தஞ்சாவூர் மாவட்டத்தில் பேராவூரணி - முடப்புளிக்காடு - ஏந்தல் என்ற இடத்தில் உள்ளது புகழ் பெற்ற விநாயகர் கோயிலாகும்.
அமைவிடம்⛳
இக்கோயில் பேராவூரணி-அறந்தாங்கிசாலையில் முடப்புளிக்காடு ஏந்தல் என்னுமிடத்தில் உள்ளது. பேராவூரணியிலிருந்து 1/2 கி.மீ. தொலைவில் உள்ளது.
இறைவன்
இக்கோயிலின் மூலவர் நீலகண்டப் பிள்ளையார் ஆவார்.ஆனால் விழாக்கள் வள்ளி தெய்வானையுடன் உள்ள முருகனுக்கு நடத்தப்பெறுகின்றன.
தலவரலாறு📚
தஞ்சாவூரை ஆண்ட துளசி மகாராஜா தன் அமைச்சருடன் ஆவுடையார் கோயிலை நோக்கிச் சென்றார். நீரழிவு நோயினால் அவதிப்பட்டுக்கொண்டிருந்த அவருடைய அமைச்சருக்கு மருந்து காணச் சென்றார். அப்போது நீலகண்டப் பிள்ளையாரை பலர் வணங்குவதைக் கண்டார். அக்கோயிலின் திருநீற்றினை தரித்தவுடன் அமைச்சருக்கு நோய் நீங்கியது. மன்னர் மகிழ்ச்சியடைந்து கோயிலை விரிவாக்கம் செய்தார். பேராவூரணியை அடுத்துள்ள தென்னங்கொல்லையில் ஒரு வேலி நிலத்தையும் மன்னர் அளித்துள்ளார்.
விழாக்கள்
எந்த விநாயகர் கோயிலிலும் நடைபெறாத தீமிதித் திருவிழா இங்கு நடைபெறுகிறது. சித்திரை மாதத்தில் நடைபெறுகின்ற காவடித்திருவிழாவின்போது பால் குடம், பால் காவடி, கரும்பு கட்டுதல் போன்றவை நடைபெறுகின்றன. அதிக எண்ணிக்கையிலான பக்தர்கள் மார்கழி மாதத்தில் தினமும் காலையில் நந்திக்கு தண்ணீர் எடுத்து ஊற்றி நேர்த்திக்கடனை செலுத்துகின்றனர்.
பயணஅனுபக்குறிப்புகள் 🕊️
பேராவூரணி பிரதான சாலையில் அமைந்துள்ள ஆலயம் முன்புறம் பெரிய மண்டபம் அமைந்துள்ளது.
முன்மன்டபத்தில் கொடிமரம் அமைக்கப்பட்டுள்ளது.
அதை அடுத்து உயரமான கருவரை அர்த்த மண்டபத்துடன் அமைந்துள்ளது. கிழக்குநோக்கிய கருவரையில் அழகுடன் நீலகண்ட பிள்ளையார் அருள்தரும் கோலத்தில் உள்ளார் உள் சுற்றுப் பிரகரம் உள்ளது.
வடக்குப்புறத்தில் பெரிய குளம் ஒன்று பாதுகாப்புடன் நீராட வசதியுடன் அமைந்துள்ளது. நல்ல பராமரிப்பில் உள்ளது
குளத்தின் மேல் கரையில் பொங்கல் வைத்து சமைக்க தகுந்த ஏற்பாடுகள் உள்ளன. ஏராளமான பக்தர்கள் பொங்கல் செய்து வழிபட்டு செல்கிறார்கள் குளம் சுற்றிலும் ஆலய நிர்வாகக்கட்டுப்பாடுடன் பராமரிக்கப்பட்டுவருகின்றன.
பிரதான சாலையிலேயே ஆலயம் உள்ளதால் வாகனங்கள் நிறுத்த தனி இடம் இல்லை பரபரப்பாக போக்குவரத்தும் உள்ளன.
ஆலயபிள்ளையார் மிகவும் சக்திவாய்ந்தவர் என்பதால், பக்தர்கள் பெருவெள்ளமாக வந்து தரிசித்து அருள்பெற்று செல்கிறார்கள்.
12.04.2026 சுப்ராம்🔱🇮🇳
நன்றி🙏
#என்றும்அன்புடன்
#சுப்ராம்அருணாசலம்காரைக்கால்
#ஆலய
ம்தொழுவதுசாலவும்நன்று
#TempleWorshipisTrulyVirtuous🙆🏼🔱
#ஆன்மீகபாரதம்அகிலத்தின்சிகரம்
#BharatisSpiritualZenith🕉️🏔️,
#ECRதலங்கள் - #பேராவூரணிஅருகில்
No comments:
Post a Comment