பயணஅனுபவக்குறிப்புகள் 🕊️
#மகாராஷ்ட்ரா
#MUMBAI #மும்பை
#செம்பூர்சுப்பிரமணியசுவாமிஆலயம்
14.10.2022
🛕#செம்பூர்சுப்பிரமணியசுவாமிஆலயம்
14.10.2022
🛐நாங்கள் 13.10.2022 அன்று மும்பை பெருநகரத்தில் உள்ள குறிப்பிட்ட சில இடங்களை சுற்றுப் பார்த்து விட்டு இரவு மும்பை ஆந்திரா மகாசபா ஜிம்கானா என்ற இடத்தில் தங்கினோம்.
🕉️14.10.2022 காலையில் உணவுமுடித்துக் கொண்டு ஜோதிர்லிங்க தரிசனப் பயணத்தைத் தொடங்கினோம். அடுத்து நாங்கள் சென்ற இடம்
மும்பையின் புறநகரில் உள்ள செம்பூர் என்ற இடத்திற்கு சென்றோம்.
🕉️அங்குள்ள ஸ்ரீ சுப்பிரமணிய சுவாமி ஆலயம் தரிசனம் செய்தோம்.
தரிசனம் 14.10.2022 வெள்ளி காலை 9.மணி அளவில் காலை பூசையில் கலந்துகொள்ளும் பாக்கியம் கிடைத்தது.
🛐மும்பை பெருநகருக்கு வடக்கில் உள்ளது செம்பூர், மும்பையின் மாதுங்கா என்ற பகுதியில் உள்ளது.
☸️இந்தப் பகுதியை MINI MADRAS
என்று அழைக்கிறார்கள். தமிழ்நாட்டைச் சார்ந்த பகுதி மக்கள் இங்கு அதிகம் வசிக்கின்றனர்.
🛐மிக நல்ல ஆன்மீக பற்றுடையவர்களால், இங்கு ஒரு அருமையான ஸ்ரீ சுப்பிரமணியசுவாமி ஆலயம் எழுப்பப்பட்டுள்ளது.
🛐இந்த ஆலயம் உருவாக மூலக்காரணமாக இருந்தவர், காலஞ்சென்ற ஸ்ரீ T.V. லெட்சுமனன் அவர்கள். அன்னாரின் பெரும் முயற்சியால், காஞ்சி சங்கர மடத்தின் உதவியும், மற்றும் தென்னிந்திய பஜன் சமாஜ், அரசின் உதவிகள், மற்றும், ஏராளமான அன்பர்கள் முயற்சியால் இவ்வாலயம் உருவாக்கப்பட்டுள்ளது.
🕉️இந்தப் பகுதியில் எந்த இடத்தில் ஆலயம் கட்டப்படவேண்டும் என்று பூமி சாஸ்த்திரத்தின்படி பிரசன்ன விதிகண்டு இடம் தேர்வு செய்யப்பட்டு, ஆகம சாஸ்திரப்படி ஆலயம் எழுப்பப்பட்டுள்ளது.
⚛️இவ்வாலயம் கட்ட ஏராளமானோர்கள் உதவி செய்துள்ளனர்.
🛐குறிப்பாக, திருமுருக கிருபானந்தவாரியார் சுவாமிகள் தனி அக்கரையுடன் இவ்வாலய பணிகளுக்காக அதிக ஈடுபாட்டுடன் செயல்பட்டும், பொருள் உதவிக்கும் உதவியுள்ளார்கள். சுவாமிகள் முன்னிலையில்1973 ல் பாலாலயம் செய்யப்பட்டது.
☸️4.5 அடி உயரம் உள்ள முருகன் சிலைக்காக கிரேனட் கல், தமிழ்நாட்டில் உள்ள மைலத்திலிருந்து வரவழைக்கப்பட்டும், மிகப் புகழ்வாய்ந்த, சுவாமிமலை சிற்பி குமரேச ஸ்தபதி அவர்களால் செய்யப்பட்டது. பஞ்சலோக உட்சவமூர்த்தி சிலைகளும் உருவாக்கம் செய்யப்பட்டுள்ளது.
🛐தமிழ்நாட்டைச் சேர்ந்த சுமார் 50 சிற்பிகள் வரவழைக்கப்பட்டு முழு ஆலயமும் கட்டப்பட்டது இதற்காக, சுமார் 800 டன் கற்கள் மகாபலிபுரத்திலிருந்து மும்பைக்கு கொண்டுவரப்பட்டது.
🛐புனித ஜெகத்குரு சங்கராச்சாரியா ஸ்ரீ காஞ்சி காமகோடி பீடாதிபதி ஸ்ரீ சந்திரசேகந்திர சரஸ்வதி சுவாமிகள் அவர்களின் வழிகாட்டுதலின்படி இவ்வாலயத்தின் அணைத்துப் பகுதிகளும் அவர்களின் ஆசீர்வாதம் பெறப்பட்டு, ஆலயம் நிர்மாணம் செய்து, 1980ல் முதல் கும்பாபிஷேகம் செய்யப்பட்டது.
🕉️இந்த ஆலயம் புராதானத்தையும், புதுமை தொழில்நுட்பத்தையும் முறையாகக் கொண்ட அமைப்பு உடையது.
🕉️ஆலயம் நுழைவில் கீழ்தளத்தில் துவார கணபதி, மற்றும் வலதுபுறம் ஆஞ்சனேயர் சன்னதிகள் உள்ளன. ஆலய முன் பக்கத்தில் உள்ள நீண்ட பெரிய சுவற்றில் வடக்குப்புறம் பெருமாள், தென்புறம் அம்மன் சுதை வடிவங்கள்.
⚛️இரண்டு அடுக்கு மாடி உயரம் கொண்டது. 108 படிகள் அமைந்துள்ளது.
மின்தூக்கியும் உண்டு.
🕉️படிகள் தோரும் முருகன் பல்வேறு சிலை, புராணங்கள் சுதை வடிவில் உள்ளது.
⚛️108 படிகளில் புராணக்கதைகளை 3D சிற்பமாக அழகிய முறையில் அமைந்துள்ளனர்.
🕉️ஆலய அலுவலகம் மற்ற சமையல் அறைகள் முதல் அடுக்கில் உள்ளன.
🕉️இரண்டாவது அடுக்குக்கு மேல் ஆலயம்
🛐 முழு கற்றளியில் கருவரை அமைக்கப்பட்டுள்ளது.
மேற்கு நோக்கிய மூலவர் ஸ்ரீ சுப்பிரமணியர், வள்ளி தெய்வாணையுடன், கொடிமரம், மயில், இடதுபுரம் தனி ஸ்ரீ விநாயகர், வலதுபுறம் ஸ்ரீஅய்யப்பன், வடகிழக்குப் பகுதியில்
ஸ்ரீ குருவாயூரப்பன், வட கிழக்கில் துர்க்காதேவி சன்னதிகள்.
☸️தனி நவகிரகம் அமைப்பு. பெரிய (வாகன) மண்டபம் கருவரைகள் பின்புறம்
அமைத்துள்ளார்கள்.
⚛️மிகுந்த பொருட்சிலவில் அமைக்கப்பட்டுள்ளது. மிக அற்புதமாகவும், மிகவும் மிகத்தூய்மையாகவும் பராமரிக்கப்பட்டு வருகிறது.
🕉️தமிழர் ப(மி)குதியாக இருப்பதால், பக்தர்கள் விழாக்கள் சிறப்புடன் உள்ளதாக கூறுகிறார்கள்.
⚛️ஆலயம் மிகத் தூய்மையாகவும், பக்தி உணர்வுடனும் உள்ளது.
🛐இந்தப் பகுதியில் ஏராளமான தமிழர்கள் உள்ளதால், பக்தர்கள் முறையாக வந்து வழிபட்டு செல்கிறார்கள்.
🛐ஆலயம் தனி நிர்வாகக்குழுவின் மூலம் சிறப்பான கட்டுப்பாட்டுடன் நடைபெற்று வருகிறது.
🕉️அன்றாட பூசைகள் மட்டுமல்லாது, கந்தர் சஷ்ட்டி, தைபூசம், பங்குனி உத்திரம் முதலிய முக்கிய விழாக்கள் சிறப்பான முறையில் கொண்டாடப்பட்டு வருகிறது.
🛐மும்பை செல்லும் தமிழர்கள் அவசியம் தரிசனம் செய்ய வேண்டிய ஆலயமாக உள்ளது. ஸ்ரீ செம்பூர் முருகன் ஆலயம்.
🛐பயணங்கள் தொடரும்....
நன்றி🙇🏼♂️🙏
#என்றும்அன்புடன்
#சுப்ராம்_அருணாசலம்_காரைக்கால்
14.10.2022
#பயண_அனுபவக்_குறிப்புகள் 🕊️
#ஜோதிர்லிங்கதரிசனம்2022
#ஜோதிர்லிங்கதரிசனம்
#மகாராஷ்ட்ரா
#மும்பை #MUMBAI
🛕#செம்பூர்சுப்பிரமணியசுவாமிஆலயம்
☸️🛐🕉️⚛️☸️🛐🕉️⚛️☸️🛐🕉️⚛️☸️🛐🕉️⚛️☸️🛐
No comments:
Post a Comment