உஜ்ஜியின் ஆலயங்கள் - பதிவு - 2
#பயணஅனுபவக்குறிப்புகள்🕊️
#உஜ்ஜியினிஆலயங்கள்💫
பதிவு - 2
5. ஹரஸித்தி மாதா கோயில் (உச்சினி மாகாளி):
12.10.2022
🌺மகாகாளேஸ்வரர் ஆலயத்திலிருந்து சுமார் 1 கிமீ. மேற்குப் புறத்தில் உள்ளது. பிரதான ஆலயம் தரிசித்து விட்டு நடந்தே வரலாம், சாலை நடுவில் ஒரு சிங்கம் உருவ பெரிய சிலை வைக்கப்பட்டுள்ளது.
அதிலிருந்து வடக்கில் பிரியும் சாலையில் 50 அடி தொலைவில் கிழக்குப் பார்த்து அமைந்துள்ள ஆலயம். இது ஒரு முக்கிய ஆலயம்.
சக்தி பீடத்தில் ஒன்று. பார்வதிதேவியின் முழங்கை வீழ்ந்த இடம்.
இராஜகோபுரம் இல்லாவிட்டாலும், உள்நுழைவுப் பகுதி வாசல் பகுதியில் அழகிய சிலைகள் வைக்கப்பட்டுள்ளன.
சாலையிலிருந்து, சுமார் 10 படிகள் ஏறினால் பெரிய வெளி மன்டபம்.
இரண்டு கல்தூன்கள். ஆலய வளாக உள் முன் பகுதியில், அமைந்துள்ள.
ஹரசித்தி மாதா ஆலயம் 6 அடி உயரம் உடையது. ஒரு சிறியமுன்மண்டபம், அடுத்துள்ள கருவரையில் அம்பாள் கிழக்கு நோக்கி அருள்பாலிக்கும் வகையில் அமைப்புள்ளது. முன்புறம் அழகிய ஒரு சிங்கம் உள்ளது. கருவரை உயரக் கோபுர அமைப்பில் உள்ளது. கருவரை மண்டபம் சுற்றி வரலாம்.
🛕கார்கோடேஸ்வரர் ஆலயம் :
💥ஒரு கார்கோடேஸ்வரர் சிவன் ஆலயம் தனியே அம்பாள் ஆலய சன்னதியை, ஒட்டியவாறு இடது புறத்தில் இணைந்து உள்ளது. இது ஒரு முன்மண்டபம் அதில் ஒரு அழகிய சிறிய நந்தி. கிழக்குப் பார்த்த கருவரையில் சிவன் உள்ளார்.
🛕பாதாள காளி / பைரவி சன்னதி:
🌟விக்கிரமாதித்தன் தலையை வெட்டி பலி கொடுக்க முற்பட்ட இடம் என்கிறார்கள். பாதாள பைரவி சன்னதி, இவ்வாலய ஈசான பகுதியில் உள்ளது.
பாதாள காளியை /பைரைவியை பக்தர்கள் தரிசனம் செய்ய மேல்பகுதியில் உள்ள சிறிய மன்டபத்தின் 3 சிறு துளைகள் மூலம் மட்டுமே வணங்க முடியும். கீழே சென்று பூசை செய்ய தனிபடிகள் அமைப்பு உள்ளது. பக்தர்கள் உள்ளே இறங்க அனுமதி கிடையாது.
விக்கிரமாதித்த மகாராஜா வணங்கி அருள் பெற்ற இடம்.
💥மேலும் ஈசானத்தில் தனியாக ஒரு சிறிய விநாயகர் மேற்கு நோக்கிய சன்னதியும் உள்ளது.
💥ஆலய வளாகத்தின் முன் பகுதியில், சுமார் 30 அடி உயரத்திற்கு கல்தூண்கள் இரண்டு அமைந்துள்ளது. மாலையில் இரண்டு கல்விளக்குத் தூண்களிலும் விளக்குகள் ஏற்றப்படும் காட்சி அற்புதம்.
💥சிறிய ஆலயமாக இருந்தாலும் தூய்மையாகப் பராமரிக்கின்றனர்.
முன்பதிவு
https://m.facebook.com/story.php?story_fbid=5428428250565721&id=100001957991710
💥உஜ்ஜியினியின் மிக முக்கியமான ஆலயங்களில் இதுவும் ஒன்றாகும்.
12.10.2022
#பயணஅனுபவக்குறிப்புகள்🕊️
#உஜ்ஜியினிஆலயங்கள்💫
6. Shri Ram Mandir, Patidar Samaj
Shree Rudreshwar Mahadev
12.10.2022
🍀உஜ்ஜினியின் முக்கிய ஆலயங்களில் ஒன்றான, ஹர்சித்தி மாதா ஆலயம் அருகில் வடக்குப்புறத்தில் பெரிய ஒரு ராம் மந்தீர் உள்ளது. அதன் அருகில் சிறிய ருத்திரேஸ்வரர் ஆலயம் உள்ளதும் சிறப்பு.
SRI RAM TEMPLE
🍀ஷிப்ரா நதி செல்லும் வழியில் அருகில் உள்ள ராம் மந்திர். மிகப் பெரிய கட்டிடத்தில் அமைந்துள்ளது. மூலஸ்தானத்தில் ராம லெட்சுமண சீதா பளிங்கு உருவங்கள், மற்றும் பல் வேறு சுவாமி உருவங்கள் வைக்கப்பட்டு Patidar Samaj என்பவர்களால் பராமரிப்பில் உள்ளது.
🍀ஹரிசித்தி மந்திர், விக்கிரமாதித்யர், ஆலயங்கள் வரிசையில் மிக அருகில் உள்ளது.
🌺வீதி முனையில் மிகப்பழமையான சிறிய லிங்க வடிவத்தில் ஸ்ரீ ருத்ரேஸ்வர மகாதேவர் மிகச்சிறு ஆலயம் ஒன்றும் அமைந்துள்ளது.
12.10.2022
#பயணஅனுபவக்குறிப்புகள்🕊️
#உஜ்ஜியினிஆலயங்கள்💫
7. #விக்ரமாதித்யர்ஆலயம்
🌸பாரதம் மறக்கமுடியாத இந்து அரசர்களில் இவரும் ஒருவர், வீரம், தயாளம், மதிநுட்பம் உடைய அரசர்.
உஜ்ஜயினியை மிகச்சிறப்பாக ஆண்ட புகழ் பெற்ற அரசர் விக்கிரமாதித்தியர்.
🔥தன் தலையை பக்தியால் வெட்டிக்கொண்டவர். விக்ரமாதித்தியர் அரசர் சிலைகள் உள்ள ஆலயங்கள் இரண்டு உள்ளன. ஒன்று, மிகப்பழைய ஆலயம்.
🌼ஸ்ரீ ஹரிசித்தி மாதாவை பிரதானமாக வழிபட்ட விக்ரமாதித்தியருக்காக
ஹரிசித்தி மாதா ஆலயத்தின் வடக்குப் பிரகாரத்தில் பிரியும் நேர் பாதையில் செல்ல வேண்டும்.
🌼ஒரு பெரிய கட்டிடத்தில் (ஆலய அமைப்பில்) மிகப்பெரிய விக்கிரமாதித்த அரசர் அரசவையில் உள்ளது போல் அமைத்துள்ளார்கள். அரச சபையில் இருந்த அனைத்து பட்டி, மந்திரிகள், 32 பதுமைகள், எல்லோரும் அவர் கீழ் அமர்ந்து சபை நடத்துவது போல உள்ளது. நாம் அச்சிறிய சாலையில் நின்றே தரிசிக்க வேண்டும். வேதாளம், விக்கிரமாதித்தன் கதை, 32 பதுமைகள் எல்லாம் நினைவுக்கு வந்தது.
🌼நவீனமான மற்றொரு ஆலயம்;
ருத்ர சாகர ஏரியில் ஒன்று புதியதாக அமைக்கப்பட்டுள்ளது. பிரம்மாண்டமான சிம்மாசனத்தில் அமர்ந்த பெரிய விக்கிரமாதித்திய அரசர் சிலை அற்புதமாக காட்சியளிக்கிறது.
ஆன்மீக சுற்றுலா வருகையை அதிகப்படுத்தும் விதமாக இந்த ஏரியினை அழகுபடுத்தியுள்ளதும் குறிப்பிடத்தக்கது.
12.10.2022
#பயணஅனுபவக்குறிப்புகள்🕊️
#உஜ்ஜியினிஆலயங்கள்💫
பதிவு - 1 LINK.
https://m.facebook.com/story.php?story_fbid=8444319635643219&id=100001957991710
🛐பயணங்கள் தொடரும்....
நன்றி🙇🏼♂️🙏
என்றும் அன்புடன்
சுப்ராம்.அருணாசலம்_காரைக்கால்
#ஜோதிர்லிங்கதரிசனம்2022
#ஜோதிர்லிங்கதரிசனம்
#மகாகாளேஸ்வரர் #உஜ்ஜியினிஆலயங்கள்
#ஜோதிர்லிங்கம்
#உஜ்ஜியினி , #மத்தியப்பிரதேசம்
🛕#மகாகாலேஸ்வரர்ஆலயம்
No comments:
Post a Comment