்ஹிட்டி அரண்மனையிலிருந்து 15 நாட்களுக்குள் வெளியேற கட்டளையிட்டது. 

🏰தற்போது நாராயணன்ஹிட்டி அரண்மனை பொது அருங்காட்சியகமாக மாற்றப்பட்டுள்ளது.

🏰இவ்வருங்காட்சியகத்தில் நேபாள அரண்மனைவாசிகளின் நகைகள் மற்றும் அரிய பொருட்கள் காட்சிக்கு வைக்கப்பட்டுள்ளன.

🏰அரண்மனை கட்டிட வளாகம் மிகப்பெரிது.பல பகுதிகள் கொண்டது.

🏩மகேந்திரா மன்ஸில் என்பது மகேந்திரா பிர் பிக்காராம் ஷா மன்னர் அரண்மனை.
இந்து கோவிலின் கோபுரம் அமைப்பில் முன்புற உள்ள Tower அமைந்துள்ளது.

அரண்மணைக்கு வெளிப்புரம் உள்ள நாராயணன் ஆலயம் முன்பு ஒரு கருடன் சிலை உள்ளது.

🏩உட்புறம்

சுமார் 40838 ச.அடி பரப்பளவில் இது அமைந்துள்ளது.
3 பகுதிகளாக உள்ளது.
விருந்தினர் அறை பகுதி
அரச நிர்வாக பகுதி
தனிப்பட்ட அறை பகுதி
அரண்மனையில் 52 அறைகள் உள்ளன இவைகள் Sadan என்றும் அழைக்கப்படுகின்றன. நேப்பாளத்தில் உள்ள 75 மாவட்டங்களின் பெயர்களில் இவை உள்ளன. 
அரண்மனை உட்பகுதி விக்டோரியன் கட்டிட அமைப்பைச் சார்ந்தது.

🏰சில முக்கிய இடங்கள்:

🏩KASKI SADAN என்று அழைக்கப்படும், வரவேற்பு அறையில் 
மகந்திரா, பிரேந்திரா அரசர்கள் காலத்தில் வேட்டையாடிய, இரண்டு வங்காள புலியின் தோல்கள் பாடம் செய்து காட்சிப்படுத்தப்பட்டுள்ளது. 
படிக்கட்டுகளின், ஷா அரச குடும்பத்தினர் படங்கள் உள்ளன.

🏩KASKI SADAN இடத்தில், ஷா அரச குடும்பத்தினர்  அரசு தலமை அதிகாரிகளும், பிரதமர்களும் நேப்பாள சட்டங்களின்படி ,  உறுதிமொழி எடுக்கும் இடமாகும்.

🏩Gorkha Baithak  என்ற இடம் அரண்மனையில் நடுநாயகமானது. இது இந்து ஆலயக் கட்டிட அமைப்பு உடையது. நல்ல உயர அமைப்பு கொண்டது.
அஷ்ட நாக மந்திர தூண்களுடன் அஷ்ட பைரவர்கள் சூழ 48 X 60 அடி அளவில் உள்ள இந்த மண்டபம் இந்து ஆலய அமைப்பில் உள்ளது. இங்கு நடுவில் ராஜ மகுடம் வைக்கப்பட்டுள்ளது.
அரச நிகழ்வுகள் முக்கியமான நடைமுறை விழாக்கள் இங்கே செயல்படுகிறது.
அரசு குடும்பத்தினர் பங்கு பெறும் நிகழ்வுகள் நடைபெறும் இடம்

🏩அரசர்கள் விருது வழங்கும் இடம்.
உயர் மட்ட அரசு மற்றும், ராணுவ அதிகாரிகளுக்கான இடம். இந்த இடம் அரசின் முக்கிய முடிவுகள் எடுத்து அறிவிக்கப்படும் கூடம்.

🏩Dolpa Sadan
இந்த அறையானது, Gorkha Baithak அருகில் உள்ளது. அரசு நிகழ்வுகளை, அரச குடும்பத்தினர் மட்டும்  இருந்து காண்பதற்காக அமைக்கப்பட்டுள்ளது. வெளியில் பொதுவில் இருந்து யாரும் இவர்களை காண இயலாதவாறு ஏற்பாடுகள் உள்ளது.

இது தவிர,
🏰விருந்தினர்கள் தங்கும் இடத்தில் அவர்களுக்கான தனித்தனி தங்குமிட அறைகள், உணவுக்கூடம், முக்கிய ஆலோசனைகள் செய்ய தனிக் கூடங்கள்
ஒரு பகுதியிலும்,
அரசின் முதன்மை அதிகாரிகளுக்கு தனி அலுவலக அறைகள், ஓய்வு எடுக்கும் அறைகள். அதிகாரிகள் கூடும் இடம்.
விருந்தளிக்கும் இடங்கள்.

மற்றும்,

🏰அரச குடும்பத்தினர் வாழுமிடங்கள் தனி உபயோகத்திற்கும், பொதுமக்களுடன் கலந்து தரிசனம் தருவதற்கும் தனி தனி இடங்கள் உண்டு. அரசர் மற்றும் அரசியாரின் தனிப்பட அறைகளும் உள்ளன.

🏰 20010 ஆண்டு  ஜுன் மாதம் முதல் நாளில்
இளவரசர் தீபேந்திரா, மன்னர் பிரேந்திரா மற்றும் ராணி ஐஸ்வர்யா மற்றும் குடும்ப உறுப்பினர்கள் அனைவரையும் சுட்டு விட்டு தானும் தற்கொலை செய்து கொண்டது உலகம் முழுதும் அதிர்ச்சியை ஏற்படுத்திய துயரமான நிகழ்வு.

துப்பாக்கியால் சுட்ட இடம் அடையாளப்படுத்தி வைக்கப்பட்டுள்ளது.

🏰இது தவிர அரண்மனை  பின்புறம் வளாகத்தை ஒட்டி மிகப்பெரிய பொழுதுபோக்கு பூங்கா தோட்டம் அமைக்கப்பட்டுள்ளது.

🏰அரண்மனை மற்றும் தோட்டப் பகுதி தாண்டி வெளிப்புறம் நாராயணர் ஆலயம் ஒன்றும் உள்ளது.

மேலும் சில தகவல்கள்:

✨நுழைவுக்கட்டணம் ஒருவருக்கு ரூ500/- SARC நாடுகளைச் சேர்ந்தவர்களுக்கு உண்டு.
✨கைப்பேசிகள், பெரிய Bags கண்டிப்பாக அனுமதி கிடையாது. இலவச Cloack Room ல் வைத்து விடலாம்.
✨மொத்தமாக அவரவர்கள் ஆர்வத்தைப் பொறுத்து 1 மணி முதல் 1.1/2மணி நேரம் ஆகலாம்.
✨அரண்மணைப் பகுதிகளிலோ, உட்புறமோ  எந்தவித கடைகளும் கிடையாது.
✨வாகனங்கள் நிறுத்தும் இடம் அரண்மணை நுழைவு பகுதியில் உள்ளது.
✨நாங்கள் இருந்த NARAYANA Holel லிருந்து இந்த அரண்மணை அருங்காட்சியகம், மற்றும் காத்மாண்டு நகரச் சதுக்கம் சென்று வர 10 பேர் சென்றுவர ரூ 2500 ஆனது.

நன்றி🙏🏼
25.4.24 
#சுப்ராம்ஆலயதரிசனம்
#முக்திநாத்திருப்பயணம் -
#Nepal Yatra 20.04.2024 - 4.5.2024 -
#சுப்ராம்ஆலயதரிசனம் 
#என்றும்_அன்புடன் 
#சுப்ராம்_அருணாசலம்_காரைக்கால் 
#ஆலயம்தொழுவதுசாலவும்நன்று 

#ஆன்மீகபாரதம்அகிலத்தின்சிகரம்

முக்திநாத்திருப்பயணம் - 14 #NepalYatra 20.04.2024 - 4.5.2024

#பூதநீலகண்டர்கோயில்
#காத்மாண்டு
#முக்திநாத்திருப்பயணம் -
#NepalYatra 20.04.2024 - 4.5.2024 
14
🕊️ #பயணஅனுபவக்குறிப்புகள்.
25.04.2024

✨25.04.2024 காலையில் ஆலயம் சென்று பசுபதீநாதரை வணங்கி விட்டு, காலை உணவு முடித்துக் கொண்டு, நேப்பாள் ஆலயங்கள்காட்மண்டு மற்றும் அருகில் உள்ள  சிலவற்றை தனி வாகன வசதிகள் ஏற்பாடுகள் செய்து கொண்டு சென்று தரிசித்து விட்டு மதியம் Hotel வந்தோம்.

⛳ஆலயங்களைப் பற்றிய வலைதளக் குறிப்புகளும் எமது அனுபவ குறிப்புகளும்
தங்களுடன் பகிர்ந்து கொள்கிறேன்.
நன்றி🙏🏻

ஸ்ரீபுத்த நீலகண்டர் கோவில்
பூதநீலகண்டர் கோயில் (Budhanilkantha Temple), 
#ஜலநாராயணர்

🕉️பூதநீலகண்டம் (Budanilkantha), நேபாள நாட்டின் மாநில எண் 3ல் உள்ள காத்மாண்டு மாவட்டத்தின் சமவெளியின் வடக்கில், சிவபுரி மலையடிவாரத்தில் அமைந்த நகரம் ஆகும். தேசியத் தலைநகர் காட்மாண்டிற்கு வடக்கே 8 கிமீ தொலைவில் பூதநீலகண்டம் நகரம் உள்ளது. 

🕉️திறந்தவெளியில் நிறுவப்பட்ட இக்கோயிலின் மூலவர் விஷ்ணு, நீர் நிரம்பிய குளத்தில் மையத்தில், ஆதிசேஷன் மீது யோக நித்திரை கொண்டுள்ளார். 

 🕉️பூதநீலகண்டம் ஆலயம் விஷ்ணுவுக்கு அர்ப்பணிக்கப்பட்ட கோயிலாகும்.

🛐நீலகண்டரின் கிடந்த நிலையில் அமைந்த உருவச்சிலையே நேபாளத்தின் பெரிய இந்து சமய சிற்பம் ஆகும்.

🛐கோயில் மூலவரான பூதாநீலகண்டரின் கிடந்த நிலையில் அமைந்த உருவச் சிலை ஒரே கருங்கல்லால் செதுக்கப்பட்டதாகும். 5 மீட்டர் நீளம் (16.4 அடி) கொண்ட பூதாநீலகண்டரின் சிலை, 13 மீட்டர் (42.65 அடி) நீளமுள்ள நீர் நிரம்பிய குளத்தின் நடுவே, ஆதிசேஷன் மீது படுத்த நிலையில் விஷ்ணு காட்சியளிக்கிறார்

🌼 சுற்றிலும்,ஆலய வளாகக் கட்டிடங்களுடன், நடுவில் அமைந்துள்ள
ஒரு குளத்தின் நடுவில், வெட்ட வெளியில், 4 கருங்கல் தூன்கள் கொண்ட விதானத்துடன், நீண்ட உருவமாக நாகத்தின் மீது பள்ளி கொண்டிருக்கும் அமைதியான, அற்புதத் திருக்கோலத்தில் மேற்கு நோக்கியவாறு  ஸ்ரீமன் ஜலநாராயணர்  உள்ளார். 

🌟 குளம் உள் சுற்று வெளி சுற்று வருவதற்கு படிகள் அமைப்புகள் உள்ளன.
குளத்தின் மேற்கு கரையின் சுவற்றுப் பகுதியில் பல்வேறு தெய்வ உருவங்கள் காணப்பெறுகின்றன.  இந்துக்கள் மட்டுமே செல்ல அனுமதி. வரிசையில் நின்று, மேற்குப்புரம் உள்ளே நுழைந்து ஸ்ரீஜலகண்டரை அருகில் சென்று வணங்கி வரலாம். சென்றசென்ற முறை மாலை நேரத்தில் வந்து தரிசனம் கண்டோம்.

🌼கரைப்பகுதியில் தெற்குப் புறத்தில், சில சிறிய கருவரை மண்டபத்துடன், சிவலிங்கம்,  முதலிய தெய்வ உருவங்கள் கொண்டவை அமைக்கப்பட்டுள்ளது.

🌼ஹோமம், பூசைகள் செய்யவும் வசதி செய்து தரப்படுகிறது.

🌟வடக்குப்புறம் தனி சன்னதியில், அம்பாள் சன்னதியும் உண்டு.

🛐நீரில் தெரியும் ஜலகண்டரின் முழு உருவம் கவனித்து தரிசனம் செய்வது சிறப்பு.

25.4.24 #மீள்தரிசனம் 
#சுப்ராம்ஆலயதரிசனம்
#முக்திநாத்திருப்பயணம் -
#Nepal Yatra 20.04.2024 - 4.5.2024 -
#சுப்ராம்ஆலயதரிசனம் 
#என்றும்_அன்புடன் 
#சுப்ராம்_அருணாசலம்_காரைக்கால் 
#ஆலயம்தொழுவதுசாலவும்நன்று 
#ஆன்மீகபாரதம்அகிலத்தின்சிகரம்

முக்திநாத்திருப்பயணம் 13 -#NepalYatra 20.04.2024 - 4.5.2024

#குஹ்யேஸ்வரிகோவில்
#காத்மாண்டு
#முக்திநாத்திருப்பயணம் -
#NepalYatra 20.04.2024 - 4.5.2024 
13
🕊️ #பயணஅனுபவக்குறிப்புகள்.
25.04.2024

✨25.04.2024 காலையில் ஆலயம் சென்று பசுபதீநாதரை வணங்கி விட்டு, காலை உணவு முடித்துக் கொண்டு, நேப்பாள் காட்மண்டு மற்றும் அருகில் உள்ள ஆலயங்கள் சிலவற்றை தனி வாகன வசதிகள் ஏற்பாடுகள் செய்து கொண்டு சென்று தரிசித்து விட்டு மதியம் Hotel வந்தோம்.

⛳ஆலயங்களைப் பற்றிய வலைதளக் குறிப்புகளும் எமது அனுபவ குறிப்புகளும்
தங்களுடன் பகிர்ந்து கொள்கிறேன்.
நன்றி🙏🏻

குஹ்யேஸ்வரி கோவில் 

🛕குஹேஸ்வரி அல்லது குஜேஸ்வரி என்றும் உச்சரிக்கப்படுகிறது , இது நேபாளத்தின் காத்மாண்டுவில் உள்ள புனிதமான கோவில்களில் ஒன்றாகும். 

🛕இந்த கோவில் குஹ்யேஸ்வரி அல்லது ஆதி சக்திக்கு அர்ப்பணிக்கப்பட்டுள்ளது . இந்த கோவில் ஒரு சக்தி பீடமாகும்.

 🛕மேலும் இது பசுபதிநாத் கோவிலுக்கு கிழக்கே சுமார் 1 கிமீ தொலைவில் பாக்மதி ஆற்றின் தென் கரையில் அமைந்துள்ளது . 

🛕இது இந்துக்களுக்கு, குறிப்பாக தாந்த்ரீக வழிபாட்டாளர்களுக்கு ஒரு முக்கியமான யாத்திரைத் தலமாகும். 

🛕17 ஆம் நூற்றாண்டில் மன்னர் பிரதாப் மல்லா இந்த கோவிலை புதுப்பித்துள்ளார்.

🛕கோவிலின் பெயர் சமஸ்கிருத வார்த்தைகளான குஹ்யா (இரகசிய அல்லது மறைக்கப்பட்ட) மற்றும் ஈஸ்வரி (தெய்வம்) ஆகியவற்றிலிருந்து உருவானது. 

🛕லலிதா சஹஸ்ரநாமத்தில் தேவியின் 707வது பெயர் "குஹ்யரூபிணி" என்று குறிப்பிடப்பட்டுள்ளது (லலிதா சஹஸ்ரநாமம் 137வது சுலோகம்: சரஸ்வதி சாஸ்திரமயி, குஹாம்பா குஹ்யரூபிணி).

🛕நெவார் சமூகத்தைச் சேர்ந்த பிராமண குலத்தினர் மட்டுமே குஹ்யேஸ்வரி கோவிலின் தினசரி சடங்குகள் அல்லது நித்ய பூஜைகளை செய்கின்றனர்.

 🛕குஹ்யேஸ்வரியின் தினசரி சடங்குகள் தந்திர பூசாரி கர்மாச்சார்யாவால் நடத்தப்படுகின்றன . சிறப்பு சடங்குகள் மற்றும் சந்தர்ப்பத்தில் வேத ஆச்சாரியார் ராஜோபாத்யாயா வேத பூஜை மற்றும் கர்மாச்சார்யா தாந்த்ரீக சடங்குகளை செய்கிறார்.

தலபுராணம்

51 சக்தி பீடங்கள்
🌟சதிதேவியின் சடலத்தை சுமந்த சிவன்
தக்ஷ யாகம் மற்றும் சதியின் தீக்குளிப்பு பற்றிய கதை பண்டைய சமஸ்கிருத இலக்கியங்களை வடிவமைப்பதில் மகத்தான முக்கியத்துவத்தை கொண்டிருந்தது மற்றும் நேபாளத்தின் கலாச்சாரத்தில் கூட தாக்கத்தை ஏற்படுத்தியது. இது சக்தி பீடங்கள் என்ற கருத்தின் வளர்ச்சிக்கு வழிவகுத்தது. இதன் மூலம் சக்தியை வலுப்படுத்தியது.

 🌟சிவன் மாமனார் தக்ஷனால் அவமதிக்கப்பட்டபோது , ​​​​அவரது மனைவி சதிதேவி மிகவும் கோபமடைந்து யாகத்தின் தீயில் குதித்தார் . 

🌟  சிவபெருமான்  துக்கமடைந்து, சதி தேவியின் சடலத்தை சுமந்து கொண்டு ஆரியவர்த்தம் முழுவதும் சோகத்தில் அலைந்து திரிந்த போது, 
(விஷ்ணுவே வேதனைப் பொறுக்காமல் அவ்வுடலை துண்டாக்கினார் என்றும் புராணங்கள் உண்டு)
​​அதன் உடல் உறுப்புகள் கீழே விழுந்ததால் சக்தியின் இருப்புடன் பிரதிஷ்டை செய்யப்பட்டதாக நம்பப்படுகிறது . 51 சக்தி பீடங்களும் சமஸ்கிருத எழுத்துக்களின் 51 எழுத்துக்களுடன் ஒத்திருக்கின்றன , குஹ்யேஸ்வரி I எழுத்தைக் குறிக்கிறது.

🛕குஹ்யேஸ்வரி கோயில் சதியின் மலக்குடல் அல்லது குத பகுதி விழுந்ததாகக் கூறப்படும் இடத்தைக் குறிக்கிறது. 

🛕ஒவ்வொரு சக்தி பீடமும் ஒரு சக்தி மற்றும் ஒரு காலபைரவருக்கு அர்ப்பணிக்கப்பட்டுள்ளது .
ஆலய அமைப்பு

🌼 குஹ்யேஸ்வரி கோவிலில், சக்தி குஹ்யேகாலி மற்றும் பைரவர் கபாலி தனித்தனி சன்னதிகள்.

🌟அம்மன் கோயிலின் மையத்தில் வெள்ளி மற்றும் தங்கத்தால் மூடப்பட்ட கலசத்தில் வணங்கப்படுகிறார். 
கலசம் ஒரு கல் அடித்தளத்தில் உள்ளது, இது நிலத்தடி இயற்கை நீர் ஊற்றை உள்ளடக்கியது, அதில் இருந்து அடித்தளத்தின் விளிம்புகளிலிருந்து தண்ணீர் வெளியேறுகிறது. 

🌼கோயில் ஒரு முற்றத்தின் மையத்தில் நிற்கிறது மற்றும் மேல் கூரையைத் தாங்க  நான்கு கில்டட் நாகங்களால் அலங்கரிக்கப்பட்டு மேலே உள்ளது. 

🌟இந்த ஆலயம் தாந்த்ரீகர்களால்ப் போற்றப்படுகிறது. மேலும்,  இந்த கோவிலில் தாந்த்ரீக சடங்குகள் செய்யப்படுகின்றன. குஹ்யேஸ்வரி தேவியின் விஸ்வசொரூபம் அவளை எண்ணற்ற கைகளுடன் பல வண்ணத் தலை தேவியாகக் காட்டுகிறது.

🌼 நவராத்திரி மற்றும் ஜாத்ரா காலங்களில் கோவிலில் கூட்டம் அதிகமாக இருக்கும்.

 🌟குஹ்யேஸ்வரியை வஜ்ரவாராஹி வடிவில் உள்ள வஜ்ரயோகினிக்கு புனிதமானதாகவும் , காத்மாண்டுவை வளர்க்கும் தொப்புள் கொடியாகவும் இருக்கும் ஸ்வயம்புநாத் ஸ்தூபி இருக்கும் புராண தாமரையின் வேரின் இருப்பிடமாகவும் கருதுகின்றனர்.

🌟 திபெத்திய மொழியில், இந்த இடம் பாக்-மோ நகல்-சு ( வாராஹியின் கருப்பை திரவம்) என்று அழைக்கப்படுகிறது. 

🌼கோயிலின் கிணற்றில் உள்ள நீரூற்றில் இருந்து பாயும் நீர் யோனி வெளியேற்றம், அம்னோடிக் திரவம் அல்லது வஜ்ரவராஹியின் நீர் என நம்பப்படுகிறது.

🌼ஆலயம் சற்று உயரமான பாறைகள் கொண்ட இடத்தில் இருக்கிறது.
பாக்மதி ஆறு ஆலயத்தின் முன்புறம் கீழ் பகுதியில் ஒடுகிறது. ஆற்றின் கரைகள், படித்துறைகள் புனரமைக்கப்பட்டு அழகாக விளங்குகிறது. ஆறு மிக அவசியமாக தூய்மை செய்யப்பட வேண்டியுள்ளது. வாகனங்கள் நிறுத்துமிடங்கள் உள்ளன.

🌼ஆலயம் சுற்றிலும், பழமையான பெரும்  கட்டடங்கள் நிறைந்து, பெரு வெளி முற்றம்  நடுவில் கருவரை சன்னதி மண்டபம் அமைந்துள்ளது.

🌼உச்சியில் தங்க கலசம் ; உலோக அமைப்பில்  செய்யப்பட்ட நாகங்கள், கல் சிங்கங்கள் பாதுகாப்பு கருவரை அடிப்பகுதியில் உள்ளன.
🌟கருவரை மண்டபம் வடக்குப் பகுதியில்
முன்புறம் பெரிய கூடம் 3 உயரமான துண்களில், சிங்கம் மற்றும் சில உருவங்கள் உள்ளன.

🌼கருவரை உள்ளே சென்று திரும்ப வெளிய வரவும் குறுகிய பாதைகள்
மேற்குப் பகுதியில் அமைக்கப்பட்டுள்ளன.
கருவரை உட்பகுதியில் நீண்ட முற்றம் பள்ளமாக உள்ளது. அதில் சிறிய கல் உருவம், மற்றும் அம்பாள் பீடம் அமைக்கப்பட்டுள்ளது.

🌟மேற்கு பிரகாரத்தில், பெரிய மணி,
மற்றும் உயர தூண்களில் சிங்கங்கள்
தனி அமைப்புடன், சிறிய மண்டபத்துடன் கூடிய சிவலிங்கம் தரைப்பகுதியில், எதிரில் சிறிய அம்பாள் அமைக்கப்பட்டுள்ளது. மற்றும் ஒரு சிறிய மண்டபத்தில் பைரவர் உள்ளார்.

🌼கருவரை சன்னதியின் கிழக்குப் சுற்றுப் பிரகாரம் குறுகியது.

 🌟பிரகார மண்டபத்தில் சுற்றிலும், பல்வேறு பஜனைகள், வழிபாடுகள், பூசைகள் நடந்து கொண்டுள்ளது.

🌼இவ்வாலயத்திலிருந்து பசுபதிநாதர் ஆலயம் நடந்து செல்ல வழி உள்ளது.
சென்ற முறை இங்கு வந்தபோது, பசுபதிநாதரை தரிசித்து விட்டு அங்கிருந்து நடந்து இங்கு வந்தோம். வழியெல்லாம் சிறு சிறு ஆலய அமைப்புகள் ஏராளமாக உள்ளது. மலைப்பிரதேசம் என்பதால், கல்பாறைகள் கொண்டது, காட்டுப்பகுதியாகவும் உள்ளது.

🌼பொதுவாக, வெளியூரிலிருந்து வருகிறவர்கள், பசுபதிநாதர் தரிசனம் முடித்து, அந்த ஆலயப்பகுதிகளைச்  சுற்றி 3.கி.மீ தூரம் நல்ல பாதையில், வாகனம் வைத்து இந்த ஆலயம் வந்து தரிசிக்கின்றனர்.

25.4.24 #மீள்தரிசனம் 
#சுப்ராம்ஆலயதரிசனம்
#முக்திநாத்திருப்பயணம் -
#Nepal Yatra 20.04.2024 - 4.5.2024 -
#சுப்ராம்ஆலயதரிசனம் 
#என்றும்_அன்புடன் 
#சுப்ராம்_அருணாசலம்_காரைக்கால் 
#ஆலயம்தொழுவதுசாலவும்நன்று 
#ஆன்மீகபாரதம்அகிலத்தின்சிகரம்

திருப்போரூர் கந்தசாமிக்கோவில் செங்கல்பட்டு மாவட்டம்

திருப்போரூர் கந்தசாமிக்கோவில் திருப்போரூா் கந்தசுவாமி கோவில் என்பது இந்தியாவின் தமிழ்நாட்டின், செங்கல்பட்டு மாவட்டம் திருப்போரூரில் இருக்கும...