#சம்பந்தர்அமுதம்
#தலப்பெருமை #பேரருட்திறன்
#வினாவுரை
பதிவு: 5
🌈#அமுதப்பதிகங்கள்
அமைப்புச்சிறப்புகள்
🛐தமிழும், திருநெறியும், உலகம் முழுதும் விளங்க, தெய்வப் பதிகங்கள் அருளிச் செய்த தமிழாகரர், திருஞானசம்பந்தப் பெருமானின் தேவார பதிகப் பாடல்களை சிந்தித்து வருகிறோம்.
அவ்வகையில் இதோ ஒரு வினாவுரை அமைப்பு பாடல்.
பதிவு: 5
வினாவுரை அமைப்பு என்றால் என்ன?
♻️இறைவன் சிறப்புகளை வினவுதல் போல கேள்வி எழுப்பி அதன் விடையை உட்பொருளாக உணர்த்தும் அமைப்பில் பாடல் அமைந்து வருவது.
🛐5️⃣
வினா?
பார்வதி பக்கத்தில் இருந்து பூசிக்கும், மதிதவழ் மதில் சூழ்ந்த தலம் எது?
உலகெங்கும் பிச்சையேந்து நடந்தது ஏன்?
விளக்கம்:
இரண்டாம் திருமுறை
பதிகம்.2.139
தலம் - திருத்தெளிச்சேரி
பாடல் முதலடி: 'பூவலர்ந்தன
பண்: இந்தளம்
வினாவுரைப் பதிகம்
பாடல்: 5
பக்க நுந்தமைப் பார்பதி யேத்திமுன் பாவிக்கும்
செக்கர் மாமதி சேர்மதில்சூழ் தெளிச்சேரியீர்
மைக்கொள் கண்ணியர் கைவளை மால்செய்து வெளவவே
நக்க ராயுலகு எங்கும் பலிக்கு நடப்பதே
பொருள்:
பார்வதி பக்கத்தில் இருந்து பூசிக்க, மதிதவழ் மதில் சூழ்ந்த தெளிச்சேரிப் பெருமானே.
தாருகாவனத்து மாதர்கள் மயக்கம் கொண்டு கையில் அணிந்துள்ள வளையல்கள் கழன்று விழுமாறு மெலியச் செய்து, அவர்களைக் கவரும் வகையில் ஆடையற்றவராய் உலகெங்கும் பிச்சையேந்து நடந்தது.
சிறப்பு:
இத்தலத்து இறைவியை பார்வதி என்று ஏற்றி உணர்த்தியதும், உமாதேவியார் ஈசனோடு கூறாகி இருந்து விளங்குவதும், வேறாகிய
தனித்துப் பக்கம் சார்ந்து பூசனை செய்வதும் ஒரு சேர உணர்த்துதல் சிறப்பு.
🛐ஞானசம்பந்தரின் பதிகச் சிறப்பு
ஒவ்வொரு பாடலும் 4 வரிகள், அதில் முதல் இரு வரிகளில்,
தலச்சிறப்பும், அடுத்த இரு வரிகளின் இறைவரின் அருட்சிறப்பும் வெளிப்படுத்தும் அற்புத பதிகம்.
முதல் இருவரிகளில் ......
1.திருத்தளிச்சேரி தலத்தின் இயற்கை வளம் பக்திச் சிறப்பும், மனிதர் மான்பும், குறிப்பிட்டு இப்பதியில் வசிப்பவரே - திருத்தெளிச்சேரியீர் என்ற இறைவரை விளித்தது.
அடுத்த இருவரிகளில்
2.இறைவரின் அருட்பேராற்றலை குறிப்பிட்டு, வியந்து வினவுகிறார்
💥தலச்சிறப்பு:
🌺 *திருத் தெளிச்சேரி பார்வதீசுவரர் திருக்கோயில்* : பற்றிய சில சிறப்புக் குறிப்புகள்:
🟪திருத் தெளிச்சேரி காரைக்கால் மாநகரின் வடபால், காரைக்கால் பெருவண்டி நிலையத்திற்கு மேற்கில் மிக அருகே உள்ளது.
✡️மேற்கு பார்த்த தலம்
சுவாமி : பார்வதீஸ்வரர்
அம்பாள் : சுயம்வர தபஸ்வினி அம்பாள்.
🕉️ஆலயம் முழுதும் கற்கோவில். சுவாமி மேற்கு பார்த்தும், அம்மன் தெற்கு பார்த்தும் தனித்தனி சன்னதியாக இருப்பினும் ஒரே பிரகாரத்தால் இணைக்கப்பட்டது.
⚛️வெளிப் பிரகாரத்தில் நந்தவனம் அமைத்து அடியார்கள் பராமரிப்பில் உள்ளது.
✡️வேடுவ மூர்த்தி கோலத்துடன் சுவாமி அம்மன் தனி.
🔯தெற்கு புறம் 63 மூவர்.
🕉️திருமண தடை நீங்க வழிபட இவ்வாலயம் சிறப்பு.
🔯பங்குனியில் 7 நாள்கள் சூரிய பூசை
- விதை தெளி உற்சவம் சிறப்பு.
☸️அடியார்களால் மாதம் ஒரு முறை 63 நாயன்மார்களுக்கும் அபிஷேக ஆராதனை மிகச்சிறப்பாக நடைபெற்று வருகிறது.
🟩 *காரைக்கால் அம்மையார் வழிபட்டுத் திருப்பணி செய்த கோயில்*.
🛐புதுவை மாநிலம், காரைக்கால் மாவட்டத்தில் அமைந்துள்ள 4 பாடல் பெற்ற சிவத்தலங்களில் ஒன்று.
✡️- புதுவை மாநில அரசின் கட்டுப்பாட்டில் அறங்காவலர்கள் நியமிக்கப்பட்டுள்ளது.
- ☸️புதுவை மாநிலம், காரைக்கால் மாவட்டத்தில் அமைந்துள்ள 4 பாடல் பெற்ற சிவத்தலங்களில் ஒன்று.
- 🛐மிகப் பழமையான ஆலயம் நகரத்தார்களால், புனரமைக்கப்பட்ட ஆலயம்.
🙏 இது ஒரு அறிமுக பதிவே மேற்படி மூல நூல்களையும் , கட்டுரைகளையும் தயவு செய்து மேலும் கற்றறிந்து தமிழின் சுவையை பக்தியோடு முழுமையாக உணர்வோம்.
☸️இவைகளில் சில பதிகங்களின் சிறப்பு பற்றித் தனித்தனியாக சிலக்குறிப்புகளுடனும், பொருள் விளக்கமுடனும் அடியேன் சிந்தைக்கு எட்டியவரை பல்வேறு அறிஞர்கள், சான்றோர்கள் நூல்களிலிருந்து தொகுத்து சில துளிகளாக அவ்வப்போது வழங்கப்படுகிறது. பருக விரும்புவோர்; பொறுமையுடன் சென்று முன்பதிவுகளைப் பார்க்கவும்.
🔯படித்துப் பலன் பெறுங்கள்.
தமிழின் வளத்தை, சிறப்பை, பக்திப் பெருமையை உணருங்கள்; உலகுக்கு உணர்த்துங்கள்.
தொடர்ந்து சிந்திப்போம்..... ......
🙏நன்றி🙇♂️
🛐🙏🔱🎪🙏🏻🔱🎪🙏🏼🔱🎪🙏🏾🛐
✍️எண்ணமும் ஆக்கமும்:
என்றும் அன்புடன்
#சுப்ராம்_அருணாசலம்
காரைக்கால்🙇♂️🙏🙇♂️
🙏🔱🎪🙏🏻🔱🎪🙏🏼🔱🎪🙏🏽
முன்பதிவு :
https://m.facebook.com/story.php?story_fbid=5879828962092312&id=100001957991710
