Tuesday, April 9, 2024

அயோத்திபுனிதப்பயணம் பதிவு - 10


அயோத்திபுனிதப்பயணம்
பதிவு - 10

பயண அனுபவக் குறிப்புகள்:

🕉️எங்களுடைய குழுவின்  பயணத் திட்டத்தின் படி நாங்கள் சென்ற முதல் நாள் அன்று மாலையில் சிலர் புறப்பட்டு லால் ஜோக் சென்று,  ஆர்த்தி பார்க்க சென்று விட்டார்கள் 6 மணி அளவில் ஆர்த்தி நடைபெறுகிறது. 
பலர் ராமர் ஆலயம் மட்டும் பார்த்து தரிசித்துவிட்டு வந்து விட்டார்கள்.

 🕉️நாங்கள் அனுமன் ஆலயம் தரிசித்து பின் ராமர் ஆலயம் சென்று ராமர் தரிசனம் செய்துவிட்டு அங்கிருந்து கடைத்தெரு வழியாக லால் செளக்  வந்து அங்கிருந்து இ பஸ் மூலமாக TENT சிட்டி வந்து அடைந்தோம்.

🕉️இரவு உணவு முடித்துவிட்டு எங்களுக்கு ஒதுக்கப்பட்டிருந்த கூடாரத்தில் தங்கி விட்டோம்.
இரவில் சற்று அதிக குளிர் இருந்தது. 

🕉️மறுநாள், விடியற்காலையில் TENT CITY யில் குளித்து காலை உணவு முடித்து ஆலயம் சென்றனர்.

🕉️நாங்கள் TENT CITY யிலிருந்து புறப்பட்டு லால் செளக் பகுதி சென்று அருகில் உள்ள சூரிய காட் என்ற இடத்தில் சராய் நதியில் குளித்தோம்.

 🕉️பிறகு அங்கிருந்து ஹனுமன் ஆலயம் சென்றோம் கூட்டம் மிக மிக அதிகமாக இருந்தது. நாங்கள் அருகில் உள்ள சில ஆலயங்களை தரிசித்து பின் ராமர் ஜென்ம பூமி சென்று விட்டு திரும்பினோம்.

🕉️ராமர் வளாகத்தை ஒட்டிய சிவன் கோயில் அதன் அருகில் ஒரு மிகப்பெரிய ஆலயம் வளாகம் அதில் ஒரு அன்னதான தர்மசத்திரமாக அதை வைத்திருக்கிறார்கள் வித்தியாசமான முறையில் பூசை நடந்தது ஒரு குழந்தை இராமரையும் வைத்து  தொட்டியில் வைத்து ஆட்டினர்கள். சிறு சிறு சன்னதிகள் ஏராளமாக உள்ளது. எல்லாவற்றிற்கும் பூசை ஆராதனை. அதன் பின் அன்னதானம் பெரிய அளவில் நடைபெறுகிறது.

🕉️அதற்கு மிக அருகிலேயே ராமர் ஜென்மபூமி ஆலயத்தின் முன் பகுதி உள்ளது.

🕉️நாங்கள் மீண்டும் ராமர் ஆலயம் பகலில் சென்று தரிசனம் செய்துவிட்டு அங்கு இருந்த மற்ற சில ஆலயங்களையும் தரிசனம் செய்தோம். நாங்கள் அயோத்தி மாநகரில் உள்ளஹனுமான் ஆலயம், ராமஜென்ம பூமி, தசரத் மகால், கனக்பவன், ராஜத்வார் ஆலயம், சராயு நதிக்கரை பகுதிகள், மற்றும் ராஜ்காட் என்ற இந்தபகுதியில் உள்ள சில ஆலயங்கள் மட்டுமே தரிசனம் செய்ய முடிந்தது.

🕉️இரண்டாம் நாளில் மேல் குறிப்பிட்ட ஆலயங்களை தரிசித்து, ராமஜென்மபூமி தரிசித்து விட்டு பிரதான சாலை வழியாக,
அனுமார் ஆலயம் தாண்டி, திரும்ப லால் செளக் என்ற இடத்திற்கு வந்தோம்.  .

🕉️அங்கிருந்து நாம் தங்கியிருக்கும் TENT சிட்டிக்கு இலவச பஸ் வந்து நிற்கும்.அந்த பஸ்ஸில் புறப்பட்டு TENT சிட்டி வரலாம்.

🕉️லால் செளக் பகுதியில் ஷேர் ஆட்டோ / ஆட்டோ இவைகள் கிடைக்கின்றன. சிலர் இ-பஸ் மிகவும் கூட்டமாக இருக்கிறது என்று கருதுவதால் அதில் தனியாக பயணித்தும் TENT சிட்டிக்கு வந்து விடுகிறார்கள்; வழியிலேயே,  அயோத்தி பேருந்து நிலையமும், டூரிஸ்ட் பஸ்கள் நிறுத்தும் இடமும் அமைந்துள்ளது.

🕉️இதையெல்லாம் தாண்டி சுமார் ஒரு 5 கிலோ மீட்டர் தூரத்தில் TENT சிட்டி தனியாக அமைக்கப்பட்டுள்ளது.

 🕉️சில ஆலயங்கள் புனரமைப்பு பணிகளில் இருந்தது.  மீண்டும் லால்ச்சோ பகுதிக்கு வந்து அங்கிருந்து நாங்கள் தங்கி இருந்த TENT சிட்டிக்கு வந்து சேர்ந்தோம்.

🕉️மாலையில் புறப்பட்டோம். இரவு ரயில் வண்டி புறப்பாடு இருந்ததால் உடனடியாக உடமைகளை எடுத்துக்கொண்டு வெளியில் வந்தோம்.

🕉️அங்கேயே எங்களுக்கு ஒரு இலவச பிரசாதப்பை வழங்கப்பட்டது அந்த சிறு பையில் ராமர் ஆலயத்தை பற்றியும் ஒரு சிறிய டப்பியில் சராயு புண்ணிய நதிமனல் வைத்தும், சிறிய பாட்டிலில்  தீர்த்த நீரும்  ஒரு பையில் வைத்து கொடுத்தார்கள்.

🕉️அங்கே லட்டு பிரசாதம் விலைக்கு விற்கிறார்கள். இராமர் படம், ஆலயம் பற்றிய படங்கள் சில பொருட்கள் எல்லாம் தேவை என்றால் இங்கேயே  வாங்கிக் கொள்ளலாம்.

 🕉️நாங்கள் கூடாரத்தை விட்டு வெளியில் வந்து எல்லோரும் ஒருங்கிணைந்து, ரயில்வே நிலையம் வந்து சேர்ந்தோம்.

 🕉️அயோத்தி தாம் ரயில்வே நிலையம் வந்ததும் எங்களுக்கான ரயில் வருவதற்கு உரிய நேரம் வரை காத்திருப்பு  இடத்தில் தங்குவதற்கு வசதி செய்திருந்தார்கள்.

🕉️அது ஒரு பெரிய கூடார அமைப்பு தற்காலிக கூடார அமைப்பில் உள்ளது. அங்கே தங்கி இருந்து ரயில் வந்ததும் புறப்பட்டோம்.
5.03.2024 என்று சரியான நேரத்திற்கு ரயில் விழுப்புரம் வந்து இறங்கினோம்.

🕉️அதிர்ஷ்ட வசமாக இறைவனுடைய அருளால் திருவாளர் சந்திரசேகரன் அய்யா  அவர்கள் எமச்கு நட்பானார் அவர் மூலமாக இந்த வாய்ப்பு எமக்கு கிடைத்தது. அவருக்கு எமது இதயம் நிறைந்த நன்றியை என்றும் காணிக்கை செலுத்துவோம்.🙏🏼🙇🏼

🕉️மிகவும் பண்பாளர் இனிய போற்றத்தக்க மனத்தினர்.  கடுகளவும் சினம் கொள்ளாமல் அனைவரையும் ஒன்றிணைத்து எங்களை வழிநடத்தி இந்த பயணத்திற்கு  முழுமையாகவும் சிறப்பாகவும் நடத்தி கொடுத்தார்.

🕉️இது  நம்முடைய பூர்வ ஜென்ம விதி பலன்களாலும் முன்னோர்கள் அருளாலும்,  இறையருளால், எனக்கு இந்த வாய்ப்புக்கிடைத்தது என்று முழுமையாக நம்புகிறேன்.

 🕉️அற்புதமான பயணம் எங்கள் குழுவில் எல்லோரும் மிகவும் திருப்தியாக ஆலயம் சென்று அயோத்தியில் உள்ள ராமர் ஆலயம் தரிசித்தோம். அங்குள்ள சராயு புண்ணிய நதியில் குளித்தோம் மற்றும் சுற்றியுள்ள ஆலயங்களும் தரிசித்தோம்.

🕉️எல்லோரும் மிக மிக மன திருப்தியுடன் எல்லா நிகழ்வுகளும் அவரவர்கள் எண்ணங்களின் விருப்பப்பப்படி மன நிறைவுடன் தரிசனம் கிடைத்தது.

🕉️ இந்தப்பயணத்தில், ஏராளமான அனுபவங்களும், நல்ல இறை உணர்வு சிந்தனைகளும், அருமையான நட்புகளும் எனக்கு கிடைத்தது.

🕉️இந்த ஏற்பாடை திரு சந்திரசேகர் அய்யா அவர்கள் பல்வேறு அமைப்புகளுடன் இணைந்து ஒருங்கிணைத்து இதை செய்து முடித்துள்ளார் அவருக்கு மீண்டும் எங்கள் நமஸ்காரம்.  நாங்கள் அனைவரும் அவருக்கு நன்றி தெரிவித்தோம். ஆலயம் தொழுவது சாலவும் நன்று என்றாலும் இறைவனின் அருள் இருந்தால் மட்டுமே எதுவும் சாத்தியப்படும்.

🕉️ நமது பாரத புன்னிய பூமியில் உள்ள இன்னும் இன்னும் எத்தனையோ புராதானமான ஆலயங்கள் தரிசிக்க வேண்டும் என்ற எண்ணம் எல்லோருக்கும் உண்டு. இறைவனிடம் மனமுருகி தூய அன்புடன் பத்தி வைத்தால்,  இறைவன்  கண்டிப்பாக நிறைவேற்றுவார் என்பது சத்தியவாக்கு.

🕉️எனது அனுபவங்களை தங்களுடன் பகிர்ந்து கொண்டேன்.
நன்றி🙏

29.02.2024 – 5.03.2024
#அயோத்திபுனிதப்பயணம் 
#சுப்ராம்ஆலயதரிசனம்
#என்றும்அன்புடன்
#சுப்ராம்_அருணாசலம்_காரைக்கால் 

#ஆன்மீகபாரதம்அகிலத்தின்சிகரம் 
#ஆலயம்தொழுவதுசாலவும்நன்று 
🛕🛐🔱🙏🏼🇮🇳🕊️🧘🌏🏔️–
🙏🏼❤️🔱🙏🏼💜🔱🙏🏼❤️🔱🙏🏼💜🔱🙏🏼💛🔱🙏🏼💙🔱🙏🏼🧡🔱


WHATSAPP CHANNEL....

Face Book....



INSTAGRAM


Twitter

My Blog....
🔱🙏🏼❤️🔱🙏🏼💜🔱🙏🏼💛🔱🙏🏼💙🔱🙏🏼🧡🔱

அயோத்திபுனிதப்பயணம் பதிவு - 9


பதிவு - 9

✨அயோத்தியின் மற்ற முக்கிய இடங்கள்:

-சுக்ரீவ கோட்டை, 
-சசியா ராம் கோட்டை, 
-ஜானகி மகால் பெரிய இடம், ராம்கோட் 
- ராம் குகை தாலோபாலி
- அனுமன் குகை
- தசரதன் அரண்மனை
- ராதா கிருஷ்ணா கோவில் ரானோ பாலி
- கோகுல்தம்
-அஷ்ரபி பவன் கோவில்
- ராஜ்துவார் கோவில் 
-மோதி ஹரி கோவில் 
-மணி ராம் கன்டோன்மென்ட்
- திகம்பர் அகாரா 
- கர சேவபுரம் பட்டறை கோவில்  
-ராம் ஜானகி கோவில் 

விழாக்கள்

தீபோத்ஸவம்:

🛐அயோத்தியின் பிரதான வரலாற்று மத ஆன்மீகம் மற்றும் கலாச்சார முக்கியத்துவத்தை கருத்தில்கொண்டு உத்திரப்பிரதேச அரசு 2017 ஆம் ஆண்டு முதல் 
மாநில சுற்றுலாத்துறையின் முயற்சியால் சரயு நதியின் கரையில் அடிவாரத்தின் ஆண்டுதோறும் லட்சக்கணக்கான விளக்குகள் ஏற்றி தீபாவளிக்கு ஒரு நாள் முன்னதாக 
தீபோத்ஸவம் நடத்துகிறது. இது கின்னஸ் புக் புத்தகத்தில் இடம் பிடித்து சாதனை பிடித்துள்ளது.

🛐சௌராசி சுக்ல ராம நவமி அன்று கோசி பரிக்கரமா

🛐கார்த்திக் சுக்ல நவமி அல்லது அக்ஷய நவமி அன்று 14 கோசி பரிக்கராமா

🛐கார்த்திக் ஏகாதசி அன்று பஞ்சகோசி பரிகரமா

🛐Antgrihi Parikrama தினந்தோரும் :
இந்த பரிக்கமா வசிஷ்ட குண்டத்தில் தொடங்கி ஹனுமன்கர்ஹியில் இருந்து தெற்கு நோக்கு செல்கிறது.
இது ஸ்ரீ வசிஷ்ட ஆசிரமத்தில் முடிவடைகிறது. இந்தச் சுற்றில் அயோத்தியின் அனைத்து முக்கிய கோவில்கள் மற்றும் கோவில்கள் அடங்கும்.

🛐சைத்தாரா ராம் நவமி (மார்ச் – ஏப்ரல்
🛐ஷ்ரவன் ஜுலா கண்காட்சி (ஜூலை – ஆகஸ்ட்)
🛐கார்த்திக் பூரணிமா (நவம்பர்)
🛐ஸ்ரீராம் விவா உத்தராயண் ஜெயில் (நவம்பர் – டிசம்பர்)
🛐வளர்க் யாத்திரை (சுகுன்) கண்காட்சி
🛐பரத்குண்ட் இறந்தார்.
🛐குப்தார் காட் கண்காட்சி
🛐சேற்று நிலம் (மஹி ) சேற்று
- உக்ரைன் கண்காட்சி

மேலும், பார்க்க வேண்டிய அருகிலுள்ள இடங்கள்.

பாலர்க் தீர்த்தம் சூரிய குண்ட் 
🛐(சுமார் 4 கி.மீ.) பதினான்காவது கோசி பரிக்கிரமா பாதையில் அமைந்துள்ளது.
இங்கு ராஜா தர்ஷன்சிங் சூரியக்கடவுளின் கோவிலையும், பெரிய சூரிய குண்டத்தையும் கட்டினார்.  இங்கு ஆண்டு தோறும் கண்காட்சியும் நடத்தப்படுகிறது.

நந்தகிராம், பாரத்குண்ட் 
🕉️(சுமார் 14 கி.மீ).அயோத்தியில் உள்ள சுல்தான்பூர் தோட் மீது அமைந்துள்ள நம்பிக்கையின்படி ஸ்ரீ ராமன் வனவாசத்திலிருந்து திரும்பிய பிறகு பாரதிஜி இங்கு தவம் செய்தார். அன்றிலிருந்து அது நந்தி கிராம் (பாரத் குண்ட்) என்று அழைக்கப்படுகிறது.
இங்கு பாரதி ஜி கோயிலும் உள்ளது.
மகெளடா, மக்பூமி 
🛕(சுமார் 2 கி.மீ) :
இங்குதான் தஜ்ஜா தசரதன் புத்ரேஷ்டி யாஜ் செய்ததாக நம்பப்படுகிறது.

🛕சிருங்கி ரிஷி ஆசிரமம் 
(சுமார் 32 கி.மீ)
அயோத்தியின் மாயா பஜார்
தண்டா சாலையில் மகபூப் கஞ்சில் சரயு நதிக்கரையில் சுனி ரிஷியின் பழமையான கோவில் அமைந்துள்ளது. இங்கு ஆண்டு தோறும் ராம நவமி அன்று திருவிழா

 🛕 வாராஹி தேவி, 
உத்தட்டி பவானி
இங்கு வடபவானி எனப்புகழ் பெற்ற வராஹி தேவியின் பழமையான ஆலயம்

🛕சுவாமி நாராயணன் கோவில், சாபியா (40 கி.மீ)
சுவாமி நாராயண் கோவில் சாபியாவில் அமைந்துள்ளது.

பொது :

🛕 நகரில் பெரும்பாலும் தனியார் Trust அமைப்பினர் உரிமை கொண்ட கட்டிடங்கள் அதிகம் உள்ளது ; பல் வேறு கட்டடங்கள் /ஆலயங்கள் சீர் செய்யப்பட்டும், புதியவடிவில் நவீனங்கள் செய்யப்பட்டும் வருகின்றன. 
🛕வரும் காலங்களில் அயோத்தி நகரின் எல்லா இடங்களிலும், பல்வேறு புரானங்களின் அடிப்படையிலும், சரித்திர தொடர்பான இடங்களும் புதுப்புது விஷயங்களுடன் புதிய ஆலயங்கள் / கட்டிடங்கள் மக்கள் சென்று பார்த்து வர அனுமதிக்கப்படுவார்கள்.

🛕மிக மிக வேகமாக வளர்ந்து கொண்டிருப்பதை நாம் நேரில் காணமுடிகிறது. 

🛕சுமார் 10 – 15 ஆண்டுகளில் இதன் வேக வளர்ச்சியின் உச்சத்தைக் காணலாம்.   இப்புராதான புண்ணிய நகரத்தை மீட்டெடுக்கும் முயற்சிகளுக்கு உறுதுணையாக பக்தர்களுக்கும், பொதுமக்களுக்கும் அரசுகள் செயல்படுகிறது.

🛕உலகத்தின் புராதான நகரங்களின் மிக மிகமுக்கிய நகராக உருவாக்க பெரும் முயற்சிகள் செய்யப்பட்டு வருகின்றன.

🛕அயோத்தி நகர், சுற்றுப் பகுதிகள் Infrastructure வளர்ச்சியின் வேகம் மிகவும் அதிகரித்து வருகிறது.

🛕பக்தர்கள் மட்டுமின்றி, உலகத்தின் பல்வேறு பகுதிலிருந்து, பார்வையாளார்கள், பூகோள, சரித்திர ஆராய்ச்சியாளர்கள், நவீன நகரமைப்பு வடிவாளர்கள் ஏராளமானோர் வந்து இந்நகரின் புராணபெருமை, புகழ் சிறப்பு தரும் வகையில்  பங்காற்றல் செய்து வருகிறார்கள்.

🛕பாரதத்திற்கு மீண்டும் பெருமை, புகழ், பொருள் அள்ளித்தரும் நகரமாக அயோத்தி மாறிவருகிறது

பயண அனுபவக்குறிப்புகள் அடுத்த பதிவில் .....

#அயோத்திபுனிதப்பயணம் 
#சுப்ராம்ஆலயதரிசனம்
#என்றும்அன்புடன்
#சுப்ராம்_அருணாசலம்_காரைக்கால் 

#ஆன்மீகபாரதம்அகிலத்தின்சிகரம் 
#ஆலயம்தொழுவதுசாலவும்நன்று 
🛕🛐🔱🙏🏼🇮🇳🕊️🧘🌏🏔️–

அயோத்திபுனிதப்பயணம் பதிவு - 8

பதிவு - 8

கனக்பவன்
🏫அயோத்தி மாநகரின் மிக முக்கிய கட்டிடங்களில் இதுவும் ஒன்று.

🏫 #கனக்பவன்

“ #கனக்பவன்” என்பது திரேதாயுகத்தில் ஸ்ரீ ராமரும் அன்னை சீதாவும் வாழ்ந்த தங்க முலாம் பூசப்பட்ட அரண்மனை.

 🏫துவாபர் சகாப்தத்தின் தொடக்கத்தில். ராமரின் மூத்த மகனான மஹாராஜ் குஷ், தனது தந்தையின் நினைவாக அதை மீண்டும் கட்டினார். துவாபர யுகத்தின் மத்தியில். மகாராஜ் ரிஷப் தேவ் அதை மீண்டும் கட்டினார். துவாபரத்தின் முடிவில் பகவான் ஸ்ரீ கிருஷ்ணர் இங்கு வந்தார்.

🏢கலியுகத்தில், மகாராஜா விக்ரமாதித்யா முதன்முதலில் யுதிஷ்டிர் காலத்தில் கட்டினார். பின்னர் அது விக்ரம் மகாராஜ் சமுத்திரகுப்தாவால் விரிவுபடுத்தப்பட்டு சரி செய்யப்பட்டது. 

🏫துரதிர்ஷ்டவசமாக, மீண்டும் இது அழிக்கப்பட்டது.

 🏫தற்போதைய பிரமாண்டமான ‘கனக் பவன் கோவிலின்’ கட்டுமானம் மற்றும் கும்பாபிஷேகம், 
ஓர்ச்சா மாநில அரசர் எச்.எச்.மகராஜ் சவாய் மகேந்திர சர் பிரதாப் சிங் ஜூதேவின் மனைவியான ராணி விருஷபன் குன்வர் என்பவரால் புனரமைத்துக்கட்டப்பட்டுள்ளது.

🏫கோயிலின் கருவறையில் ஸ்ரீ ராமர் மற்றும் அன்னை சீதையின் பழமையான சிலைகள் உள்ளன.

🏫வருகை தரும் பக்தரின் வலது புறத்தில் முதல் ஜோடி சிலைகளை மகாராணி விருஷபன் குன்வர் நிறுவியுள்ளார்; 

🏫பார்வையாளரின் இடது புறத்தில் உள்ள இரண்டாவது ஜோடி சிலைகள் மகாராஜா விக்ரமாதித்யாவால் நிறுவப்பட்ட பழமையான கோவிலில் இருந்து வந்தவை.

🏫மேலும் மூன்றாவது ஜோடி சிலைகள் ஸ்ரீ கிருஷ்ணரால் பிரதிஷ்டை செய்யப்பட்டவை.

⛳பலரும் வந்து கண்டு செல்கிறார்கள்.

⛳மதிய நேரத்தில் உணவு இடைவெளியில் மூடப்படுகிறது.

✨சில புனரமைப்பு பணிகளும் நடைபெற்று வருகின்றன.

✨இந்த இடம் இரண்டு மாடி கட்டிடம்,
✨உள்ளே மிகப்பெரிய வளாகம் ஒரு கினறு உள்ளது. மாடியில் பல வேறு அறைகள் உள்ளன. ஒரு அறையில் படுக்கை அமைப்பு பிரம்மாண்டமாக உள்ளது.

கணக்பவன் முன் உள்ள கல்வெட்டு:

 ⛳இந்த கல்வெட்டு ராமநவமி நாளில், 13 ஏப்ரல், 2019 அன்று ஸ்ரீ பிரிஷமன் தரம்சேது பிரைவேட் டிரஸ்ட் தலைவர் மகாராஜா சாஹேப் திகம்கர் ஸ்ரீ மதுகர் ஷா ஜூதேவ் மற்றும் துணை ஜனாதிபதி ராஜா சாகேப் அயோத்தி ஆகியோரால் எழுதப்பட்டது. 

ஸ்ரீ விமலேந்திர மோகன் பிரதாப் மிஸ்ராவின் உத்தரவின் பேரில் ஸ்ரீ அஜய் குமார் சாவ்ச்சாரியா இதை நிறுவினார்.

நாகேஷ்வர்நாத் ஆலயம்

✨இது ஒரு நதி அடிவாரத்தில் உள்ள ஆலயம், ராமரின் மகன் குஷ் அவர்களால் கட்டப்பட்டுள்ளதாக கூறுகிறார்கள்.

இன்னும் பதிவுகள்.......
#அயோத்திபுனிதப்பயணம் 
#சுப்ராம்ஆலயதரிசனம்
#என்றும்அன்புடன்
#சுப்ராம்_அருணாசலம்_காரைக்கால் 

#ஆன்மீகபாரதம்அகிலத்தின்சிகரம் 
#ஆலயம்தொழுவதுசாலவும்நன்று 
🛕🛐🔱🙏🏼🇮🇳🕊️🧘🌏🏔️–

அயோத்திபுனிதப்பயணம் பதிவு - 7

பதிவு -7

தசரத் மகால்
 
🏢அனுமன் ஆலயம் முன்புறம் சென்று சற்று வடக்கில் தசரத மகால் என்ற இடம் உள்ளது. இந்த இடம் தசரத சக்கரவர்த்தியின் அரண்மனைப் பகுதி என்கிறார்கள்.

🏢முன்பகுதி ஒரு அழகிய முன் முகப்பு வளைவுடன் கூடிய பெரிய Compond அதைக்கடந்து உள்ளே சென்றால், வலது புறம் ஒரு ஹனுமன் ஆலயம். அதைத் தொடர்ந்து, மகால் முன்பகுதி நுழைவுப் பாதை சற்று அகலமானது.
🏢அதைக் கடந்தால், பெரிய முற்றப்பகுதி எதிரில் தசரதன் மாளிகை மிக அலங்காரமாக, வண்ணமயமாக அமைக்கப்பட்டு உள்ளது. மாடிப்பகுதிக்கு செல்ல அனுமதி இல்லை.

🏢முன்பகுதியில் 3 பிரிவு சன்னதிகளில் ஒவ்வொன்றிலும், ராமலெட்சுமன சீதா சிலைகள், மற்றும் உள்ள இடங்களிலும் சிலைகள் அமைத்துள்ளனர்.
ஏராளமானோர் இங்கே வந்து செய்கிறார்கள்.
Phone, Camera Allowed.
நுழைவுக்கட்டணம் எதும் இல்லை.
🏢புனரமைப்பு வேலைகள் நடைபெற்று வருகின்றன.
🏢இந்த இடத்திலிருந்தும் ராமர் ஆலயம் செல்லலாம்.
🏢தசரத் மகால் வழியாகவும் மேலும் சில ஆலயங்கள் செல்லலாம்
🏢மேலும், இதற்கு இடது புறம் செல்லும் ஒரு சாலையில், 200 மீ. தூரத்தில் கனக்பவன் என்ற இடம் செல்லலாம். இதன் அருகிலும், சில சிறு, பெரிய புராண ஆலயக்கட்டிங்கள் உள்ளன. 

தொடரும் . பதிவுகள்......

#அயோத்திபுனிதப்பயணம் 
#சுப்ராம்ஆலயதரிசனம்
#என்றும்அன்புடன்
#சுப்ராம்_அருணாசலம்_காரைக்கால் 

#ஆன்மீகபாரதம்அகிலத்தின்சிகரம் 
#ஆலயம்தொழுவதுசாலவும்நன்று 
🛕🛐🔱🙏🏼🇮🇳🕊️🧘🌏🏔️–


திருப்போரூர் கந்தசாமிக்கோவில் செங்கல்பட்டு மாவட்டம்

திருப்போரூர் கந்தசாமிக்கோவில் திருப்போரூா் கந்தசுவாமி கோவில் என்பது இந்தியாவின் தமிழ்நாட்டின், செங்கல்பட்டு மாவட்டம் திருப்போரூரில் இருக்கும...