Monday, December 12, 2022

#பயண_அனுபவக்_குறிப்புகள் 🕊️#மகாராஷ்ட்ரா#MUMBAI #மும்பை #ClTY_TOUR #ஜூகுபீச் பதிவு - 1 - 13.10.2022

#பயண_அனுபவக்_குறிப்புகள் 🕊️
#மகாராஷ்ட்ரா
#MUMBAI #மும்பை 
#ClTY_TOUR #ஜூகுபீச்
பதிவு - 1
13.10.2022
#ஜூகுபீச்
13.10.2022 அன்று காலை உணவு முடித்துக் கொண்டு, எங்களுக்காக ஏற்பாடு செய்யப்பட்டிருந்த தனிப்பேருந்தில் ஏறி மும்பை பெருநகரங்களின் ஊடே சில இடங்களைப் பார்த்து வந்தோம்.

1. ஜூகு பீச்
2. மகாலெட்சுமி ஆலயம்
3. கேட் வே ஆப் இந்தியா
4. சித்திவிநாயகர் ஆலயம்.

இவைகள் அணைத்துமே, பெருநகரத்தில் இருந்ததால், இவற்றையெல்லாம் சுற்றிப் பார்த்துவிட்டு, மீண்டும் நாங்கள் தங்கியிருந்த இடத்திற்கு 13.10.2022 அன்று மாலை வந்துசேர்ந்தோம்.

நாங்கள் மும்பை மாநகரத்தின் தாதர் என்ற பகுதியில் தங்கி இருந்தோம். முதலில் இங்கிருந்து நகரின் இன்னொரு பகுதியில் உள்ள ஜுகு கடற்கரைக்கு சென்றோம்.

1.ஜுகு கடற்கரை மும்பை:

 🌊அரபிக்கடற்கரையில் உள்ளது.
 இது சுமார் 6 கி.மீ.தூரம் நீண்டது. சென்னை மெரினாவைப் போன்று முழுதும் மனல் வெளி கிடையாது, கரடு முரடான கற்கள் நிறைந்துள்ளது.
மும்பையின் சுற்றுலா இடங்களில் இதுவும் ஒன்று. 

🌊19ம் நூற்றாண்டின் தொடக்கத்தில், கடற்கரையில் 2 முதல் 3 மீட்டர் உயரத்தில் 
நீண்ட மனல் திட்டாக குவிந்து ஒரு தீவுபோல் இருந்து, அந்த இடங்கள் வளர, வளர கடற்கரை உருவாகிவிட்டதாகக் அறிவியலார் கூற்று.

🏖️RDடாடா அவர்களால், இந்த இடத்தில் விமானப் போக்குவரத்திற்காக ஏற்பாடுகள் செய்யப்பட்டவுடன், இன்னும் அதிக வளர்ச்சியடைந்துவிட்டது என்று கூறுகிறார்கள்.

🏖️வாரக் கடைசியிலும், விடுமுறை நாட்களிலும் அதிக மக்கள் கூடுகிறார்கள்.
தின்பண்டங்கள் அதிகம் விற்பனை செய்யப்படுகிறது. இதற்கான கடைகள் ஏராளமாக உள்ளன.

🏖️கடலில் ஒரு கப்பல் நிறுத்தப்பட்டு பெரிய TVயில் விளம்பரம் செய்யப்படுகிறது - விளம்பர வர்த்தகம் !

✈️கடற்கரையின், மறுபுறத்தில் மும்பை விமான நிலையம் அமைந்துள்ளதால், அதிலிருந்து விமானங்கள் அடிக்கடி புறப்பட்டு செல்லும் காட்சிகள். மிகவும் ரசிக்கத்தக்கவாறு உள்ளது.

🏖️திரைப்படங்கள் அதிகம் எடுக்கும் இடமாக விளங்குகிறது.

☃️வினாயகர் சதுர்த்தியில் பெருங்கூட்டமாக மக்கள் வந்து மன் வினாயகரைக் கரைக்கும் நிகழ்வு குறிப்பிடத்தக்கதாக கூறுகிறார்கள். 

🏞️தற்போது, நாங்கள் சென்ற பகுதியில், பலரும் பாராட்டத்தக்க வகையில்மிக நேர்த்தியாக வடிவமைக்கப்பட்டுள்ள சத்ரபதி சிவாஜியின் சிலை அமைக்கப்பட்டுள்ளது. 

🍁சுதந்திர எழுச்சி போராட்ட காலங்களில், மகாத்மா காந்தி பலமுறை இங்கு வந்து இருந்தார் என்பதால், ஒரு காந்தி சிலையும், ஒரு பள்ளிக்கூடத்திற்கும், ஒரு சிறிய தெருவிற்கும், அவரது பெயர் அவரது நினைவாக வைக்கப்பட்டுள்ளது.

🌷1970ல் பக்தவேதாந்த சுவாமி அவர்களால், ஹரே கிருஷ்ணா பக்தி இயக்கம் துவங்கப்பட்டது. அவர்களால் ஒரு ISKCON ஆலயமும் கட்டப்பட்டுள்ளது.

💥1990ல் மும்பையில் அன்னிய மதத் தீவிரவாதிகளால் இந்த பகுதியில் குண்டுகள் வைக்கப்பட்டு கண்டெடுக்கப்பட்டது. 

🚍அருகில் பிரதான சாலையை ஒட்டி, விமான நிலைய இடத்தில் பெரிய வாகனங்கள் நிறுத்தும் இடம் வசதி உள்ளதால், இங்கு பேருந்து நிறுத்தப்பட்டு, நாங்கள் கடற்கரைக்கு சென்று பார்த்து
விட்டு வந்தோம். 

🛐பயணங்கள் தொடரும்....
நன்றி🙇🏼‍♂️🙏

#என்றும்அன்புடன் 
#சுப்ராம்_அருணாசலம்_காரைக்கால் 
14.10.2022

#பயண_அனுபவக்_குறிப்புகள் 🕊️

#ஜோதிர்லிங்கதரிசனம்2022
#ஜோதிர்லிங்கதரிசனம்
#மகாராஷ்ட்ரா
#மும்பை #MUMBAI
#ClTY_TOUR #ஜூகுபீச்

Sunday, December 11, 2022

பயண_அனுபவக்_குறிப்புகள் 🕊️#மகாராஷ்ட்ரா#MUMBAI #மும்பை #ClTY_TOUR பதிவு - 1 🌼13.10.2022

#பயண_அனுபவக்_குறிப்புகள் 🕊️
#மகாராஷ்ட்ரா
#MUMBAI  #மும்பை 
#ClTY_TOUR 
பதிவு - 1
13.10.2022

நாங்கள் 12.10.2022 அன்று மத்தியப்பிரதேசம் உஜ்ஜியினியிலிருந்து புறப்பட்டு 13.10.2022 காலையில் மும்பை வந்து அடைந்தோம்.  ரயில்வே நிலையத்திலிருந்து மும்பை ஆந்திரா மகாசபா ஜிம்கானா என்ற இடத்தில் சென்று தங்கினோம். கீழ்தளத்தில், பெரிய Hall இருந்தது. அதில் தங்கிக் கொள்ள வைத்தார்கள். மேல்தளங்களில், தனி ரூம்கள் உள்ளன. Room காலி இடம் இருந்தால் மட்டும் அனுமதிக்கின்றார்கள். தனிக்  கட்டணம் என்கிறார்கள். எல்லோருக்கும் Hallலில் தான் இடம் வசதி செய்யப்பட்டு இருந்தது. Bed pillow  தனியாக pay செய்து வசதி செய்து கொண்டோம். 

💥மும்பை மாநகர் பற்றிய அனுபவக் குறிப்புகள்:

🌇எங்கெங்கு நோக்கினும் உயரமான மாடிக்  கட்டிங்கள், வான் வெளியில் வளர்ந்த கட்டிடங்களில் வசிப்பவர்கள் தாம் அதிகமாக உள்ளர்கள்.

🌆உலக பணக்காரர்களின் வரிசைகளில் உள்ள பெரும் பணம் படைத்தவர்கள் அதிகம் வாழுமிடங்கள் இங்குள்ளன.

🌇மிகக் குறைந்த வசதிகள் நிறைந்த நெருக்கடி மிகுந்த வசிப்பிடங்களை சேரிகள் என்று கூறுகிறார்கள். ஆசியாவின் மிகப் பெரிய சேரிப்பகுதியும் இங்குள்ளது என்று சில வசிப்பிடங்கள் உள்ள இடத்தை சுட்டிக் காட்டினார்கள்.

🌇பெரும்பாலும் பாரதத்தின் அனைத்து தொழில் மற்றும், மத்திய, மாநில அரசுகளின் கட்டிடங்கள், அனைத்து சமூக குடியிருப்புகள், பழமையானது முதல், நவீன வகை பொருள்கள் மற்றும் சேவை அடிப்படையில் வளரும் திட்ட அலுவலகங்கள் அனைத்தும் இந்த குறுகிய தீபகர்ப்ப இயற்கை அமைப்புடன் உள்ள பகுதியாகிய மும்பையில் இருக்கிறது. 

🌁அகண்ட பாரத பூமியில்  இவை அனைத்தையும் திட்டமிட்டு பரவலாக அமைத்து  வளர்த்தால் இவ்வளவு நெருக்கடிகளையும் களையலாம் என்ற எண்ணங்கள்  வலுப்பெறுகிறது.

 🏗️பூமியில் இருந்து வானத்தை நோக்கியே அதிக கட்டிடங்கள் வளருகிறது என்பதை நேரில் உணர்கிறோம்.

🏙️எங்கும் பரபரப்பான வாகனங்கள் போக்குவரத்துகள், நெருக்கடியான சாலைகள்.  சில இடங்களில் கடல்கரையை மனல் தரைகளாக மாற்றி அதில் அடுக்குமாடி கட்டிடங்கள் கட்டப்பட்டுள்ளன.  கடலில் ஓரத்தில் சாலைகள் அகலப்படுத்துதல், போக்குவரத்து மேம்பாட்டிற்காக, ஒருபுறத்திலிருந்து மறுபுறத்திற்கு செல்லும் வகையில், கடல்மீது போடப்பட்டுள்ள பிரம்மாண்டமான பாலங்கள் நம்மை புதிய செயற்கை உலகிற்கு அழைத்து செல்கிறது.

🏙️இந்த அதீத வளர்ச்சிகளே மும்பையின் மதிப்புக்கும் பெருமைக்கும் காரணமாக உள்ளது.
 
🌆பொதுவாக பெருநகர வாழ்க்கை முறைகள் இயந்திரத்தனமாகவே இருக்கும் என்பர்கள். இங்கு அதற்கான காரணம் நன்றாகத் தெரிகிறது. அப்பேர்பட்ட சமூக வாழ்க்கையை விரும்பியோ, விரும்பாமலோ, மனிதர்கள் ஏற்றுக்கொண்டு இயங்குகிறார்கள் என்பதே நிதர்சனம்.

#மும்பை: சில பொதுக்குறிப்புகள்: 

💥மும்பை பெருநகரின் விரைவான வளர்ச்சி:

🏙️மும்பை எல்லா வகையிலும் அதிகாரம், செல்வம், கவர்ச்சி மற்றும் புகழ் ஆகியவற்றால் இயக்கப்படும் ஒரு மெகா- நகர்.

🏙️மும்பை சால்சேட் எனப்படும் ஒரு தீவின் தென்மேற்கில் உள்ள ஒரு குறுகிய தீபகற்பத்தில் உள்ளது. இதன் மேற்கில் அரபிக் கடலும், கிழக்கில் தானே கடற்கழியும், வடக்கே வசை கடற்கழி ஆகியவை அமைந்துள்ளன.

🏙️மும்பையின் புறநகர் மாவட்டம் தீபகற்பத்தின் பெரும்பகுதியை ஆக்கிரமித்துள்ளது. நவி மும்பை என்னும் பகுதி, தானே கடற்வழிக்கு கிழக்கே உள்ளது மற்றும் தானே வசை கடற்கழிக்கு வடக்கே உள்ளது.

🏙️மும்பை இரண்டு தனித்துவமான பகுதிகளாக மும்பை நகர மாவட்டம் மற்றும் மும்பை புறநகர் மாவட்டம் என அமைந்துள்ளது. இது மகாராட்டிரத்தின் இரண்டு தனி மாவட்டங்களாக உள்ளது.
நகர மாவட்டப் பகுதி பொதுவாக தீவு நகரம் அல்லது தெற்கு மும்பை என்றும் குறிப்பிடப்படுகிறது

🏢இது வலுவான வரலாற்று இணைப்புகள், அற்புதமான பிரிட்டிஷ் கட்டிடக்கலை, அருங்காட்சியகங்கள், கடற்கரைகள், வழிபாட்டுத் தலங்கள் மற்றும் எல்லாவற்றிற்கும் மேலாக பாலிவுட் ஆதிக்கம் செலுத்தும் நட்சத்திரங்களின் உண்மையான விண்மீன்களைக் கொண்ட நகரம்.

🏢முன்பு,  ஏழு தீவுகள் கொண்ட மீன்பிடி காலனிகளின் சமூகங்களின் தாயகமாக மும்பை இருந்தது.

🏢பல நூற்றாண்டுகளாக, தீவுகள் போர்த்துகீசியர்களிடமும், பின்னர் பிரிட்டிஷ் கிழக்கிந்திய நிறுவனத்திடமும் ஒப்படைக்கப்படுவதற்கு முன்பு, தொடர்ச்சியான உள்நாட்டுப் பேரரசுகளின் கட்டுப்பாட்டில் இருந்தன.

🏢 18 ஆம் நூற்றாண்டின் நடுப்பகுதியில், பம்பாய் பெரிய சாலைகள் மற்றும் இரயில் பாதைகளை நிர்மாணிப்பதன் மூலம் மறுவடிவமைக்கப்பட்டது, மறுசீரமைப்பு திட்டம் பம்பாயை அரபிக்கடலில் ஒரு பெரிய துறைமுகமாக மாற்றியது. 

🏙️19 ஆம் நூற்றாண்டில், அரபிக்கடலில் ஒரு பெரிய துறைமுகமாக மாறியது பம்பாய்.  அதன் பொருளாதாரம் மற்றும் கல்வி வளர்ச்சியால் பாரதத்தின் குறிப்பிடத்தக்க பெருநகரில்  ஒன்றாக வளர்த்தெடுக்கபட்டது. 

🏙️20 ஆம் நூற்றாண்டின் முற்பகுதியில் பம்பாய் இந்திய விடுதலை இயக்கத்திற்கான வலுவான தளமாக மாறியது.

🏙️ 1947 இல் இந்தியா விடுதலை அடைந்தவுடன், நகரம் பம்பாய் மாநிலத்துடன் இணைக்கப்பட்டது. 

🏢1960 இல், சன்யுக்தா மகாராஷ்டிரா இயக்கத்தைத் தொடர்ந்து, பம்பாயைத் தலைநகராகக் கொண்டு புதிய மகாராஷ்டிரா மாநிலம் உருவாக்கப்பட்டது.

 🏢இந்த நகரம் 1996 இல் மும்பை என மறுபெயரிடப்பட்டது. இந்த குறுகிய கால வளர்ச்சியில், நகரம் இந்தியாவின் வணிக மற்றும் பொழுதுபோக்கு தலைநகராக மாறியுள்ளது.

🍁 சமூக இயற்கை சார் வளர்ச்சி சூழல்கள்:

🏞️மும்பை நகர்ப்புறம் தீபகற்ப வடிவத்தில் உள்ளது, (ஏழு தீவுகளை இணைக்கும் நிலம் நிறைந்த பகுதி) தாழ்வான பகுதியாகவும் உள்ளது. இதன் புறநகர்ப் பகுதி உயரமான இடத்தில் உள்ளது, கடந்த சில தசாப்தங்களாக, புறநகர் பகுதியில் புதிய முறைசாரா குடியிருப்புகள் உருவாக்கப்பட்டது, மக்கள் தொகையின் விரைவான அதிகரிப்பு முதலியவை, முறையற்ற கழிவு மேலாண்மை மற்றும் வடிகால் நெரிசல் ஆகியவை ஏற்படுத்தியது.

🏞️இப்பகுதிகளில் இருந்து வெளியேறும் மழைநீரின் கணிசமான அளவு குடிசைகள் மற்றும் உயரமான கட்டிடங்கள் கொண்ட தாழ்வான நகர்ப்புற பகுதிகளை நோக்கி பாய்கிறது.  இதன் விளைவாக, மோசமாகக் கட்டப்பட்ட சேரிகள் வெள்ளத்தால், அடித்துச் செல்லப்படுகின்றன அல்லது இடிந்து பெரும் உயிரிழப்புகள் ஏற்படுகின்றன.

 🏞️மேலும் வெள்ளத்திற்குப் பின்பு நீர் தேங்கும் நிலை நீண்ட காலத்திற்கு நீடிக்கிறது. இதனால் போக்குவரத்து நெரிசல், வெள்ளத்தில் மூழ்கிய சாலைகள், மும்பையில் பலர் பயன்படுத்தப்படும் பொது போக்குவரத்தான தொடருந்து பாதைகளில் அடைப்பும் ஏற்படுகிறது ,  கடந்த சில காலங்களாக, மும்பையில் வெள்ளம் பெருக்கெடுத்து ஓடுகிறது.
 
🏞️மும்பையில் வெள்ள பாதிப்பைக் குறைக்கும் செயல்பாட்டுக்கான திட்டங்களை மகாராஷ்டிர அரசு மேற்கொண்டு வருகிறது.

💥பொருளாதார வளர்ச்சிகள்

🌁பல முக்கிய இந்திய நிறுவனங்கள் மற்றும் பன்னாட்டு நிறுவனங்களின் பெருநிறுவன தலைமையகங்கள் உள்ளன. இது இந்தியாவின் சில முதன்மையான அறிவியல் மற்றும் அணுசக்தி நிறுவனங்களின் அமைவிடமாகவும் உள்ளது. இந்த நகரம் பாலிவுட் மற்றும் மராத்தி திரைப்படத் தொழில்களின் அமைவிடமாகவும் உள்ளது. மும்பையின் வணிக வாய்ப்புகள் இந்தியா முழுவதிலும் இருந்து வரும் புலம்பெயர்ந்தோரை ஈர்க்கின்றது.

🌉மும்பை இந்தியாவின் வர்த்தக தலைநகரமாகவும், உலகளாவிய நிதி மையமாகவும் உருவாகியுள்ளது.  பல தசாப்தங்களாக இது இந்தியாவின் முக்கிய நிதிச் சேவைகளின் அமைவிடமாக, உள்கட்டமைப்பு மேம்பாடு மற்றும் தனியார் முதலீடு ஆகிய இரண்டிலும் கவனம் செலுத்துகிறது.

🏢உலகின் முதல் பத்து வர்த்தக மையங்களில் ஒன்றாக உள்ளது.

🏢உலகின் எந்த நகரத்திலும் இல்லாத வகையில் மும்பையில் எட்டு மிகப்பெரிய பில்லியனர்கள் உள்ளனர்.

🏢 2008 இல் மும்பையின் பில்லியனர்கள் உலகின் எந்த நகரத்திலும் இல்லாத சராசரி அளவு சொத்துக்களைக் கொண்டிருந்தனர்.

- சில தகவல்கள் - வலைதளங்களிலிருந்து....  
நன்றி🙏

🛐பயணங்கள் தொடரும்....
நன்றி🙇🏼‍♂️🙏

என்றும் அன்புடன்
சுப்ராம்.அருணாசலம்_காரைக்கால்

#பயண_அனுபவக்_குறிப்புகள் 🕊️

#ஜோதிர்லிங்கதரிசனம்2022
#ஜோதிர்லிங்கதரிசனம்
#மகாராஷ்ட்ரா
#மும்பை #MUMBAI

#பயண_அனுபவக்_குறிப்புகள் 🕊️

Friday, December 2, 2022

பயணஅனுபவக்குறிப்புகள்🕊️#உஜ்ஜியினிஆலயங்கள்💫பதிவு. 7 12.10.2022 12.SANDIPANI ஆஷ்ரமம்.

#பயணஅனுபவக்குறிப்புகள்🕊️
#உஜ்ஜியினிஆலயங்கள்💫
பதிவு. 7
12.10.2022

12.SANDIPANI ஆஷ்ரமம்.

🛖சந்திப்பானி என்னும் முனிவர் ஆஷ்ரமத்தில் கிருஷ்ணரும், பலராமரும், சுதாமாவும் படித்தனர்.

🛖இந்த இடத்தில், சாந்திப முனிவரின் பெயரால் ஆஷ்ரமம் அமைத்துள்ளது. உஜ்ஜியினியிலிருந்து சுமார் 5 கி.மீ தூரத்தில் உள்ள முக்கிய இடம்.

✨ஸ்ரீ கிருஷ்ணா சுதாமா பல்ராம் வித்யா ஸ்தலம் என்றும்
✨ஸ்ரீ குண்டேஷ்வர் மஹாதேவ் கோயில் என்றும் அழைக்கப்படுகிறது.

வரலாறு :

🛐சாந்திபனி முனிவர் காசியை சேர்ந்த தவமுனிவர். கும்பமேளாவிற்காக,  அவந்தி வந்து மகாகாளர் தரிசனம் பெற்றார். 

🛐இவர் அங்கு சென்று இருந்த போது, அங்கு மழை இல்லாததால், கடுமையான வரட்சியில், மக்கள் துன்பத்தில் வாடியதால், சாந்திபனி முனிவரிடம், வரட்சி போக்க வேண்டும் என்றவேண்டுகோள் வைத்தனர்.

🛐முனிவரும், சிவனை நோக்கி கடும்தவம் மேற்கொண்டார். இவரின் கடும் முயற்சியில் இறைவர் தோன்றினார்.
மக்கள் சுபிட்சத்தை அடைய அருள்பெற வேண்டினார். சிவபெருமானும் அவ்வாறு அருளினார். மேலும், இங்கிருந்து தவச்சாலை அமைத்துச் கொண்டு தொடர்ந்து தவம் செய்து வரவும்  அருள் செய்தார்.

🛐தினமும் அபிஷேத்திற்கு கங்கை நீர் வேண்டும் என்று வேண்டவே, அங்கு கோமதி குண்டம் என்ற தடாகம் ஏற்படுத்தி அருளினார்.

 🛐துவாபர் யுகத்தில், கன்சனைக் கொன்ற பிறகு, கிருஷ்ணரும் பலராமும் தங்கள் படிப்பைத் தொடங்க விரும்ப, வாசுதேவர், முனிவர் சாந்திபனியின் ஆசிரமத்திற்கு கல்வி பயில அனுப்பிவைத்தார்.  

🛐பகவான் கிருஷ்ணர் இங்கு வந்து, தனது குருவிடமிருந்து  16 வித்யாப்பியாசங்களையும் 64 கலைகளையும் கற்றல்களையும் பெற்றார். சாந்தி பானி முனிவர் குருதட்சிணை யாதும் வேண்டாம் என்றார்.

🛐அனைத்து தேவர்களும் தெய்வங்களும் வானத்திலிருந்து மலர்களைப் பொழிந்து குருவை வாழ்த்தினர். 
குரு சாந்திபனி, மற்றும் அனைத்து தெய்வங்களும் ஆசிரமத்தில் நின்று கொண்டிருந்ததைக் கண்டு, தேவாதிதேவர்களும் மகான்களும் இருந்தார்கள். 

🛐குரு சாந்திபனி குருதக்ஷிணையை நிராகரித்தார், ஆனால் ஸ்ரீ கிருஷ்ணரின் தீவிர வேண்டுகோளின் பேரில், ரிஷிபத்னி தனது இறந்த மகனை குருதக்க்ஷிணையாக கேட்டார், பின்னர் ஸ்ரீ கிருஷ்ணர் சௌராஷ்டிரா (குஜராத்) பிரபாஸ் தீர்த்தத்தில் ஷங்காசுரனை  போரிட்டு அவரை மீட்டு,  குருவின் மகனை பாதாளலோகத்திலிருந்து அழைத்து  வந்து, குருமாதாவிடம் அறிமுகப்படுத்தி, குருதக்ஷிணை கொடுத்தார்.

🌟இங்கு தொல் பொருள் கட்டிடங்கள் சில உள்ளன. மிகப்பெரிய வளாகத்தில் உள்ள ஆலயம். இங்குள்ள இடங்கள்.
1.ஸ்ரீ குண்டேஷ்வர் மகாதேவ் கோயில்:
2.ஸ்ரீசாந்தி பானி வழிபட்ட சிவன் 
3. கோமதி குண்டம்
4. கோமதி குண்ட வடகரையில் உள்ள 64 கலை காட்சி.
5. ஸ்ரீகிருஷ்ணர் பயின்ற 16 வித்யாப்யாச விளக்கங்கள் ஓவியக் கூடம்.
6. ஸ்ரீசாந்தி பாணி ஆலய கண்காட்சிக் கூடம்.

 🛕1.ஸ்ரீ குண்டேஷ்வர் மகாதேவ் கோயில்:

ஒற்றை உயர கருவரை கோபுரமும், முன்மண்டபமும் அமைந்துள்ளது.
கருவரையின் நடுவில், தரைப்பகுதியில் சிறிய சிவலிங்கம், 
கருவறையின் உள் சுவற்றில் ஸ்ரீபாலாஜி, ஸ்ரீ வாமனர், ஸ்ரீ நாராயணர் சிலைகளும், ஒரு விநாயகரும் அமைத்துள்ளனர்.
மிகவும் பழமையான நந்தியின் தனித்துவமான சிலைகள் உள்ளன.

♨️புராதான பாறை ஒன்றும் குண்டேஷ்வர் மகாதேவ் கோயிலில் உள்ளது.

♨️வரலாற்று சம்பவங்கள் அனைத்திற்கும் ஆதாரமாக குந்தேஷ்வர் மகாதேவ் கோவிலில் உள்ளதாக கூறுகிறார்கள். 

♨️பகவான் ஸ்ரீ குண்டேஷ்வர் மஹாதேவ், சுதாம கிருஷ்ணா-குரு சாந்திபனி காடி, பல்ராம் மிகவும் பழமையான அதிசய சிலைகள், தனித்துவமான நிற்கும் நந்திகனா, அதிசய செல்வக் கடவுள் குபேர், கடவுள் விஷ்ணு மற்றும் வாமன் தேவ் மற்றும் பிற கடவுள்கள் மற்றும் தெய்வங்கள் அமைந்துள்ளன. கோயிலின் கூரையின் கட்டிடக்கலையும் ஸ்ரீயந்திரத்தை அடிப்படையாகக் கொண்டது.

2.🛕ஸ்ரீசாந்தி பானி வழிபட்ட சிவன் 

♨️சாந்திபனி வழிபட்ட சிவலிங்கம் அமைந்த இன்னொரு ஆலயமும் ஒற்றை உயரக் கோபுரத்துடன் சிறிய முன்மண்டபத்துடன் வளாகத்தின் ஒரு பகுதியில் உள்ளது. இதன் கருவரை சற்று அகலமாக உள்ளது. உள்ளே சென்று அபிஷேகம் செய்யலாம்.

♨️முனிவர் ஆலயத்தில் தற்போதும், பிரார்த்தனைகள் நடைபெற்று வருகிறது

🥏3.கோமதி குண்டம்.

🥏ஆலய வளாகத்தின் ஒரு பகுதியில்  உள்ளது. பாதுகாப்பான கட்டுமானத்துடன் பராமரித்து வருகிறார்கள்.

🥏முனிவருக்காக, கிருஷ்ணர், கோமதி நதியிருந்து  நீர் வரவழைத்த இடம். கோமதி குண்டம் எனப்படுகிறது. 

🥏கோமதி ஆற்றிலிருந்து ஸ்ரீ கிருஷ்ணரால் உருவாக்கப்பட்ட புராதான குளம் கோமதி குண்டம்  இந்த இடம் சிறப்பான பராமரிப்பில் உள்ளது.

4.கோமதி குண்ட வடகரையில் உள்ள 64 கலை காட்சி.

♨️கோமதி குண்டம் என்ற சிறப்புவாய்ந்த குளத்தின் கரையில், 64 கலைகளையும், விளக்கும் சிறப்பு கண்காட்சி வளாகம் அமைத்துள்ளனர்.

5. ஸ்ரீகிருஷ்ணர் பயின்ற 16 வித்யாப்யாச விளக்கங்கள் ஓவியங்கள் கூடம்.

🛖முனிவர் செய்த போதனைகளை மிக அருமையான பழமையான மிக ஆகிய ஓவிய  காட்சிகளுடன் கூடிய தனி வளாகம் ஒன்றும் உருவாக்கப்பட்டு அதில் வைக்கப்பட்டு இருக்கிறது.  இந்த ஓவியங்களை புகைப்படம் எடுக்க அனுமதியில்லை.

6.. ஸ்ரீசாந்தி பாணி ஆலய கண்காட்சிக் கூடம்.

🛖ஆலய வளாகத்தின் இன்னொரு பகுதியில் சிறிய ஆஸ்ரமம் மண்டபம் அமைந்துள்ளது. 
அதன் உள்ளே  ஸ்ரீசாந்திப முனிவர் சிலை அமைக்கப்பட்டு கருவரை அமைப்பில் வழிபாடு நடைபெருகிறது.
அதன் உட்புறம் மிக பிரமாண்டமான, கண்காட்சியில், புராதான  வரலாறுகள் நிறைந்த, ஓவியங்கள் காட்சிப்படுத்தப்பட்டுள்ளன. 

💥சாந்திபானிஆஸ்ரமம் முழுதும் பார்க்க நுழைவுக் கட்டணம் ஏதும் இல்லை.

🌀எல்லா இடங்களுக்கும் சேர்த்து Share Auto per person Rs.250 கொடுத்தோம்.

🌼இந்த ஆலயங்களைத் தரிசித்துவிட்டு அன்று மதியம் Hotel வந்து  மதிய உணவு எடுத்துக் கொண்டு உஜ்ஜியினியிலிருந்து 12.10.2022 மாலை மும்பை புறப்பட்டோம்.

🚞இரவில் ரயிலில் உணவு மற்றும் பயணம்.
இத்துடன் மத்தியப் பிரதேச மாநில  தலங்களை முடித்து கொண்டோம். மகாராஷ்ட்ரா மாநிலம் மும்பைக்கு 13.10.2022 அன்று காலை சென்று அடைந்தோம்.

🛐பயணங்கள் தொடரும்....
நன்றி🙇🏼‍♂️🙏

#என்றும்அன்புடன்
#சுப்ராம்அருணாசலம்_காரைக்கால் 
12.10.2022

#பயணஅனுபவக்குறிப்புகள்🕊️
#உஜ்ஜியினிஆலயங்கள்💫

#ஜோதிர்லிங்கதரிசனம்2022
#ஜோதிர்லிங்கதரிசனம்
#மகாகாளேஸ்வரர் #உஜ்ஜியினிஆலயங்கள்
#ஜோதிர்லிங்கம்
#உஜ்ஜியினி , #மத்தியப்பிரதேசம்
🛕#மகாகாலேஸ்வரர்ஆலயம்

Thursday, December 1, 2022

பயணஅனுபவக்குறிப்புகள்🕊️#உஜ்ஜியினிஆலயங்கள்💫பதிவு : 6 12.10.202211.#மங்களநாத்மந்தீர்

#பயணஅனுபவக்குறிப்புகள்🕊️
#உஜ்ஜியினிஆலயங்கள்💫
பதிவு : 6       
12.10.2022

11.#மங்களநாத்மந்தீர்

♨️மங்களநாத் ஆலயம் : மிகப்பெரிய அழகிய வளாகத்தில் உள்ள ஆலயம்.
செவ்வாய் ஸ்தலம்.

♨️இந்த ஆலயம் உள்ள இடம் ஒரு உயரமான பகுதியாகும், ஆலயத்தின் அருகில் சிப்ரா நதி ஒடுகிறது. 

♨️வெளிப்புர நுழைவுவாயில் மிகவும் அகலமானது. இவ்வாலய வளாகம் மிகப்பெரியது.

 ♨️தொல்பொருள் துறையினரின் பாதுகாப்பில் உள்ளது. 

♨️இந்த இடத்தில் தான், செவ்வாய் உருவாகினார் என்று நம்பப்படுகிறது.
இந்த இடத்திலிருந்து செவ்வாய் கிரகத்தின் ஈர்ப்பு அல்லது தூரம் கணிக்கப்பட்டு இது செவ்வாய் கிரகத்தின் இடமாக முன்னோர்களின் வானிலை வல்லுனர்கள் முடிவு செய்துள்ளனர்.
இதனால் இந்த ஆலயம் மங்கள் நாத் என்ற செவ்வாய் ஸ்தலமாக பக்தர்கள் வந்து பரிகாரங்கள் செய்து நன்மை அடைகின்றனர். 

♨️இந்தப் பரிகாரங்கள் செய்வதற்காக, ஆலயங்கள் உட்புறம், சுற்றிலும், முறையாக இடங்களை ஒருங்கிணைத்து, ஆலயம் அமைத்துள்ளனர்.

♨️இந்த ஆலயம், தற்போது இரு தளங்களை கொண்டிருக்கிறது. ஆலயப்பகுதி உள்நுழைவில், ஒரு சிறிய வெள்ளை பளிங்கு விநாயகர் சன்னதி உள்ளது.

♨️பிரார்த்தனைத் தலம் என்பதால், கீழ் தளத்தில் யாகம்/ஹோமம் செய்யப்படுகிறது. இதற்கு உரிய கட்டணங்கள் நிர்வாக கமிட்டியால் முடிவு செய்து எழுதி வைத்துள்ளார்கள். மேல் தளம் செல்ல அழகிய அமைப்பில் படிகள் உள்ளன

♨️மேல் அடுக்குத்தளத்தின் நடுவில், ஸ்ரீமங்கள் நாதர் கருவரை உள்ளது. மிகப்பெரிய வட்ட வடிவமான அமைப்பில் ஆலயம் உள்ளது.

♨️மேல் தளத்தில், சுவாமி ஸ்ரீமங்களநாயகர் சிறிய லிங்க வடிவத்தில் கருவறையில் உள்ளார். கருவரை வரை இரும்பு குழாய் வரிசைகள் அமைக்கப்பட்டுள்ளது. இரு பகுதியாக  சென்று வணங்கலாம்.

♨️சுவாமிக்கு முன்பாக, நடுவில் உலோகத்தால் கவசம் செய்யப்பட்ட நடுத்தர உயரத்தில் ஒரு ஆடு (செவ்வாயின் வாகனம்) சுவாமியை நோக்கி உள்ளது.

♨️மங்கள் நாதர் கருவரை சுற்றுப் பிரகாரத்தில்,  ஒரு சன்னதியில்  ஸ்ரீ அன்னை புவனேஸ்வரி (பிரித்விமாதா) உள்ளார். அவருக்கு முன்னதாக ஒரு லிங்கம் உள்ளது.

♨️ ஏராளமான பக்தர்கள் செவ்வாய்க்கு பிரார்த்தனை செய்து வருகிறார்கள்.

♨️உஜ்ஜையினியில் உள்ள மிக முக்கிய ஸ்தலங்களில் இதுவும் ஒன்று.

பயணங்கள் தொடர்கிறது.....
நன்றிகள்.

12.10.2022
#பயணஅனுபவக்குறிப்புகள்🕊️
#உஜ்ஜியினிஆலயங்கள்💫

#என்றும்அன்புடன் 
#சுப்ராம்அருணாசலம்_காரைக்கால் 

#ஜோதிர்லிங்கதரிசனம்2022
#ஜோதிர்லிங்கதரிசனம்
#மகாகாளேஸ்வரர் #உஜ்ஜியினிஆலயங்கள்
#ஜோதிர்லிங்கம்
#உஜ்ஜியினி , #மத்தியப்பிரதேசம்
🛕#மகாகாலேஸ்வரர்ஆலயம்


திருப்போரூர் கந்தசாமிக்கோவில் செங்கல்பட்டு மாவட்டம்

திருப்போரூர் கந்தசாமிக்கோவில் திருப்போரூா் கந்தசுவாமி கோவில் என்பது இந்தியாவின் தமிழ்நாட்டின், செங்கல்பட்டு மாவட்டம் திருப்போரூரில் இருக்கும...